លោក វ៉ាត់ ចំរើន៖កីឡាកាយវប្បកម្ម និងវ៉ូវីណាមជាកីឡាមានសក្តានុពលបំផុតអាចឈ្នះមេដាយមាស SEA GAMES ២០២១ នៅវៀតណាម និង SEA GAMES ២០២៣នៅកម្ពុជា

ថ្នាក់ដឹកនាំគណ:កម្មាធិការជាតិអូឡាំពិកកម្ពុជា បានលើកឡើងថា កីឡាកាយវប្បកម្ម និងវ៉ូវីណាមជាប្រភេទកីឡាមានសក្តានុពលបំផុតអាចមានសមត្ថភាពដណ្តើមមេដាយមាសជូនសម្រាប់កម្ពុជានៃព្រឹត្តិការណ៍ការប្រកួតកីឡា SEA GA MES ២០២១ នៅប្រទេសវៀតណាម និង SEA GAMES ២០២៣នៅកម្ពុជា។

លោក វ៉ាត់ ចំរើន អគ្គលេខាធិការគណៈ កម្មាធិការជាតិអូឡាំពិក (NOCC) និងជាអគ្គលេខាធិការគណៈកម្មាធិការជាតិរៀបចំប្រកួតកីឡាអាស៊ីអាគ្នេយ៍លើកទី៣២ឆ្នាំ ២០២៣(CAMSOC) បានបន្តថា កីឡាកាយវប្បកម្ម និងវ៉ូវីណាមរាល់ការចេញទៅចូលរួមប្រកួតលើឆាកអន្តរជាតិ តែងតែងឈ្នះមេដាយមាសរហូត។ ចំណែកកីឡាកាយវប្បកម្មសម្រាប់ការប្រកួត SEA GAMES ២០២១ ប្រហែលជាអាចដណ្តើមបានមេដាយមាស២គ្រឿង ដូច្នេះលោកបានឲ្យអគ្គលេខាធិការនៃសហព័ន្ធកីឡាកាយវប្បកម្មធ្វើការប្រមូលកីឡាករជើងខ្លាំងត្រៀមហ្វឹកហាត់ឡើងវិញ។

លោក វ៉ាត់ ចំរើន បានបន្ថែមទៀតថា ម្ចាស់ផ្ទះវៀតណាមដាក់៣៦ ប្រភេទកីឡាក្នុងការប្រកួតចំណែកកម្ពុជា នឹងបញ្ជូន ៣១ប្រភេទកីឡាត្រៀមចូលរួមជាមួយប្រ ភេទកីឡាមានសក្តានុពលដណ្តើមមេដា យបានចំនួន១១ ប្រភេទរួមមានកីឡាប៉េ តង់ តេក្វាន់ដូ WT វ៉ូវីណាម ចំបាប់ វាយកូនបាល់ វ៉ូស៊ូ ប្រដាល់សកល ប្រដាល់ Kick Boxing សីដក់ ប្រដាល់ (គុនខ្មែរ) និងកីឡាកាយវប្បកម្ម ។ ប្រភេទកីឡាអាចឈានដល់រកមេដាយ រួមមានកីឡាការ៉ា តេ កីឡារាំ កីឡាអុក Xiangqi និងបាល់ បោះ៣ទល់៣នាក់ ៕

វិសិទ្ធ