កីឡា
គ្រូបង្វឹក Cebu ថា បើគ្មានគ្រាប់បាល់ចុងវគ្គទី១ នោះក្រុមខ្លួននឹងធ្វើបានល្អ
លោក Joshua Schirmer គ្រូបង្វឹកក្លិប Dynamic Herb Cebu FC ចាត់ទុកការធ្លាយគ្រាប់បាល់ទី១ទើបធ្វើឲ្យក្រុមរបស់លោកចាញ់ភ្នំពេញក្រោនរហូតដល់ ០-៣ វគ្គសន្សំពិន្ទុក្នុងពូលនៃពានរង្វាន់ AFC Cup យប់ថ្ងៃទី២១ ខែកញ្ញា ឆ្នាំ២០២៣។
Dynamic Herb Cebu FC បានបាត់បង់កំណត់ត្រាមិនដែលចាញ់រយៈពេលជាង១ឆ្នាំ ក្រោយចាញ់ក្លិបភ្នំពេញក្រោន។ បរាជ័យយប់មិញនេះមិនមែនជាលទ្ធផលដែលគ្រូបង្វឹក Cebu FC និងអ្នកគាំទ្រហ្វីលីពីនចង់បានទេ ដោយសារពួកគេលេងក្នុងនាមជាម្ចាស់ផ្ទះ ប៉ុន្តែបែរជាទទួលបានលទ្ធផលអាក្រក់លើសពីការរំពឹងទុក។
គ្រូបង្វឹក លោក Joshua Schirmer និយាយថា ៖«ខ្ញុំខកចិត្តក្នុងការប្រកួតដំបូងរបស់យើងនៅ AFC Cup។ ក្រុមរបស់ខ្ញុំធ្វើបានល្អនៅវគ្គទី១។ បើសិនគ្មានគ្រាប់បាល់កើតឡើងនៅចុងវគ្គទី១ទេ ហើយលទ្ធផល ០-០ ចប់វគ្គទី១ ខ្ញុំគិតថា ការប្រកួតនៅវគ្គទី២នឹងមានការប្រែប្រួលខ្លះ។ ពួកយើងត្រូវសិក្សាបន្ថែមទៀត ហើយមិនត្រូវមើលស្រាលគូប្រកួតទេ។ នេះជាពិសោធថ្មីមួយសម្រាប់យើង។ លទ្ធផលនេះគឺមិនមែនជាអ្វីដែលយើងចង់បានទេ»។
បន្ទាប់ពីត្រូវក្រុមភ្ញៀវរកបានគ្រាប់បាល់នាំមុខ ០-១ នៅនាទី៤៣ ចុងវគ្គទី១ ការប្រកួតនៅវគ្គទី២គឺជាពេលវេលាដែលក្រុមម្ចាស់ផ្ទះប្រឹងប្រែងដើម្បីរកគ្រាប់បាល់តាមស្មើ ប៉ុន្តែការប្រឹងប្រែងសម្រុកធ្វើឲ្យខ្វះចន្លោះនៅតំបន់ការពាររហូតធ្វើឲ្យភ្នំពេញក្រោនអាចរកបានគ្រាប់២បន្ថែមទៀត។
លោក Joshua Schirmer បន្ថែមថា ៖«ជាការពិតខ្ញុំត្រូវការធ្វើកំណែទម្រង់ខ្លះក្នុងតំបន់លេងមួយចំនួនដែលយើងធ្វើមិនបានល្អ។ លទ្ធផលយប់មិញជាងអ្វី ដែលយើងត្រូវចងចាំ។ ខ្ញុំគិតថា ការប្រកួតបានបញ្ចប់ហើយចឹងយើងឈប់គិតពីវា។ ចាប់ផ្តើមរៀបចំក្រុមឡើងវិញ និងស្វែងរកអ្វីដើម្បីអ្នកគាំទ្រ និងប្រជាជនហ្វីលីពីន»។
Cebu FC ជាក្លិបដែលទើបបង្កើតបាន ២ឆ្នាំប៉ុណ្ណោះ ប៉ុន្តែពួកគេបានចូលរួមលេងក្នុងពានរង្វាន់ AFC Cup ក្នុងនាមជាម្ចាស់ជើងឯករងក្នុងលីគកំពូលហ្វីលីពីន។ នៅថ្ងៃទី៣០ ខែវិច្ឆិកា ឆ្នាំ២០២៣ ពួកគេនឹងធ្វើដំណើរមកប្រកួតនៅប្រទេសកម្ពុជាជាមួយភ្នំពេញក្រោន នៅកីឡដ្ឋាន ស្មាតអរអេសអិន៕
អត្ថបទ៖ រតនា
ទេសរដ្ឋមន្រ្តី លី ធុជ ៖ តាមរយៈការងារបោសសម្អាតមីន មានតែស្នាមញញឹម និងសុភមង្គលរបស់ប្រជាជនកម្ពុជា
ផ្អាកអាជីវកម្ម អាហារដ្ឋានបណ្ដោះអាសន្នក្នុងរាជធានីភ្នំពេញ នៅជុំវិញមណ្ឌលប្រឡងបាក់ឌុប រយៈពេល២ថ្ងៃ
សមាសភាពឧត្ដមក្រុមប្រឹក្សាពិគ្រោះយោបល់ចំនួន១៤៥រូប ត្រូវបានតែងតាំងជាផ្លូវការ
ក្រសួងអប់រំ ប្រជុំបើកបេសកកម្មលើកទី១១ គាំទ្រគម្រោងកែលម្អការអប់រំឧត្តមសិក្សា
លោកបណ្ឌិត តូច ប៉ូលីវ៉ា បើកវេទិកាដោះស្រាយបញ្ហាប្រឈមរបស់ពលរដ្ឋក្នុងស្រុកស្វាយជ្រំ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ១ សប្តាហ៍ មុនតើលោក ឌី ពេជ្រ ជាគូស្នេហ៍របស់កញ្ញា ហ៊ិន ច័ន្ទនីរ័ត្ន ជានរណា?
-
ព័ត៌មានជាតិ៣ ថ្ងៃ មុនបណ្តាញផ្លូវជាតិធំៗ ១៣ ខ្សែ ចាយទុនរយលានដុល្លារ កំពុងសាងសង់គ្រោងបញ្ចប់ប៉ុន្មានឆ្នាំទៀតនេះ
-
ព័ត៌មានជាតិ១ ថ្ងៃ មុនមកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានអន្ដរជាតិ៦ ថ្ងៃ មុនអាហារចម្លែកលើលោកទាំង ១០ បរទេសឃើញហើយខ្លាចរអា
-
ព័ត៌មានជាតិ៤ ថ្ងៃ មុននិយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ
-
ព័ត៌មានជាតិ១ សប្តាហ៍ មុនចិន បង្ហាញនូវវត្ថុបុរាណដ៏មានតម្លៃ ដែលភាគច្រើនជាវត្ថុបុរាណបានមកពីកំណាយផ្នូររាជវង្សហាន
-
ព័ត៌មានជាតិ៣ ថ្ងៃ មុនច្បាប់មិនលើកលែងឡើយចំពោះអ្នកដែលថតរឿងអាសអាភាស!
-
ព័ត៌មានជាតិ២ ថ្ងៃ មុនសមត្ថកិច្ច ចាប់ឃាត់ខ្លួនបានហើយ បុរសដែលវាយសត្វឈ្លូសហែលទឹកនៅខេត្តកោះកុង