កីឡា

ផ្លូវការ! PSG បញ្ជាក់ថា Messi នឹងចាកចេញពីក្លិបនៅចុងសប្តាហ៍នេះ

បានផុស

៣ years មុន

នៅ

ថ្ងៃព្រហស្បតិ៍ ១ មិថុនា ២០២៣

ដោយ

Lionel Messi នឹងចាកចេញពីក្លិប Paris Saint-Germain នៅចុងបញ្ចប់នៃរដូវកាលនេះ ដោយកីឡាករអាហ្សង់ទីននឹងប្រកួតចុងក្រោយរបស់ខ្លួនជាមួយ Clermont Foot នៅថ្ងៃសៅរ៍។

លោក Christophe Galtier អ្នកចាត់ការទូទៅរបស់ PSG បានបញ្ជាក់នៅក្នុងសន្និសីទសារព័ត៌មានមួយកាលពីរសៀលថ្ងៃសុក្រថា ម្ចាស់ពានរង្វាន់ World Cup នឹងចាកចេញ ជាមួយនឹងក្លិប Inter Miami ជាគោលដៅមួយក្នុងចំណោមគោលដៅសក្តានុពលជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Galtier បាននិយាយថា «Clermont Foot នឹងក្លាយជាការប្រកួតចុងក្រោយរបស់ Messi នៅ PSG។ ខ្ញុំមាននិស្ស័យក្នុងការបង្វឹកកីឡាករល្អបំផុតក្នុងប្រវត្តិសាស្ត្របាល់ទាត់។ វានឹងក្លាយជាការប្រកួតចុងក្រោយរបស់ Leo នៅកីឡដ្ឋាន Parc des Princes»។

Messi បានចូលរួមជាមួយ PSG បន្ទាប់ពីសង្គ្រាមហិរញ្ញវត្ថុជាមួយ Barcelona ក្នុងឆ្នាំ២០២១ ហើយបានឈ្នះពានរង្វាន់ Ligue 1 ពីរលើក ទោះបីជាក្រុម Parisians មិនទាន់ខិតជិតក្នុងការឈ្នះពាន Champions League ដែលពួកគេចង់បានក៏ដោយ។

កីឡាករវ័យ ៣៥ឆ្នាំរូបនេះបានណែនាំថាការចាកចេញពី Barcelona អនុញ្ញាតឱ្យគេមានភាពចាស់ទុំក្នុងនាមជាកីឡាករ។

ប្រព័ន្ធផ្សព្វផ្សាយរបស់បារាំងបានរាយការណ៍នៅព្រឹកនេះថា Messi អាចនឹងត្រលប់មកវិញទៅកាន់កីឡដ្ឋាន Camp Nou ប៉ុន្តែថា Barcelona នឹងពិបាកក្នុងការយកឈ្នះលើផ្នែកហិរញ្ញវត្ថុ។ ជម្រើសមួយដែលត្រូវបានណែនាំដោយសារព័ត៌មាន L’Equipe គឺថា Messi អាចចូលរួមជាមួយ Inter Miami នៅសហរដ្ឋអាមេរិក ហើយត្រូវបានខ្ចីទៅក្លិបនៅតំបន់កាតាឡាន Barcelona នេះ។

កាលពីខែមុន ម្ចាស់ជើងឯក World Cup ស្ថិតក្នុងភាពចម្រូងចម្រាស ខណៈដែលគេខកខានការហ្វឹកហាត់ ហើយផ្ទុយទៅវិញបានធ្វើដំណើរទៅកាន់ប្រទេសអារ៉ាប៊ីសាអូឌីត ដើម្បីលើកកម្ពស់ឧស្សាហកម្មទេសចរណ៍របស់ប្រទេស ខណៈក៏មានដំណឹងពីការផ្លាស់ទៅលេងនៅទីនោះផងដែរ៕

ប្រែសម្រួល ៖ មន្នីរ័ត្ន

ប្រភព ៖ dailymail.co.uk