Connect with us

កីឡា

ប្រវត្តិមិនធម្មតា លោក Reyes អាយុ​៦៨​ឆ្នាំ​មក​ប្រកួត​ស៊ីហ្គេម​នៅ​កម្ពុជា

បានផុស

នៅ

កីឡាករ​ស្នូកឃ័រ​ និង​ប៊ីយ៉ាជម្រើស​ជាតិ​ហ្វីលីពីន​ លោក Efren Reyes នឹង​ចូល​រួម​ប្រកួត​កីឡា​ស៊ីហ្គេម លើក​ទី​៣២ ឆ្នាំ​២០២៣ ដែល​អាច​ត្រូវ​បាន​ចាត់​ទុក​ជាអត្តពលិក​វ័យ​ចំណាស់​​ជាង​គេ​ និង​ជា​កីឡាករ​ដែល​បាន​ចូល​រូម​ប្រកួត​ក្នុង​​ស៊ីហ្គេម​បាន​ច្រើន​លើក​ជាង​គេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Efren Reyes ​បាន​ចាប់​ផ្តើម​លេង​កីឡា​ស្នូកឃ័រ​ និង​ប៊ីយ៉ា​ចាប់​តាំង​ពី​ឆ្នាំ​១៩៧៨​​ដែល​រហូត​ដល់​ពេល​នេះ​លោក​មាន​បទ​ពិសោធ​​ជាង​៤០​ឆ្នាំ​ហើយ​​ទាំង​កម្រិត​អាស៊ាន ​អាស៊ី ​និង​ពិភព​លោក។

ចាប់​តាំង​ពី​កីឡា​ស្នូកឃ័រ​ត្រូវ​បាន​ដាក់​បញ្ជូល​ក្នុង​កីឡា​ស៊ីហ្គេម ចាប់​តាំង​ពី​ឆ្នាំ​១៩៨៧​មក លោក Efren Reyes បាន​ចូល​រួម​ប្រកួត​​​ប្រហែល​ជា​៩​ដង ក្នុង​នោះកីឡា​ស៊ីហ្គេម​ចុង​ក្រោយ​​ឆ្នាំ​២០២១ នៅ​ប្រទេស​វៀតណាម​ក៏​លោក​បាន​ចូល​រួម​ប្រកួត​ដែរ។

សម្រាប់​ការ​ចូល​រួម​ប្រកួត​កីឡា​ស៊ីហ្គេម​ជា​ច្រើន​ កីឡាករ​វ័យ​ចំណាស់​ហ្វីលីពីន​រូប​នេះ​បាន​ឈ្នះ​មេដាយ​មាស​ចំនួន​៧​គ្រឿង​ និង​ឈ្នះ​ប្រាក់ សំរឹទ្ធ​ជា​ច្រើន​គ្រឿង​ទៀត។

លោក Efren Reyes ក៏​បាន​ឈ្នះ​មេដាយ​សំរឹត្ធ​សម្រាប់​ការ​ប្រកួត​ស្នូកឃ័រ​ក្នុង​កីឡា​ទ្វីប​អាស៊ី (Asian Games) ឆ្នាំ​២០០២ នៅ​​ប្រទេស​កូរ៉េ​ខាង​ត្បូង។

ស្នាដៃ​គួរ​ឲ្យ​ចាប់​អារម្មណ៍​បំផុត​គឺ លោក​បាន​ឈ្នះ​ជើង​ឯក​ពិភព​លោក WPA លើ​វិញ្ញាសា Nine-Ball ឆ្នាំ​១៩៩៩ និងឈ្នះ​ជើង​ឯក​ពិភព​លោក​ WPA លើក​ទី​២ លើ​វិញ្ញាសា Eight-ball ឆ្នាំ​២០០៤។

ក្នុង​អាជីព​ជាង​៤០​ឆ្នាំ​កន្លង​ទៅ​នេះ លោក Efren Reyes ​​មាន​ជំនាញ​​ស្នូកឃ័រ និង​ប៊ីយ៉ា​ជា​ច្រើន​ជំនាញ​ដូច​ជា​វិញ្ញាសា Nine-ball, Eight-ball, Ten-ball, One-pocket, Rotation, Balkline, Three-cushion, Snooker និង Carom ជា​ដើម៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២០ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៥ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

Sokha Hotels

ព័ត៌មានពេញនិយម