កីឡា

ក្រោយចែកផ្លូវគ្នាជាមួយគ្រូ Alistair Heath ក្លិបអង្គរថាយហ្គឺរនៅតែបន្តចាញ់

បានផុស

១ ខែ មុន

នៅ

ថ្ងៃអង្គារ ២៦ កញ្ញា ២០២៣

ដោយ

អង្គរថាយហ្គឺរ ជាក្លិបទី១ដែលបានប្រកាសចែកផ្លូវគ្នាជាមួយលោកគ្រូ Alistair Heath បន្ទាប់ពីរូបលោកដឹកនាំបាន៤ប្រកួតក្នុងលីគកំពូលកម្ពុជារដូវកាលថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយបញ្ចប់ភារិច្ចជាមួយលោក Alistair Heath ក្រុមអង្គរថាយហ្គឺរ បានបន្តចាញ់២ប្រកួតជាប់គ្នា។ ក្នុងនោះពួកគេបានចាញ់ព្រះខ័នរាជស្វាយរៀង ៥-២ និងចាញ់ព្រៃវែង ២-១។ គិតត្រឹមសប្ដាហ៍ទី៦ អង្គរថាយហ្គឺរ រកបានតែ៣ពិន្ទុប៉ុណ្ណោះ ក្នុងការប្រកួត៦លើក និងកំពុងឈរលេខ៩នៃតារាងពិន្ទុ។

រដូវកាលថ្មីនេះ កម្រិតនៃការប្រកួតប្រជែងក្នុងលីគកំពូលកម្ពុជាកើនឡើងខ្ពស់ ដែលជាហេតុធ្វើឲ្យការប្រកួតតានតឹង ប៉ុន្តែជាមូលដ្ឋានគ្រឹះធ្វើឲ្យក្លិបរបស់កម្ពុជាកាន់តែរាំងមាំ និងអ្នកគាំទ្រកាន់តែចាប់អារម្មណ៍។

អង្គរថាយហ្គឺរបានតែងតាំងលោក Kota Miyagi ជនជាតិជប៉ុនជាគ្រូបង្វឹកថ្មី។ ក្រោមការដឹកនាំរបស់គ្រូបង្វឹកថ្មី ក៏មិនទាន់អាចជួយឲ្យក្លិបទទួលបានលទ្ធផលប្រសើរឡើយ។ ពួកគេនឹងត្រូវជូបភ្នំពេញក្រោន ដែលជាក្រុមខ្លាំងថែមទៀតនៅសប្តាហ៍ទី៧។

កាលពីថ្ងៃទី១ ខែកញ្ញា ឆ្នាំ២០២៣ អង្គរថាយហ្គឺរ បានប្រកាសចែកផ្លូវគ្នាជាមួយលោក Alistair Heath ដែលជាគ្រូបង្វឹកបានចូលដឹកនាំក្លិបអង្គរថាយហ្គឺរកាលពីខែធ្នូ ឆ្នាំ២០២១៕

អត្ថបទ៖ រតនា