កីឡា
តើអ្នកដឹងទេ? ចាប់តាំងពី World Cup បង្កើតមក មានតែទ្វីប២ប៉ុណ្ណោះដែលឈ្នះពាននេះ
ពានរង្វាន់ World Cup ឆ្នាំ២០២២ដែលធ្វើឡើងនៅប្រទេសកាតា គឺជាលើកទី២២ហើយចាប់តាំងពីព្រឹត្តិការណ៍នេះបង្កើតឡើង។
មានតែពីរដងប៉ុណ្ណោះ ដែលការប្រកួតបាល់ទាត់ពិភពលោកមិនបានធ្វើឡើង គឺនៅឆ្នាំ១៩៤២ និង១៩៤៦ ដោយសារតែសង្គ្រាមលោកលើកទីពីរ។
បើទោះបីជាឆ្នាំ២០២២ ប្រទេសអាស៊ី ធ្វើជាម្ចាស់ផ្ទះព្រឹត្តិការណ៍នេះក៏ដោយ ប៉ុន្តែប្រទេសមកពីទ្វីបមួយនេះ មិនទាន់អាចឈ្នះពាន World Cup នៅឡើយទេ។ ប្រទេសកូរ៉េខាងត្បូង ធ្វើបានល្អបំផុត ដោយឡើងវគ្គពាក់កណ្តាលផ្តាច់ព្រ័ត្រក្នុងឆ្នាំ២០០២ នៅពេលព្រឹត្តិការណ៍នេះត្រូវបានប្រារព្ធឡើងជាសហម្ចាស់ផ្ទះរវាងកូរ៉េខាងត្បូង និងជប៉ុន។
ដូចនេះតើទ្វីបណាខ្លះដែលធ្លាប់ឈ្នះពាន World Cup? ចម្លើយគឺ មានតែ២ប៉ុណ្ណោះ អាមេរិកខាងត្បូង និងអឺរ៉ុប។
អាមេរិកខាងត្បូង ឈ្នះ៩សម័យ
ប្រេស៊ីលគឺជាក្រុមដែលជោគជ័យបំផុតក្នុងព្រឹត្តិការណ៍ FIFA World Cup។ ពួកគេបានលើកពាននេះចំនួន៥ដង។ គ្មានក្រុមណាមួយមកពីតំបន់អាមេរិកខាងត្បូង ដែលទទួលបានជោគជ័យដូច្នេះទេ។
ក្រៅពីប្រេស៊ីល ប្រទេសឈ្នះពីរផ្សេងទៀតគឺ អាហ្សង់ទីន និងអ៊ុយរូហ្គាយ។ ប្រទេសទាំងពីរបានឈ្នះពាននេះ ម្នាក់ពីរដង។ អាហ្សង់ទីនបានឈ្នះជាលើកដំបូងនៅឆ្នាំ១៩៧៨ និងលើកទី២នៅឆ្នាំ១៩៨៦។ ចំណែក អ៊ុយរូហ្គាយបានឈ្នះ World Cup នៅឆ្នាំ១៩៣០ និង១៩៥០។
អឺរ៉ុប ឈ្នះ១២សម័យ
អាចនិយាយបានថា អឺរ៉ុបគឺជាស្តេចបាល់ទាត់សម័យទំនើប! លើកចុងក្រោយដែលប្រទេសមិនមែនអឺរ៉ុប លើកពាន World Cup គឺនៅឆ្នាំ២០០២។ ក្នុងចំណោមបណ្តាប្រជាជាតិនៅអឺរ៉ុប អាល្លឺម៉ង់ និងអ៊ីតាលី គឺជាប្រទេសដែលបានលើកពាននេះ៤សម័យដូចគ្នា។
គួរកត់សម្គាល់ថា អ៊ីតាលី គឺជាប្រទេសអឺរ៉ុបតែមួយគត់ដែលបានលើកពាន FIFA World Cup ពីរសម័យជាប់គ្នាគឺនៅឆ្នាំ១៩៣៤ និង១៩៣៨។ ក្រោយមកអ៊ីតាលី បានឈ្នះពាននេះនៅឆ្នាំ ១៩៨២និង២០០៦។ ជាអកុសល អ៊ីតាលីមិនបានជាប់ឈ្មោះមកលេងក្នុងព្រឹត្តិការណ៍ឆ្នាំនេះទេ។
អាល្លឺម៉ង់ បានលើកពាន World Cup ចុងក្រោយក្នុងឆ្នាំ២០១៤។ អាល្លឺម៉ង់ខាងលិច គឺជាក្រុមអឺរ៉ុបដំបូងគេដែលបានលើកពាន World Cup ក្នុងឆ្នាំ១៩៥៤ ហើយនៅឆ្នាំ១៩៧៤ ពួកគេបានឈ្នះវាម្តងទៀត។ ក្នុងនាមជាប្រទេសអាល្លឺម៉ង់ខាងលិច ពួកគេបានលើកពានចុងក្រោយនៅឆ្នាំ១៩៩០។
ក្រុមផ្សេងទៀតដែលបានឈ្នះពាននេះគឺក្រុមការពារជើងឯកបារាំង (២ដង ឆ្នាំ១៩៩៨ និង ២០១៨), អេស្ប៉ាញ (ឆ្នាំ២០១០) និងអង់គ្លេស (ឆ្នាំ១៩៦៦)។
ចុះតើជំនួបរវាងបារាំងមកពីទ្វីបអឺរ៉ុប និងអាហ្សង់ទីន មកពីអាមេរិកខាងត្បូង នៅថ្ងៃអាទិត្យនេះ ពាននឹងបានទៅខាងណា?
ប្រែសម្រួល៖ Vann Vann
ប្រភព៖ Khel Now
ចុចអាន៖ យប់មិញ ខ្សែប្រយុទ្ធម៉ារ៉ុក បន្សល់ទុកកំណត់ត្រាដ៏ចម្លែកមួយនៅ World Cup
Viettel Cambodia និង ISI បានចុះហត្ថលេខាលើកិច្ចព្រមព្រៀងសហប្រតិបត្តិការជាយុទ្ធសាស្ត្រ
រដ្ឋបាលខេត្តបន្ទាយមានជ័យ ទទួលបានសៀវភៅ “កូនប្រុសច្បងដ៏មានឥទ្ធិពល” និងសៀវភៅសម្តេចតេជោ សម្តេចកិត្តិព្រឹទ្ធបណ្ឌិត សរុបចំនួន ៥០៥ ច្បាប់
ប្រធានក្រុមហ៊ុន រាជ្យ សុផាន់ភួងខូអិលធីឌីនិងបក្ខពួក ៣នាក់ ត្រូវសមត្ថកិច្ចបញ្ជូនខ្លួនទៅតុលាការក្នុងករណីឆបោកពលករ២៣នាក់ អស់លុយជាង១៤ម៉ឺនដុល្លារ
ខេត្តបន្ទាយមានជ័យ កំពុងសាងសង់ប្រព័ន្ធធារាសាស្ត្រធំៗចំនួន ២ ក្រោមជំនួយថវិការដ្ឋាភិបាល កូរ៉េ និងបារាំង
ស្ពានបេតុខ្សែកាបឆ្លងទន្លេសាប ទៅតំបន់អភិវឌ្ឍន៍ជ្រោយចង្វារឈានដល់ការអ៊ុតកៅស៊ូគ្រោងបញ្ចប់ឆាប់ៗនេះ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ៥ ថ្ងៃ មុនចុងខែមិថុនា កំណាត់ផ្លូវជាតិលេខ ៥ ពីព្រែកក្តាមដល់ធ្លាម្អម នឹងសម្ពោធប្រើប្រាស់ជាផ្លូវការ
-
វប្បធម៌ ជំនឿ១ សប្តាហ៍ មុនរដ្ឋលេខាធិការក្រសួងវប្បធម៌ថ្មី ស្ដាយបុគ្គលល្បីមិនយកឥទ្ធិពលខ្លួនបង្កើតមាតិកាចម្រើនសង្គម
-
ជីវិតកម្សាន្ដ១ សប្តាហ៍ មុនមូលហេតុតារាកំប្លែងជើងចាស់ល្បីឈ្មោះ ជុំ រស្មី ហៅ ស្រីទូច ឃ្លាតឆ្ងាយពីរង្វង់សិល្បៈ
-
ព័ត៌មានអន្ដរជាតិ១៤ ម៉ោង មុនត្រៀមខ្លួន! ព្យុះព្រះអាទិត្យមួយទៀត កំពុងបោះពួយសំដៅមកផែនដី (មានវីដេអូ)
-
ព័ត៌មានជាតិ១ សប្តាហ៍ មុនផ្លូវថ្មីតភ្ជាប់ពីភ្នំបូកគោទៅផ្លូវជាតិលេខ ៤ សម្រេចបានជាង ៨៥ភាគរយ
-
ជីវិតកម្សាន្ដ៤ ថ្ងៃ មុនBella ទើបដាច់ចិត្តទម្លាយអារម្មណ៍ពិត រឿងក្រុមតារាស្រីស្អាតផ្លែផ្កាឱ្យខ្លួន
-
KPT+៤ ថ្ងៃ មុនមួយពាន់ឆ្នាំក្រោយ មនុស្សនឹងប្រែប្រួលរូបរាងដោយសារការប្រើប្រាស់បច្ចេកវិទ្យា
-
ព័ត៌មានអន្ដរជាតិ៦ ថ្ងៃ មុនព្យុះព្រះអាទិត្យនឹងវាយប្រហារភពផែនដី ចាប់ពីស្អែកទៅ
