កីឡា

ក្រោយផ្តួល ផល សោភ័ណ្ឌ កីឡាករ Nabati ទារ៥ម៉ឺនដុល្លារទើបព្រមមកប្រកួតគុនខ្មែរ

បានផុស

៣ years មុន

នៅ

ថ្ងៃអង្គារ ២២ សីហា ២០២៣

ដោយ

កីឡាកររុស្ស៊ី Kamran Nabati បានទារតម្លៃខ្លួនប្រមាណ៥ម៉ឺនដុល្លារអាមេរិកទើបយល់ព្រមប្រកួតជាមួយកីឡាករគុនខ្មែរដែលចង់សងសឹកឲ្យកីឡាករ ផល សោភ័ណ្ឌ ដែលសន្លប់កាលពីថ្ងៃទី១៨ ខែសីហា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីផ្តួល ផល សោភ័ណ្ឌ ឲ្យសន្លប់ក្នុងទឹកទី១តាមរយៈរន្ទះជើងផ្កាប់ចាន អ្នកគាំទ្រគុនខ្មែរ និងផ្គូផ្គងមួយចំនួនចង់ឲ្យកីឡាកររុស្ស៊ី Nabati មកប្រកួតនៅប្រទេសកម្ពុជាដើម្បី ផល សោភ័ណ្ឌ ឬកីឡាករគុនខ្មែរផ្សេងទៀតសងសឹក។

ជាពិសេស លោក អេ ភូថង ក៏ចង់ឲ្យកូនប្រុសរបស់លោក គឺកីឡាករវ័យក្មេង អេ អាំម៉ារីន ភូថង ប្រកួតជាមួយ Nabati ដែរ ក្នុងនោះក៏មានរូបភាពផ្គូផ្គងគ្នាត្រូវបានបង្ហោះតាមបណ្តាញសង្គម Facebook។

ឆ្លើយតបទៅនឹងការចង់ឲ្យមានកីឡាករគុនខ្មែរសងសឹក Nabati បានលើកឡើងថា ៖«ខ្ញុំគោរពចំពោះជើងឯកគុនខ្មែរម្នាក់នេះ។ កីឡាករកម្ពុជាចង់បង្កើនលុយ ហើយពួកគេចង់ឲ្យមានការប្រកួតគុនខ្មែរ។ ខ្ញុំមិនចាប់អារម្មណ៍ទេ ប៉ុន្តែប្រសិនបើ ពួកគាត់ពិតជាចង់បានមែន ខ្ញុំគិតថា យកល្អគឺបង្កើនតម្លៃខ្ញុំវិញ។ តើគិតយ៉ាងម៉េចដែរចំណុចនេះ?

«សួស្តីកម្ពុជា ខ្ញុំបានឮពីអ្វីដែលមានកីឡាករចង់ប្រកួតជាមួយខ្ញុំបន្ទាប់។ ទទួលបាន ខ្ញុំត្រៀមជានិច្ច ប៉ុន្តែអ្នកត្រូវឲ្យតម្លៃខ្លួនខ្ញុំ៥ម៉ឺនដុល្លារអាមេរិក»។ Nabati បានបញ្ជាក់។

កាលពីថ្ងៃទី១៨ ខែសីហា ឆ្នាំ២០២៣ ជើងឯកគុនខ្មែរ ផល សោភ័ណ្ឌ បានបរាជ័យក្រោមរន្ទះជើងរបស់កីឡាករម្ចាស់ផ្ទះរុស្ស៊ី Kamran Nabati នៅដើមទឹកទី១ នៅកម្មវិធី RCC Fair Fight 22 នៅទីក្រុងមូស្គូ ប្រទេសរុស្ស៊ី៕

អត្ថបទ៖ វីរបុត្រ