CAMSOC​បើក​សន្និបាត​ប្រចាំឆ្នាំ និង​សិក្ខាសាលា​ថ្នាក់ជាតិ ស្ដីពី​យុទ្ធនា​ការអប់រំ​សង្គម​ឆ្ពោះទៅ​ស៊ី​ហ្គេម​-២០២៣
Connect with us
Helistar Cambodia - Helicopter Charter Services

កីឡា

CAMSOC​បើក​សន្និបាត​ប្រចាំឆ្នាំ និង​សិក្ខាសាលា​ថ្នាក់ជាតិ ស្ដីពី​យុទ្ធនា​ការអប់រំ​សង្គម​ឆ្ពោះទៅ​ស៊ី​ហ្គេម​-២០២៣

Published

on

ភ្នំពេញ ៖​ គណៈកម្មាធិការ​ជាតិ​រៀបចំ​ការប្រកួត​កីឡា​ស៊ី​ហ្គេម លើក​ទី​៣២ ឆ្នាំ​២០២៣ (CAM SOC)​នៅ​ព្រឹក​ថ្ងៃទី​១៨​មករា​២០២១​នេះ បាន​បើក​សន្និបាត​ប្រចាំឆ្នាំ និង​សិក្ខាសាលា​ថ្នាក់​ជាតិ ស្ដីពី​យុទ្ធនា​ការអប់រំ​សង្គម​ឆ្ពោះទៅ​ស៊ី​ហ្គេម​និង​អាស៊ាន​ប៉ា​រ៉ា​ហ្គេម​ឆ្នាំ​២០២៣​ក្នុងប្រទេស​កម្ពុជា នៅ​សណ្ឋាគារ​ហ្គា​ឌិន​ស៊ី​ធី។

ពិធី​បើក​សន្និបាត​ប្រចាំឆ្នាំ និង​សិក្ខាសាលា​ថ្នាក់ជាតិ​របស់ CAMSOC នេះ បាន​ប្រព្រឹត្តទៅ​ក្រោម​អធិបតីភាព​សម្ដេច​ពិជ័យ​សេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រី​ក្រសួងការពារជាតិ និង ជា​ប្រធាន​គណៈកម្មាធិការ​ជាតិ​រៀបចំ​ការ ប្រកួត​កីឡា​ស៊ី​ហ្គេម លើក​ទី​៣២ ឆ្នាំ​២០២៣ (CAMSOC)។

​សន្និបាត​ប្រចាំ​ឆ្នាំនេះ រៀបចំឡើង​ដើម្បី​បូកសរុប​សមិទ្ធផល​ការងារ​ឆ្នាំ​២០២០ និង​លើក​ទិសដៅ​អនុវត្ត​បន្ដ​របស់​គណៈកម្មាធិកា​រ​ជាតិ CAMSOC ដើម្បី​សម្រួច​ផែនការមេ​ឆ្ពោះទៅរក​ភាពជោគជ័យ ក្នុងការ​ត្រៀមខ្លួន​ធ្វើ​ម្ចាស់ផ្ទះ​ព្រឹត្តិការណ៍​ជា​ប្រវត្តិសាស្ដ្រ​ខាងលើ​។ ទន្ទឹម​ជាមួយគ្នា ក៏មាន​ការធ្វើ​បទ​បង្ហាញ​អំពី​ផែនការ​របស់​គណៈកម្មកា​រ​ជំនាញ​នីមួយៗ ដើម្បី​ពង្រឹង​ការអនុវត្ត​ការងារ​ឲ្យ​មាន ប្រសិទ្ធភាព ស្របតាម​ប្រតិទិន ដែល​បានកំណត់​ផងដែរ​។

ចំពោះ​សិក្ខាសាលា​ថ្នាក់ជាតិ ស្ដីពី​យុទ្ធនា​ការអប់រំ​សង្គម​វិញ គឺ​រៀបចំ​ផ្សព្វផ្សាយ​ពី​គុណ​តម្លៃ​ស៊ី​ហ្គេម និង​អាស៊ាន​ប៉ា​រ៉ា​ហ្គេម ឆ្នាំ​២០២៣ ដែល​ទាមទារ​ឲ្យ​មានការ​ចូលរួម​ពី​ប្រជាពលរដ្ឋ​គ្រប់រូប ជាមួយ​យុទ្ធនាការ​ជាច្រើន​ដូចជា​យុទ្ធនាការ «​ប្រជាជន​ម្នាក់ លេង​កីឡា​មួយ​មុខ​» «​បរិស្ថាន​សង្គម ដើម្បី​គាំទ្រ​ព្រឹត្តិការណ៍​កីឡា​» «​កម្ពុជា​ស្អាត បដិសណ្ឋារកិច្ច​ល្អ​» «​ការរៀបចំ​សណ្ដាប់ ធ្នាប់ និង​កាត់បន្ថយ​គ្រោះថ្នាក់​ចរាចរណ៍​» និង «​ផលប៉ះពាល់ និង​គ្រោះថ្នាក់​គ្រឿងញៀន​» ជាដើម ៕

ដោយ ៖ វិ​សិទ្ធ

សូមចុចអាន ៖ ភ្លើងឆេះអគារ​ខ្ពស់​លែង​ជា​បញ្ហា ជប៉ុន​ផ្ដល់​ជំនួយរថយន្ត​ពន្លត់អគ្គិភ័យ​ បំពាក់​កាំជណ្តើរ​កម្ពស់​៤០​ម៉ែត្រ

សូមចុចអាន ៖ ៤​វិញ្ញាសា​ ក្នុង​ការ​ប្រកួត​កាយសម្ព័ន្ធ​ជើងឯក​ជាតិ​ និង​ពានរង្វាន់​លោក​ ថោង ខុន​ លើក​ទី​៤​បាន​បញ្ចប់​មុនគេ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services