កីឡា

ប្រធាន La Liga ប្រាប់ឲ្យ Barcelona ដោះស្រាយហិរញ្ញវត្ថុ បើចង់នាំ Messi ចូលវិញ

បានផុស

៣ years មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

ប្រធានលីគអេស៉្បាញ La Liga លោក Javier Tebas នឹងស្វាគមន៍ការវិលត្រឡប់របស់ Lionel Messi មកកាន់ក្លិប Barcelona វិញ លុះត្រាក្លិបអ្នកមានបុណ្យត្រូវដោះស្រាយហិរញ្ញវត្ថុឲ្យរួចរាល់ជាមុនសិន។

Messi ត្រូវបានគេភ្ជាប់ជាមួយនឹងការវិលត្រឡប់ទៅកាន់អតីតក្លិបរបស់ខ្លួនវិញ បន្ទាប់ពីការចរចាលើកុងត្រាថ្មីជាមួយក្លិប Paris Saint-Germain ជាប់គាំង។ ក្លិបលីគអេស្ប៉ាញកំពុងចរចាជាមួយឪពុករបស់ Messi ខណៈមានទាំងអតីតកីឡាករ និងកីឡាករបច្ចុប្បន្ន មួយចំនួនមានឆន្ទៈឲ្យនាំយកកីឡាករអាហ្សង់ទីនវិលត្រឡប់ចូលទឹកដីអេស្ប៉ាញវិញដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tebas គឺជាភាគីចុងក្រោយដែលស្នើថា បុរសអាហ្សង់ទីនគួរតែពាក់អាវ Barca ម្តងទៀត។ ទោះបីជាយ៉ាងណាក៏ដោយ Barcelona ត្រូវជម្រះឧបសគ្គផ្នែកហិរញ្ញវត្ថុជាច្រើនដើម្បីសម្រេចបានកិច្ចព្រមព្រៀងមួយនេះ។

ថ្លែងនៅសន្និបាតលីគអេស៉្បាញ La Liga លោក Tebas បានគូសបញ្ជាក់ពីលក្ខន្តិកៈសម្រាប់ការវិលត្រឡប់របស់ Messi ថា ៖«Barca ត្រូវតែចាត់វិធានការហិរញ្ញវត្ថុជាច្រើនឲ្យរួចរាល់ដើម្បីធ្វើការចុះឈ្មោះ Messi។ ពួកគេត្រូវការការខិតខំប្រឹងប្រែងច្រើនដើម្បីធ្វើឱ្យរឿងនេះកើតឡើង។ ថ្ងៃនេះខ្ញុំមិនបានឃើញការចុះហត្ថលេខារបស់គាត់ទេ ប៉ុន្តែសល់ពេលច្រើនទៀតដែល Barca អាចធ្វើការដើម្បីផ្ទេរយក Leo មកវិញ។ យើងនៅតែរង់ចាំផែនការលទ្ធភាពពី Barcelona។ ពួកគេត្រូវការការខិតខំប្រឹងប្រែងដ៏ធំមួយដើម្បីធ្វើឱ្យវាកើតឡើង»។

Bacelona ជួបបញ្ហាផ្នែកហិរញ្ញវត្ថុយ៉ាងធ្ងន់ធ្ងរពីគ្រោះមហន្តរាយសេដ្ឋកិច្ចកាលពីរដូវក្តៅមុន។ ពួកគេប្រឈមមុខនឹងបញ្ហាផ្ទៃក្នុងមួយចំនួន មុនពេលពួកគេអាចចូលទៅក្នុងទីផ្សារដោះដូរកីឡាករផងដែរ ជាពិសេសការចុះបញ្ជីការបន្តកិច្ចសន្យា។

ខណៈ Messi ប្រាកដជានៅលើទំព័រមុខនៃសារព័ត៌មាន Barcelona ក៏នៅសល់ការប្រកួត La Liga ដើម្បីបញ្ចប់។ Barca មាន ១១ពិន្ទុដាច់ឈរលើកំពូលតារាង La Liga ដោយនៅសល់៩ប្រកួតទៀតនឹងបញ្ចប់ ហើយត្រូវលេងជាមួយក្រុមលេខ៣ Atletico Madrid នៅថ្ងៃអាទិត្យនេះផងដែរ៕

ប្រែសម្រួល៖ មន្នីរ័ត្ន
ប្រភព៖ goal.com