កីឡា

តោះ! មកមើលប្រវត្តិជួបគ្នាទាំង ៨ លើក រវាង កម្ពុជា ជាមួយ ព្រុយណេ

បានផុស

៤ years មុន

នៅ

ថ្ងៃអង្គារ ២៧ ធ្នូ ២០២២

ដោយ

ក្រុមបាល់ទាត់ជម្រើសជាតិកម្ពុជា នឹងត្រូវបើកទ្វារផ្ទះទទួល ក្រុមជម្រើសជាតិព្រុយណេ នាល្ងាចថ្ងៃទី ២៩ ខែធ្នូ ឆ្នាំ ២០២២ នេះ ខណៈបើក្រឡេកមកមើលប្រវត្តិជួបគ្នា កម្ពុជា មានប្រៀបជាងព្រុយណេ ច្រើន ដ្បិតបានយកឈ្នះច្រើនជាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រវត្តិជួបគ្នា កម្ពុជា ជាមួយ ព្រុយណេ គឺធ្លាប់ជួបគ្នាចំនួន ៨ ដង គិតចាប់តាំងពីឆ្នាំ ១៩៩៧ ហើយជាលទ្ធផល កម្ពុជា បានយកឈ្នះ ៥ ដង និងស្មើគ្នា ២ ដង ខណៈព្រុយណេ ឈ្នះតែម្ដងគត់។

វាត្រូវបានចាត់ទុកថាមានរយៈពេល ២០ ឆ្នាំគត់ ដែល ព្រុយណេ យកឈ្នះ កម្ពុជា ជាលើកចុងក្រោយ ដែលកាលនោះប្រកួតវគ្គជម្រុះពានរង្វាន់ជើងឯកអាស៊ានដូចគ្នានេះ ជាមួយលទ្ធផលមិនគួរឲ្យជឿ។ ក្រៅពីនេះ កម្ពុជា ហាក់មានប្រៀបជាង ជាពិសេសនាប៉ុន្មានឆ្នាំចុងក្រោយ ដោយអាចយកឈ្នះដោយងាយស្រួល នៅពេលដែល ២ លើកចុងក្រោយប្រកួតនៅ កម្ពុជា។

ខាងក្រោមគឺលទ្ធផល នៃប្រវត្តិជួបគ្នារបស់ក្រុមទាំងពីរ ៖

-០៥ តុលា ១៩៩៧ ៖ កម្ពុជា ៤-០ ព្រុយណេ (SEA Games គ្រានោះគេយកឈុតធំប្រកួត)

-០២ សីហា ១៩៩៩ ៖ ព្រុយណេ ៣-៣ កម្ពុជា (SEA Games គ្រានោះគេយកឈុតធំប្រកួត)

-១៦ វិច្ឆិកា ២០០៦ ៖ ព្រុយណេ ១-១ កម្ពុជា (AFF Cup – វគ្គជម្រុះ)

-២៥ តុលា ២០០៨ ៖ កម្ពុជា ២-១ ព្រុយណេ (AFF Cup – វគ្គជម្រុះ)

-០៩ តុលា ២០១២ ៖ ព្រុយណេ ៣-២ កម្ពុជា (AFF Cup – វគ្គជម្រុះ)

-២០ តុលា ២០១៤ ៖ កម្ពុជា ១-០ ព្រុយណេ (AFF Cup – វគ្គជម្រុះ)

-០៣ វិច្ឆិកា ២០១៥ ៖ កម្ពុជា ៦-១ ព្រុយណេ (មិត្តភាព)

-១៨ តុលា ២០១៦ ៖ កម្ពុជា ៣-០ ព្រុយណេ (AFF Cup – វគ្គជម្រុះ)

សូមបញ្ជាក់ជាថ្មីថា ការប្រកួតរវាង កម្ពុជា ជាមួយ ព្រុយណេ ធ្វើឡើងនាវេលាម៉ោង ៥ និង ០០ នាទីល្ងាច ថ្ងៃទី ២៩ ខែធ្នូ ឆ្នាំ ២០២២ នៅពហុកីឡដ្ឋានជាតិមរតកតេជោ ខណៈការប្រកួតនឹងមានការផ្សាយផ្ទាល់តាមរយៈស្ថានីយទូរទស្សន៍ BTV News ផងដែរ៕

អត្ថបទ ៖ មន្នីរ័ត្ន