កីឡា
កម្ពុជា ចាញ់ ឥណ្ឌូនេស៊ី ១-២ ជាគ្រាប់តិចបំផុតក្នុងជំនួប៦លើក
ក្រុមបាល់ទាត់ជម្រើសជាតិកម្ពុជា បានចាញ់ជម្រើសជាតិឥណ្ឌូនេស៊ី ដោយលទ្ធផល ២-១ សម្រាប់ការប្រកួតសន្សំពិន្ទុក្នុងពូល A ក្នុងព្រឹត្តិការណ៍ AFF Championship ឆ្នាំ២០២២នេះនៅប្រទេសឥណ្ឌូនេស៊ី។
ការប្រកួតនៅវគ្គទី១ គ្រាប់បាល់បានកើតមានឡើង៣គ្រាប់ ក្នុងនោះឥណ្ឌូនេស៊ីស៊ុតបាន២គ្រាប់ ខណៈកម្ពុជាស៊ុតបាន១គ្រាប់។ ក្នុងនាមជាម្ចាស់ផ្ទះឥណ្ឌូនេស៊ីដាក់សម្ពាធខ្លាំងនៅដើមវគ្គទី១ ហើយក៏រកគ្រាប់នាំមុខ ១-០ ដោយកីឡាករ Maulana Vikri នៅនាទីទី៧ ប៉ុន្តែកម្ពុជាតាមស្មើ ១-១ នៅនាទី១៥ ដោយខ្សែការពាររបស់ព្រះខ័នរាជស្វាយរៀង សារ៉េត គ្រីយ៉ា ដែលបានក្លាយជាកីឡាករកម្ពុជាទី៤ស៊ុតចូលឥណ្ឌូនេស៊ី បន្ទាប់ពីលោក ហុក សុចិត្រា, ប្រាក់ មុន្នីឧត្តម និង យ៉ើ សាហ្វី។ យ៉ាងណា ម្ចាស់ផ្ទះឥណ្ឌូនេស៊ី រកបានគ្រាប់បាល់នាំមុខជាថ្មី ២-១ ដោយកីឡាករ Sulaeman នៅនាទី៣៥ មុនពេលចប់វគ្គទី១។
នៅវគ្គទី២ ម្ចាស់ផ្ទះឥណ្ឌូនេស៊ី ហាក់មិនខំប្រឹងសម្រុកខ្លាំងទេដោយព្យាយាមដោយប្រុងប្រយ័ត្ន លេងមួយៗ ការពារ និងវាយបកយ៉ាងគ្រោះថ្នាក់។ ចំណែកកម្ពុជាបានព្យាយាមទម្រង់តាមបច្ចេកទេស ក្នុងនោះការពារ និងវាយបកដែរ។ ក្រុមទាំងពីរក៏មានការផ្លាស់ប្តូរកីឡាករចេញ និងចូលច្រើននាក់ដែរ ប៉ុន្តែគ្មានគ្រាប់បាល់កើតឡើងបន្ថែមទៀតទេ។
នេះជាការប្រកួតដែលកម្ពុជាធ្លាយគ្រាប់បាល់តិចបំផុតក្នុងជំនួបជាមួយឥណ្ឌូនេស៊ីចំនួន៦លើកក្នុងពានរង្វាន់ AFF Cup នេះ។ លើកទី១ ឆ្នាំ១៩៩៦ កម្ពុជា ចាញ់ឥណ្ឌូនេស៊ី ០-៣, លើកទី២ ឆ្នាំ២០០២ ចាញ់ ២-៤, លើកទី៣ ឆ្នាំ២០០៤ ចាញ់ ០-៨, លើកទី៤ ឆ្នាំ២០០៨ ចាញ់ ០-៤ និងលើកទី៥ ចាញ់ ២-៤៕
អត្ថបទ៖ វីរបុត្រ
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ