កីឡា
ជ័យជម្នះយប់មិញធ្វើឲ្យភ្នំពេញក្រោនបង្កើតកំណត់ត្រាថ្មី២យ៉ាង
ភ្នំពេញក្រោនតំណាងឲ្យក្លិបបាល់ទាត់កម្ពុជាទទួលបានជ័យជម្នះលើក្រុម Dynamic Herb Cebu FC ដោយលទ្ធផល ០-៣ ក្នុងដីរបស់ក្លិបហ្វីលីពីន វគ្គសន្សំពិន្ទុក្នុងពូល F ពានរង្វាន់លំដាប់ទី២អាស៊ី AFC Cup យប់ថ្ងៃទី២១ ខែកញ្ញា ឆ្នាំ២០២៣។

តាមរយៈជ័យជម្នះនេះ ភ្នំពេញក្រោនបានបង្កើតកំណត់ត្រាថ្មី២យ៉ាងសម្រាប់ក្លិបផ្ទាល់ ក៏ដូចជាតំណាងឲ្យក្លិបបាល់ទាត់ប្រទេសកម្ពុជា។
កំណត់ត្រាទី១
ភ្នំពេញក្រោន បានបង្កើតកំណត់ត្រាឈ្នះការប្រកួត៣លើកជាប់គ្នាក្នុងពានរង្វាន់ AFC Cup ក្នុងនោះឈ្នះក្រុមជើងឯកឡាវ Young Elephant ដោយលទ្ធផល ៣-០ នៅវគ្គជម្រុះបឋមក្នុងទឹកដីកម្ពុជា។ នៅវគ្គខ្វែង Playoff ក្រុមតំណាងកម្ពុជាបានយកឈ្នះក្រុម Tampines Rover ដោយលទ្ធផល ២-៣ នៅទឹកដីសិង្ហបុរី ដើម្បីឡើងវគ្គចែកពូលដែលបានយកឈ្នះក្រុមតំណាងឲ្យក្លិបហ្វីលីពីន DH Cebu FC ដោយលទ្ធផល ០-៣។

កំណត់ត្រាទី២
ភ្នំពេញក្រោនបានក្លាយជាក្លិបតំណាងកម្ពុជាដំបូងគេដែលទទួលបានជ័យជម្នះនៅទឹកដីប្រទេសហ្វីលីពីនក្នុងពានរង្វាន់ AFC Cup។ កាលពីឆ្នាំ២០១៧ ក្រុមបឹងកេតតំណាងឲ្យកម្ពុជាក្នុងពានរង្វាន់នេះដោយស្ថិតនៅក្នុងពូល F ពេលនោះ បឹងកេត បានចាញ់ក្រុមហ្វីលីពីន Global FC ជើងទី១ក្នុងលទ្ធផល ០-២ នៅដីកម្ពុជា និងជើងទី២នៅដីហ្វីលីពីនចាញ់ ៣-១។
បឹងកេតដដែលស្ថិតនៅក្នុងពូល G ឆ្នាំ២០១៨ បានចាញ់ក្រុមហ្វីលីពីន Ceres-Negros ជើងទី១ដោយលទ្ធផល ០-៤ នៅដីកម្ពុជា និងជើងទី២ ចាញ់ធ្ងន់កក្នុងលទ្ធផល ៩-០ នៅដីហ្វីលីពីន។
នៅឆ្នាំ២០២០ ក្រុមព្រះខ័នរាជស្វាយរៀងតំណាងឲ្យក្រុមកម្ពុជាក្នុងពានរង្វាន់ដដែលនេះដោយស្ថិតនៅក្នុងពូល G។ ការប្រកួតជើងទី១ ត្រូវបានលុបចោល ប៉ុន្តែជើងទី២នៅទឹកដីហ្វីលីពីន ព្រះខ័នរាជស្វាយរៀងបានចាញ់ Ceres-Negros ដោយលទ្ធផល ០-៤។
នៅឆ្នាំ២០២២កន្លងទៅនេះ ក្លិបបាល់ទាត់ វិសាខា បានក្លាយជាក្រុមកម្ពុជាដំបូងគេដែលទទួលបានជ័យជម្នះលើក្រុមរបស់ប្រទេសហ្វីលីពីន ប៉ុន្តែពេលនោះឈ្នះក្រុម Kaya F.C.–Iloilo ដោយលទ្ធផល ១-២ នៅប្រទេសឥណ្ឌូណេស៊ីពោលគឺមិនមែននៅទឹកដីហ្វីលីពីនទេ។
អ្វីដែលគួរឲ្យកត់សំគាល់ទៀតនោះ ភ្នំពេញក្រោនបានបញ្ចប់កំណត់ត្រាមិនដែលចាញ់របស់ Cebu FC ដែលមានរយៈពេលជាង១ឆ្នាំ និងរក្សាសំណាញ់ទីរបស់ខ្លួនមិនឲ្យដៃគូស៊ុតចូល២លើកក្នុងចំណោម៣ប្រកួតក្នុងពានរង្វាន់ AFC Cup៕

អត្ថបទ៖ វីរបុត្រ

-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?