កីឡា

មូលហេតុ ចន្ថា ចន្ទាកា មិនជាប់ជម្រើសដំបូងទល់ក្រុមទ័ព

បានផុស

១ ខែ មុន

នៅ

ថ្ងៃអង្គារ ២៦ កញ្ញា ២០២៣

ដោយ

ខ្សែប្រយុទ្ធកីឡាករ ចន្ថា ចន្ទាកា ទទួលបានការចាប់អារម្មណ៍ពីអ្នកគាំទ្រតាមរយៈការបង្ហាញទម្រង់លេងយ៉ាងល្អលើទីលាន ទោះបីរូបគេមិនសូវបានបង្ហាញខ្លួនជម្រើសដំបូងញឹកញាប់ ក្នុងលីគកំពូលកម្ពុជាក៏ដោយ។

គិតត្រឹមសប្ដាហ៍ទី៦ ចន្ថា ចន្ទាកា មិនទាន់បានបង្ហាញខ្លួនជម្រើសដំបូងឲ្យបឹងកេតទេ ប៉ុន្តែរូបគេក៏ជាសមាជិកសំខាន់ជួយក្រុមឲ្យទទួលបានលទ្ធផលល្អដែរកន្លងមក។ រូបគេត្រូវបានប្តូរចូលនៅវគ្គទី២ ហើយស៊ុតបាន២គ្រាប់ និងបញ្ចូលបាល់ឲ្យមិត្តរួមក្រុម១លើកនៅពេលបឹងកេតឈ្នះវិសាខា ៤-២។

អ្នកគាំទ្រមួយចំនួនឆ្ងល់ថា ហេតុអ្វីកីឡាករ ចន្ថា ចន្ទាកា មិនត្រូវដាក់ឲ្យលេងជម្រើស១១នាក់ដំបូងសម្រាប់ការប្រកួតកន្លងមក?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបទៅអ្នកគាំទ្រ លោក Clement Teo គ្រូបង្វឹកបឹងកេត និយាយថា ៖«ខ្ញុំមិនអាចដាក់ ចន្ទាកា ក្នុងជម្រើសដំបូងពេលប៉ះក្រុមទ័ពបានទេ។ រូបគេមិនបានហ្វឹកហាត់៤ថ្ងៃមុនការប្រកួត ដោយសាររបួសពេលហ្វឹកហាត់»។

«ខ្ញុំពិតជាចង់ដាក់ ចន្ថា ចន្ទាកា ក្នុងជម្រើសដំបូងណាស់។ មកដល់ពេលនេះ ខ្ញុំមិនទាន់អាចរៀបចំក្រុមមួយដោយមានគុណភាពបាននៅឡើយទេ ដោយសារកីឡាកររបួសច្រើន។ ខ្ញុំមិនអាចទៅប្រាប់ពភិពលោកថា កីឡាករនេះ កីឡាករនោះរបួសបានទេ»។ លោកបានបញ្ជាក់។