កីឡា

យប់នេះ ដល់វេនU23កម្ពុជាប៉ះអារ៉ាប៊ីសាអ៊ូឌីតស្វែងរកកៅអីជុំផ្តាច់ព្រត្រ

បានផុស

២ ខែ មុន

នៅ

ថ្ងៃអង្គារ ១២ កញ្ញា ២០២៣

ដោយ

ក្រុមជម្រើសជាតិកម្ពុជាអាយុក្រោម ២៣ឆ្នាំ (U23) ត្រូវការឈ្នះដាច់ខាតពេលជួបក្រុមអារ៉ាប៊ីសាអ៊ូឌីតអាយុក្រោម២៣ឆ្នាំ ដើម្បីធានាកៅអីឡើងទៅជុំផ្តាច់ព្រ័ត្រនៃពានរង្វាន់ AFC U-23 Asian Qatar Cup វេលាម៉ោង១១យប់នៅថ្ងៃទី ១២ ខែកញ្ញា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម U-23 ឆ្លងកាត់ការប្រកូត ២លើកគឺឈ្នះ១ ស្មើ១ មាន៤ពិន្ទុ ស្ថិតនៅលេខ២ក្នុងពូល J។ ការប្រកួតទី៣យប់នេះ កម្ពុជាធ្វើការធ្ងន់មែនទែនជាមួយម្ចាស់ផ្ទះអារ៉ាប៊ីសាអ៊ូឌីតជាក្រុមលេខ១ក្នុងពូល។ ក្រុមគោព្រៃជំទង់កម្ពុជាត្រូវការឈ្នះដាច់ខាតដើម្បីធានាកៅអីបានឡើងទៅជុំចុងក្រោយ ខណៈពូល J មាន ៤ក្រុម ដូច្នេះលទ្ធផលជាមួយក្រុមចំណាត់ថ្នាក់៤មិនត្រូវបានរាប់បញ្ចូលទេ។

២ប្រកួតរបស់កម្ពុជាស្មើ លីប៉ង់ ២-២ និងឈ្នះ ម៉ុងហ្គោលី ១-២ ខណៈ២ប្រកួតរបស់អារ៉ាប៊ីសាអ៊ូឌីតឈ្នះម៉ុងហ្គោលី ៣-១ និងឈ្នះលីបង់៣-០។

លក្ខខណ្ឌច្រើនសម្រាប់កម្ពុជាយប់នេះ ប្រសិនបើឈ្នះអារ៉ាប៊ីសាអ៊ូឌីត នឹងឡើងទៅលេខ១ក្នុងពូល ប៉ុន្តែប្រសិនបើស្មើ ឬចាញ់មានរឿងផ្សេងដែលត្រូវពិចារណាសម្រាប់កៅអីលេខ២ល្អបំផុតក្នុងពូល។ ជាមួយគ្នានេះ ប្រសិនបើ ម៉ុងហ្គោលី អាចយកឈ្នះលីបង់បាននោះ គឺជាអំណោយផលរបស់កម្ពុជា ពីព្រោះលីបង់នឹងធ្លាក់ទៅបាតតារាង ដូច្នេះលទ្ធផលដែលកម្ពុជាឈ្នះម៉ុងហ្គោលីបាន៣ពិន្ទុនឹងត្រូវគិតសម្រាប់ក្រុមលេខ២ល្អបំផុតក្នុងពូល។