កីឡា

៤វិញ្ញាសា ក្នុងការប្រកួតកាយសម្ព័ន្ធជើងឯកជាតិ និងពានរង្វាន់លោក ថោង ខុន លើកទី៤បានបញ្ចប់មុនគេ

បានផុស

៦ years មុន

នៅ

ថ្ងៃចន្ទ ១៨ មករា ២០២១

ដោយ

ការប្រកួតកីឡាកាយសម្ព័ន្ធជើងឯកជាតិឆ្នាំ២០២០ និងពានរង្វាន់លោកបណ្ឌិត ថោង ខុន លើកទី៤ គិតមកទល់ល្ងាចថ្ងៃទី១៧ ខែមករា ឆ្នាំ២០២១ បានបញ្ចប់ការប្រកួត ៤ វិញ្ញាសាហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះលទ្ធផលបឋមនៃការប្រកួតនោះ បង្ហាញថាក្រុមក្រសួងមហាផ្ទៃកំពុងតែឈរ នៅកំពូលតារាង ដោយសារតែក្រុមនេះ បានទទួលមេដាយមាសច្រើនជាងគេ។ វិញ្ញាសាចំនួន៤ ដែលបានបញ្ចប់ការប្រកួតទៅហើយនោះ ក្រុមកីឡាកាយសម្ព័ន្ធក្រសួងមហាផ្ទៃប្រជែង បានមេដាយមាសចំនួន២គ្រឿង គឺវិញ្ញាសាអាអេរ៉ូប៊ិក(Aerobic)ជាក្រមចំនួន៥នាក់និងវិញ្ញាសាអាអេរ៉ូប៊ិកគូ(បុរស នារី)។ ក្រៅពីនេះ ក្រុមនេះក៏ប្រជែងបានមេដាយប្រាក់ចំនួន១គ្រឿង លើវិញ្ញាសាអាអេរ៉ូប៊ិកទ្រីយ៉ូបុរស នារី និង មេដាយសំរិទ្ធចំនួន១គ្រឿងលើវិញ្ញាសាអាកទីស្ទីកក្រុមចំនួន៦នាក់ ដែលលេងលើឧបករណ៍ចំនួន៦។

ខេត្តក្រចេះ ទទួលបានមេដាយមាសមួយគ្រឿង លើវិញ្ញាសាអាអេរ៉ូប៊ិកជាក្រុម៦នាក់លេងលើ៦ឧបករណ៍ គឺឧបករណ៍លើកម្រាល ឧបករណ៍សេះលោត សេះកង របារនិងរបារស្រប និង ឧបករណ៍កង។ ខេត្តក្រចេះ ក៏ដណ្តើមបានមេដាយប្រាក់២គ្រឿងលើវិញ្ញាសាអាអេរ៉ូប៊ិកជាក្រុម៥នាក់ និងអាអេរ៉ូប៊ិកជាគូបុរស នារី និងមេដាយសំរិទ្ធមួយគ្រឿងលើវិញ្ញាសាអាអេរ៉ូប៊ិកទ្រីយ៉ូបុរស នារី។ ខេត្តកំពង់ឆ្នាំងក្រុមទី២ បានមេដាយមាសមួយគ្រឿងលើវិញ្ញាសាអាអេរ៉ូប៊ិកទ្រីយ៉ូបុរស នារី មេដាយប្រាក់មួយគ្រឿងលើវិញ្ញាសាអាកទីស្ទីកជាក្រុម៦នាក់ លេងចំនួន៦ឧបករណ៍និងមេដាយសំរិទ្ធ២គ្រឿងលើវិញ្ញាសាអាអេរ៉ូប៊ិកជាក្រុម៥នាក់ និង អាអេរ៉ូប៊ិកជាគូបុរសនារី៕

អត្ថបទ៖ វិសិទ្ធ

សូមចុចអាន៖ សហព័ន្ធកីឡាវាយកូនឃ្លីលើតុ បើកវគ្គបណ្ដុះបណ្ដាលគ្រូកម្រិតថ្នាល

Related Topics:កីឡា