កីឡា

កូនប្រុសរបស់ Ronaldinho ចុះហត្ថលេខាជាមួយក្លិប Barcelona តាមគន្លងឪពុកជាផ្លូវការ

បានផុស

៣ years មុន

នៅ

ថ្ងៃសុក្រ ៣ មីនា ២០២៣

ដោយ

កូនប្រុសរបស់អតីតតារាឆ្នើមប្រេស៊ីល Ronaldinho កីឡាករ Joao Mendes បានចុះហត្ថលេខាជាផ្លូវការជាមួយក្លិប Barcelona បន្ទាប់ពីឈានចូលវ័យ ១៨ ឆ្នាំ កាលពីថ្ងៃទី ២៥ ខែកុម្ភៈ ថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កូនប្រុសរបស់វីរបុរសប្រេស៊ីលដែលឆ្លងកាត់រយៈពេលសាកល្បងដោយជោគជ័យក្នុងខែមករា ទីបំផុតបានចុះហត្ថលេខាជាមួយ Barca កាលពីថ្ងៃព្រហស្បតិ៍ ហើយឥឡូវនេះនឹងចាប់ផ្ដើមដំណើរផ្លូវបាល់ទាត់របស់គេនៅក្នុងក្រុមថ្នាលដ៏ល្បីល្បាញរបស់ក្លិប ដែលគេដាក់ឈ្មោះថា La Masia។

Mendes បានចាប់ផ្ដើមអាជីពរបស់គេនៅ ក្លិបFlamengo មុនពេលផ្លាស់ទៅ Vasco de Gama និង Boavista-RJ នៅកម្រិតយុវជន។ ក្នុងឆ្នាំ ២០១៩ គេទទួលបានចាប់អារម្មណ៍លើក្រុមអ្នកសង្កេតកីឡាកររបស់ក្លិប Cruzeiro ហើយក៏បានចុះហត្ថលេខាលើកិច្ចសន្យារយៈពេល ៦ ឆ្នាំ ជាមួយក្លិបលេងនៅលីគទី ២ ប្រេស៊ីល។ បន្ទាប់ពីចំណាយពេល ៣ ឆ្នាំ ជាមួយក្រុមប្រេស៊ីលមួយនេះ Mendes បានសម្រេចចិត្តបញ្ចប់កិច្ចព្រមព្រៀងនោះ ហើយទទួលយកការសាកល្បងនៅ Barca ដែលឥឡូវនេះបានបង្ហាញជាផ្លូវការថា គេជាកីឡាករអាយុក្រោម ១៩ ឆ្នាំ (U19s)។

Mendes ត្រូវបានគេសង្ឃឹមថា នឹងដើរតាមគន្លងរបស់ឪពុកខ្លួន ដែលបានឈ្នះពានរង្វាន់ La Liga ពីរលើក និង Champions League នៅ Barca ហើយក៏បានក្លាយជាអ្នកឈ្នះ Ballon d’Or ផងដែរ។

បន្ទាប់ពីចុះហត្ថលេខាជាផ្លូវការសម្រាប់ Barcelona ឥឡូវនេះ Mendes នឹងផ្ដោតលើការរកបានកៅអីបង្ហាញខ្លួននៅក្នុងក្រុម U19 របស់ពួកគេ ដែលនឹងត្រូវជួបជាមួយ Girona Juvenil A ក្នុងការប្រកួតលីគបន្ទាប់របស់ពួកគេនៅចុងសប្ដាហ៍នេះ៕

ប្រភព ៖ goal.com

អត្ថបទ ៖ មន្នីរ័ត្ន