កីឡា

ក្តៅៗ វីរកីឡាការិនី ខាន់ ចេសា ប៉ះដៃគូចាស់ដណ្តើមខ្សែក្រវាត់ពិភពលោក ONE

បានផុស

៣ years មុន

នៅ

ថ្ងៃពុធ ១៩ កក្កដា ២០២៣

ដោយ

កីឡាការិនីជឺជីតស៊ូជម្រើសជាតិកម្ពុជា ខាន់ ចេសា នឹងប្រកួតជាមួយកីឡាការិនីអាមេរិក Danielle Kelly ដែលជាដៃគូចាស់ ដើម្បីដណ្តើមខ្សែក្រវាត់ពិភពលោកជំនាញឃ្លេក្រោមរបស់សង្វៀនធំលំដាប់អាស៊ី ONE Championship នៅថ្ងៃទី២៩ ខែកញ្ញា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការប្រកួតរបស់ស្ថាប័ន ONE នៅរសៀលថ្ងៃទី១៩ ខែកក្កដានេះបង្ហាញថា កីឡាការិនីជម្រើសជាតិកម្ពុជា ខាន់ ចេសា ត្រូវប្រកួតជាមួយកីឡាការិនីអាមេរិក Danielle Kelly ក្នុងព្រឹត្តិការណ៍ ONE Fight Night 14 ដែលប្រជុំដោយកីឡាការិនីដណ្តើមខ្សែក្រវាត់៤គូ។

រាត្រីដ៏អស្ចារ្យនៅប្រទេសសិង្ហបុរីនេះ

កីឡាការិនីពូកែកណ្តាប់ដៃ Buntan ប្រកួតជាមួយកីឡាការិនី Sundell ដណ្តើមខ្សែក្រវាត់ឃីកបុកស៊ីងពិភពលោក
កីឡាការិនីថៃ Stamp ប្រកួតជាមួយកីឡាការិនីកូរ៉េខាងត្បូង Ham ដណ្តើមខ្សែក្រវាត់គុនចម្រុះពិភពលោក
កីឡាការិនីចិន Xiong ប្រកួតជាមួយកីឡាការិនីថៃ Wondergirl ដណ្តើមខ្សែក្រវាត់គុនចម្រុះពិភពលោក
កីឡាការិនីកម្ពុជា ខាន់ ចេសា ប្រកួតជាមួយ Kelly ដណ្តើមខ្សែក្រវាត់ឃ្លេជំនាញក្រោមពិភពលោក

តាមប្រវត្តិ ខាន់ ចេសា ធ្លាប់ប្រកួតឈ្នះកីឡាការិនី Danielle Kelly ប្រភេទកីឡាជឺជីតស៊ូកាលពីឆ្នាំ២០២១ ប៉ុន្តែកីឡាការិនីអាមេរិករូបនេះធ្លាប់ប្រកួតនៅសង្វៀន ONE ៣ដងហើយគឺឈ្នះ២ និងចាញ់១ ខណៈម្ចាស់មេដាយមាសស៊ីហ្គេមរបស់កម្ពុជា នេះជាលើកដំបូងដែលត្រូវប្រកួតក្នុងសង្វៀន ONE៕