Connect with us

កីឡា

ខាន​​​លេង​​​ជាង​​១​​ឆ្នាំ​ វឌ្ឍនាកា​ ​បង្ហាញ​​ខ្លួន​ជា​​ថ្មី​​មាន​​​រឿង​​​គួរ​​​ឲ្យ​​​ចាប់​​​អារម្មណ៍

បានផុស

នៅ

តារា​​បាល់ទាត់​ឆ្នើម​កម្ពុជា ចាន់ វឌ្ឍនាកា បាន​បង្ហាញ​ខ្លួន​ប្រកួត​​លើ​ទី​លាន​លើក​ដំបូង​​​កាល​ពី​ថ្ងៃ​អាទិត្យ ទី​៥ ខែ​មីនា ម្សិល​មិញ​ បន្ទាប់​ពី​​សម្រាក​ព្យាបាល​របួស​អស់​រយៈ​ពេល​ជាង​១​ឆ្នាំ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បឹងកេត​បាន​យក​ឈ្នះ​​ក្រសួង​ការពារ​ជាតិ​ដោយ​លទ្ធផល ៤-៣ សម្រាប់​ការ​ប្រកួត​សប្តាហ៍​ទី​៤ នៃ​ពាន​រង្វាន់ ខេមបូឌានលីគខាប់ រដូវ​កាល​២០២៣ បន្ទាប់​ពី​ចាញ់​២​លើក​ជាប់​គ្នា។ ម្សិល​មិញ​នេះ ចាន់ វឌ្ឍនាកា​ ត្រូវ​បាន​ប្តូរ​ចូល​លេង​នៅ​វគ្គ​ទី​២ ហើយ​បាន​កែ​ប្រែ​ស្ថានការ​គួរ​ឲ្យ​កត់​សំគាល់។

បឹងកេត​បើក​ការ​នាំ​មុខ១-០ នៅ​ដើម​វគ្គ​ទី​១ ប៉ុន្តែ​ក្រសួង​ការពារ​ជាតិ​វាយ​បក​វិញ​ដោយ​ស៊ុត​៣​គ្រាប់ មុន​ពេល​បឹងកេត​តាម​ពី​ក្រោយ​១​គ្រាប់​ទៀត​ដើម្បី​បញ្ចប់​វគ្គ​ទី១​ដោយ​លទ្ធផល ២-៣។ ចូល​វគ្គ​ទី​២ ចាន់ វឌ្ឍនាកា ត្រូវ​បាន​ប្តូរ​ចូល​​បាន​ធ្វើ​ឲ្យ​​ក្រុម​បឹងកេត​សហការគ្នា​យ៉ាង​ល្អ និង​បង្កើត​ឱកាស​​គ្រោះ​ថ្នាក់​ច្រើន។

វឌ្ឍនាកា បាន​រួម​ចំណែក​ជួយ​ឲ្យ​បឹងកេត​រក​បាន​គ្រាប់​បាល់​តាម​ស្មើ ៣-៣ នៅ​នាទី៧៨​ដោយ​កីឡាករ វ៉ាន់​ តៃឡាម៉ី​ និង​គ្រាប់​បាល់​ជ័យជម្នះ៤-៣ នៅ​នាទី​៩០+២ ដោយ​កីឡាករ ឃាន់ សុប៉ិន។ គ្រាប់​បាល់​​​ទាំង​ពីរ​នេះ​គឺ​ជា​ការ​រក​បាន​ដោយ​សមាជិក​ថ្មី​របស់​បឹងកេត​ដែល​​​ជា​ការ​បង្កើតកម្លាំង​ចិត្ត​ដ៏​សំខាន់​សម្រាប់​ការ​រៀបចំ​ក្រុម​ដែល​មានសមាជិក​​ថ្មី​ច្រើន។

អ្វី​ដែល​គួរ​ឲ្យ​កត់​សំគាល់​ទៀត​​នោះ​ វត្តមានរបស់ ចាន់ វឌ្ឍនាកា បាន​រួម​ចំណែក​យ៉ាង​សំខាន់​ជួយ​ឲ្យ​គ្រូ​បង្វឹក​ថ្មី លោក Clement ស្គាល់​ជ័យជម្នះ​ជា​លើក​ដំបូង បន្ទាប់​ពី​ដឹក​នាំ​ក្រុម​ប្រកួត​​ចាញ់​ពីរ​​លើក​ដំបូង។ នេះ​ក៏​ជា​ការ​រក​បាន​គ្រាប់​​បាល់​លើក​ដំបូង​​ផង​ដែរ បន្ទាប់​ពី​ពីរ​លើក​កន្លង​មកមិន​អាច​​​បំប៉ោង​សំណាញ់​ទី​របស់​គូ​ប្រកួត​​បាន​ឡើយ​គឺ​ចាញ់ គិរីវង់សុខសែន​ជ័យ ២-០ និង​ចាញ់វិសាខា ០-៣។

សូម​បញ្ជាក់​ថា ចាន់ វឌ្ឍនាកា បាន​របួស​ដាច់​សរសៃ​ជង្គង់​ស្ដាំ​ក្នុង​ជំនួប​ជា​មួយ​ វិសាខា ពានរង្វាន់​ Pre-season Cup កាល​ពី​ថ្ងៃ​ទី២៦ ខែមករា ឆ្នាំ២០២២ នៅកីឡដ្ឋានព្រីនស៍​ ហើយ​ក៏​បាន​អវត្តមាន​ពី​ទី​លាន​ពេញ​មួយ​រដូវ​កាល​មុន។ ម្សិល​មិញ​ថ្ងៃ​ទី​៥ ខែ​មីនា ឆ្នាំ​២០២៣ ជា​លើក​ដំបូង​ដែលរូប​គេ​បង្ហាញ​ខ្លួន​ប្រកួត​ជា​ផ្លូវ​ការ​ក្រោយ​ជា​សះ​ស្បើយ​ពីរបួស៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣២ នាទី មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង១ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម២ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ២ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានជាតិ២ ម៉ោង មុន

ជាង ៣០ ឆ្នាំ KOICA ផ្តល់ជំនួយជាង ៣៦០ លានដុល្លារដល់កម្ពុជា អភិវឌ្ឍន៍ ៤ វិស័យ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម