កីឡា
គ្រូរបស់ថៃ ថា លោក Honda មានការដឹកនាំក្រុមជម្រើសជាតិកម្ពុជា ច្បាស់លាស់
គ្រូបង្វឹក នៃក្រុមបាល់ទាត់ជម្រើសជាតិថៃ លោក Mano Polking បានលើកសរសើរ លោក Keisuke Honda អ្នកចាត់ការទូទៅក្រុមជម្រើសជាតិកម្ពុជាថា មានការដឹកនាំច្បាស់លាស់ ខណៈត្រូវតតាំងគ្នានៅល្ងាចនេះ។
លោកនិយាយដូច្នេះ ដោយសារឆ្លើយតបទៅនឹងសំណួររបស់អ្នកសារព័ត៌មាន មុនការប្រកួតមកដល់ ដែលត្រូវបានសួរនាំអំពីការដឹកនាំរបស់ លោក Honda ដែលជាអ្នកចាត់ការទូទៅក្រុមកម្ពុជា និងជាអតីតតារាបាល់ទាត់ល្បីរបស់ជប៉ុន ខណៈគ្រូរបស់ថៃរូបនេះក៏បានលើកសរសើរថា លោក Honda មានវិធីសាស្ត្រល្អក្នុងការដឹកនាំ។
លោក Mano Polking បាននិយាយដូច្នេះថា “សម្រាប់ខ្ញុំ Honda គឺជាគ្រូបង្វឹកដ៏ល្អ និងមានវិធីសាស្ត្រច្បាស់លាស់ក្នុងការគ្រប់គ្រងក្រុមកម្ពុជា។ ដូច្នេះហើយ គាត់បានធ្វើវាជាមួយក្រុមនេះអស់ជាច្រើនឆ្នាំមកហើយ។ ហើយយើងបានជួបគ្នានៅស៊ីហ្គេម បន្ទាប់មកបានមកជួបគ្នាក្នុងពាននេះ”។
លោកបានបន្តថា “សម្រាប់យើងវាមិនមែនជាបញ្ហាទេ។ ប៉ុន្តែយើងមិនអាចធ្វេសប្រហែសបានទេ។ យើងមានទំនុកចិត្តថា យើងនឹងឈ្នះ ហើយឆ្លងផុតវគ្គចែកពូល”។
គួររំលឹកដែរថា បើនិយាយពីការជួបគ្នា លោកទាំងពីរធ្លាប់ជួបគ្នាពេលដឹកនាំឈុត U-23 ប្រកួតស៊ីហ្គេម លើកទី ៣១ ឆ្នាំ ២០២១ (លើកមកប្រកួតឆ្នាំ ២០២២) នៅប្រទេសវៀតណាម កាលពីខែឧសភា ហើយលទ្ធផលពេលនោះ U-23 ថៃ បានយកឈ្នះ U-23 កម្ពុជា ដល់ទៅ ៥-០ ក្នុងប្រកួតទី ៤ ប្រចាំពូល។
ចាំមើលថា តើ នាវេលាម៉ោង ៧ និង ៣០ នាទីយប់ ថ្ងៃទី ០២ ខែមករា ឆ្នាំ ២០២៣ នៅកីឡដ្ឋាន Thammasat Stadium ទីក្រុងបាងកក លោក Mano Polking អាចដឹកនាំក្រុមឈុតធំឈ្នះ លោក Honda ដែរឬទេ? យើងមានតែរង់ចាំមើលទាំងអស់គ្នាតាមរយៈការផ្សាយបន្តផ្ទាល់ដោយស្ថានីយទូរទស្សន៍ BTV News៕
អត្ថបទ ៖ មន្នីរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង