កីឡា

មុនប៉ះកម្ពុជាយប់នេះ គ្រូលីបង់ដាក់គោលដៅឈ្នះគ្រប់ការប្រកួតក្នុងពូល AFC U23

បានផុស

៣ years មុន

នៅ

ថ្ងៃពុធ ៦ កញ្ញា ២០២៣

ដោយ

គ្រូបង្វឹកក្រុមបាល់ទាត់ជម្រើសជាតិលីបង់អាយុក្រោម២៣ឆ្នាំ លោក Miguel Moreira បានដាក់គោលដៅក្នុងការឈ្នះគ្រប់ការប្រកួតវគ្គសន្សំពិន្ទុក្នុងពូលពានរង្វាន់ AFC U23 Asian Cup Qatar នៅប្រទេសអារ៉ាប៊ីសាអ៊ូឌីត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម U23 លីបង់ស្ថិតក្នុងពូល J ដែលមានក្រុមខ្លាំង អារ៉ាប៊ីសាអ៊ូឌីត ជាម្ចាស់ផ្ទះ និងជាម្ចាស់ការពារជើងឯកឆ្នាំចាស់ ព្រមទាំងមានក្រុម U23 កម្ពុជា និងក្រុម U23 ម៉ុងហ្គោលី។ ការប្រកួតជម្រុះក្នុងពូលនេះ ក្រុមលេខ១នៃពូលទាំង១១ បូករួមទាំងក្រុមលេខ២ល្អបំផុតចំនួន៤ ព្រមទាំងក្រុមម្ចាស់ផ្ទះ១ទៀត សរុបចំនួន១៦ក្រុមឡើងទៅជុំផ្តាច់ព្រ័ត្រ ឆ្នាំ២០២៤ នៅប្រទេសកាតារ។

កាលពីម្សិលមិញនេះ លោក Miguel Moreira គ្រូបង្វឹកលីបង់បាននិយាយថា ក្នុងពូល J ដែលមានអារ៉ាប៊ីសាអ៊ូឌីត កម្ពុជា និងម៉ុងហ្គោលីគឺជាពូលដ៏លំបាក ប៉ុន្តែលោកដាក់គោលដៅស្វែងរកជ័យជម្នះគ្រប់ការប្រកួត។

លោកបាននិយាយថា ៖«យើងដឹងថា ក្រុមអារ៉ាប៊ីសាអ៊ូឌីតជាក្រុមជើងឯកឆ្នាំចាស់ ហើយយើងមានផែនការរួចរាល់ហើយត្រៀមប៉ះម្ចាស់ផ្ទះអារ៉ាប៊ីសាអ៊ូឌីត និងក្រុមកម្ពុជាដែលត្រូវប៉ះថ្ងៃបើកឆាក ប៉ុន្តែយើងមិនសូវមានព័ត៌មានច្រើនពីក្រុមម៉ុងហ្គោលីទេ»។

«យើងនឹងប្រឹងឲ្យអស់ពីលទ្ធភាពដើម្បីសម្រេចគោលដៅ។ គោលដៅរបស់យើងគឺប្រយុទ្ធដើម្បីទទួលបានជ័យជម្នះគ្រប់ការប្រកួត បើទោះបីជាដៃគូខ្លាំងយ៉ាងណាក៏ដោយ»។ លោក Moreira បានសង្កត់ធ្ងន់។

លោក Moreira បានបញ្ជាក់ថា ក្រុមរបស់លោកត្រៀមខ្លួនបានល្អ ពីព្រោះការត្រៀមខ្លួននេះមិនមែនត្រឹមជាការជម្រុះក្នុងពានរង្វាន់ AFC U23 Asian Cup ប៉ុណ្ណោះទេ ប៉ុន្តែក៏ជាការត្រៀមខ្លួនសម្រាប់វគ្គជម្រុះកីឡាអូឡាំពិកនៅប្រទេសកុងហ្គោ និងពានរង្វាន់ Arab Championship នៅប្រទេសអាល់ហ្សេរីផងដែរ។

កម្មវិធីប្រកួតពូល J