កីឡា
អ្នកមើលផ្ទាល់អត់បាន៥ពាន់នាក់ផងពេលកម្ពុជាឈ្នះហ្វីលីពីន សង្ឃឹមសប្តាហ៍នេះច្រើន
ប្រហែលជា១០ឆ្នាំកន្លងទៅនេះ កម្ពុជាល្បីខាងអ្នកគាំទ្រចូលទស្សនាផ្ទាល់ច្រើនបំផុតរាល់ការប្រកួតពានរង្វាន់អន្តរជាតិ និងមិត្តភាពផ្លូវការនៅរាជធានីភ្នំពេញ។ ជាពិសេសចន្លោះឆ្នាំ២០១៤ ដល់ ២០១៧ រាល់ការប្រកួតតែងតែមានអ្នកគាំទ្រចូលទស្សនាផ្ទាល់ចាប់ពី៣ទៅ៦ម៉ឺននាក់នៅពហុកីឡដ្ឋានជាតិអូឡាំពិក។
«កម្ពុជាថ្មី»ធ្លាប់បានលើកយកហេតុផល៤យ៉ាងដែលបណ្តាលឲ្យអ្នកគាំទ្រចូលទស្សនាផ្ទាល់ថយចុះនៅពេលមានការប្រកួតលីគ និងក្រុមជម្រើសជាតិក្នុងឆ្នាំ២០២២នេះ។ កត្តាទាំង៤នោះគឺ លទ្ធផលនៃការប្រកួត ទីលានច្រើន ទីលានឆ្ងាយ និង ជម្រើសទស្សនាមានច្រើន។
កាលពីថ្ងៃទី២០ ខែធ្នូ កន្លងទៅ កម្ពុជា ប្រកួតជាមួយ ហ្វីលីពីន ដែលកម្ពុជារំពឹងទទួលបានលទ្ធផលល្អ ហើយទីបំផុតកម្ពុជាឈ្នះ ៣-២ នៅពហុកីឡដ្ឋានជាតិមរតកតេជោ។ ការប្រកួតនោះមានអ្នកទស្សនាផ្ទាល់ត្រឹមតែ ៤៨៦០នាក់ប៉ុណ្ណោះ ជាចំនួនតិចបំផុតសម្រាប់ការប្រកួតអន្តរជាតិរបស់ក្រុមជម្រើសជាតិកម្ពុជា។
បើក្រឡេកមើលទៅការប្រកួតផ្សេងៗទៀតក្នុងប្រទេសផ្សេងនៅពូលជាមួយកម្ពុជា គឺនៅប្រទេសថៃក៏មានអ្នកគាំទ្រចូលទស្សនាផ្ទាល់តិចដែរ។ នៅពេល ថៃ ឈ្នះ ហ្វីលីពីន ៤-០ នៅក្នុងដីរបស់ខ្លួន កាលថ្ងៃទី២៦ ខែធ្នូ នេះមានអ្នកគាំទ្រចូលទស្សនាផ្ទាល់តែ ៦៥៦៧នាក់ប៉ុណ្ណោះ។
ចំណែកអ្នកគាំទ្រដែលចូលទស្សនាច្រើនបំផុតក្នុងការប្រកួត AFF Cup 2022 ពូល A គិតត្រឹមថ្ងៃទី២៦ ខែធ្នូគឺ នៅពេលឥណ្ឌូនេស៊ី យកឈ្នះកម្ពុជា ដោយលទ្ធផល ២-១ នៅទីក្រុងហ្សាកាតា ដោយមានអ្នកទស្សនាផ្ទាល់ចំនួន ២៥៣៣២នាក់។
សង្ឃឹមថា នៅថ្ងៃទី២៩ ខែធ្នូ ឆ្នាំ២០២២ សប្តាហ៍នេះ ជាពេល កម្ពុជា ប្រកួតជាមួយ ព្រុយណេ នឹងមានអ្នកគាំទ្រចូលទស្សនាផ្ទាល់រហូតដល់ខ្ទង់ម៉ឺននាក់ដើម្បីជាការលើកទឹកចិត្តដល់ក្រុមជម្រើសជាតិកម្ពុជាក្នុងនាមជាម្ចាស់ផ្ទះ៕
អត្ថបទ៖ វីរបុត្រ
អានបន្ថែម៖ កត្តា៤យ៉ាងនេះអាចជាមូលហេតុធ្វើឲ្យអ្នកគាំទ្របាល់ទាត់ថយចុះខ្លាំង
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច១ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៧ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ