កីឡា

កីឡាករខ្មែរ-អាមេរិក Nick Taylor ប្រហែលជាចូលបឹងកេត

បានផុស

៣ years មុន

នៅ

ថ្ងៃព្រហស្បតិ៍ ១៩ មករា ២០២៣

ដោយ

កីឡាករបាល់ទាត់ជម្រើសជាតិកម្ពុជាខ្មែរ-អាមេរិក Nick Taylor បានធ្វើឲ្យមានការចាប់អារម្មណ៍ចំពោះការចូលរួមជាមួយក្លឹប បឹងកេត សម្រាប់រដូវកាល២០២៣-២៤ ខាងមុខនេះ តាមរយៈសកម្មភាពខ្លះដែលគួរឲ្យកត់សំគាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីចប់ភារកិច្ចជាមួយជម្រើសជាតិកម្ពុជាក្នុងយុទ្ធនាការ AFF Championship កីឡាករខ្មែរ-អាមេរិកកើតនៅសហរដ្ឋអាមេរិក Nick Taylor មិនបានវិលត្រឡប់ទៅអាមេរិក និងចូលរួមជាមួយក្លឹប Orlando City B ទេ ប៉ុន្តែរូបគេបានដើរកម្សាន្តនៅកម្ពុជាជាច្រើនកន្លែង ជាពិសេសនៅខេត្តសៀមរាប។ ជាមួយគ្នានេះ រូបគេក៏នាមចូលរួមសម្តែងក្នុងបទចម្រៀងរបស់តារាចម្រៀងកញ្ញា រ៉ាប៊ី និងផ្តល់សម្ភាសជាបន្តបន្ទាប់។

នៅក្នុងសកម្មភាពថតបទចម្រៀង Nick Taylor បានបង្ហើបពីគម្រោងមករស់នៅប្រទេសកម្ពុជាដែលមានន័យថា រូបគេនឹងប្រកបអាជីពបាល់ទាត់នៅប្រទេសកម្ពុជា។

កាលពីប៉ុន្មានថ្ងៃកន្លងទៅ ផេកផ្លូវការរបស់ Cambodia Premier League បានបង្ហោះសារលើកជាសំនួរដល់អ្នកគាំទ្រថា ប្រសិនបើ Nick Taylor ចូលរួមប្រកបអាជីពនៅលីគកំពូលកម្ពុជារដូវកាល ២០២៣/២៤ តើក្រុមណាមួយដែលអ្នកគាំទ្រគិតថា រូបគេចង់ចូលរួម?

អ្វីដែលគួរឲ្យកត់សំគាល់នោះ Nick Taylor បាន Follow គណនី Instagram របស់ក្លឹបបឹងកេតទៀតផង។ ចំណែកនៅវេសាប Wikipedia ថ្វីបើមិនអាចយកជាប្រភពផ្លូវការបាន ប៉ុន្តែគណនីរបស់ បឹងកេត ត្រូវបានដាក់ឈ្មោះ Nick Taylor ដែរ។ មានអ្នកគាំទ្រខ្លះបានលើកឡើងថា រូបគេនឹងពាក់អាវលេខ៧នៅក្លឹបបឹងកេត។

សូមបញ្ជាក់ថា Nick Taylor បានបង្ហាញខ្លួនឲ្យជម្រើសជាតិកម្ពុជាបាន៥ប្រកួតក្នុងនោះ ប្រកូតផ្លូវការក្នុងពានរង្វាន់ AFF Cup ៣ដង និងមិត្តភាពអន្តរជាតិ២ដង ហើយក៏រកបាន១គ្រាប់ឲ្យជម្រើសជាតិកម្ពុជា៕

អត្ថបទ៖ វីរបុត្រ