កីឡា
កីឡាករ Shan United លឿនៗជាកង្វល់របស់លោក Oleg ត្រូវដោះស្រាយយប់នេះ
គ្រូបង្វឹកភ្នំពេញក្រោន លោក Oleg Starynskyi បានស្វែងយល់យ៉ាងច្បាស់ពីគុណភាពរបស់ក្រុម Shan United មុនពេលក្រុមទាំងពីរប៉ះគ្នាវេលាម៉ោង៧យប់ ថ្ងៃទី៥ ខែតុលា នេះ វគ្គសន្សំពិន្ទុក្នុងពូល F ពានរង្វាន់ AFC Cup នៅពហុកីឡដ្ឋានជាតិអូឡាំពិក។
នេះជាការប្រកួតក្នុងផ្ទះលើកដំបូងសម្រាប់ភ្នំពេញក្រោន បន្ទាប់ពីបើកឆាកសន្សំពិន្ទុពូលដំបូងរកបាន៣ពិន្ទុពីជ័យជម្នះម្ចាស់ផ្ទះហ្វីលីពីន DH Cebu FC ដោយលទ្ធផល ០-៣។ ស្របពេល Shan United បានបរាជ័យក្នុងផ្ទះរបស់ខ្លួនក្រោមថ្វីជើងក្រុមអូស្ត្រាលី Macarthur FC ដោយលទ្ធផល ០-៣។
ជំនួបលើកទី២នារាត្រីនេះ ក្រុមទាំងពីរដាក់គោលដៅយកពិន្ទុដូចគ្នា ដើម្បីឱកាសឡើងវគ្គបន្ត។ លោក Oleg បានលើកឡើងថា ជ័យជម្នះលើកទី១ជាកម្លាំងចិត្តដ៏សំខាន់សម្រាប់ការប្រកួតក្នុងផ្ទះថ្ងៃនេះ។
លោកបាននិយាយថា ៖«យើងបានតាមដានយ៉ាងយកចិត្តដាក់ពីការប្រកួតរបស់ Shan United នៅលីគមីយ៉ាន់ម៉ា។ យើងដឹងថា ពួកគេជាក្រុមរៀបចំបានល្អ។ ពួកគេមានកីឡាករច្រើនជាប់ជម្រើសជាតិ និងមានកាយសម្បទាមាំមួន»។
«កីឡាកររបស់ពួកគេមានល្បឿនលឿនៗ ដូច្នេះជាកង្វល់ដែលយើងត្រូវប្រុងប្រយ័ត្ន។ យើងមិនត្រូវបណ្តោយឲ្យពួកគេមានឱកាសចូលតំបន់គ្រោះថ្នាក់របស់យើងបានឡើយ។ ផ្ទុយទៅវិញ យើងត្រូវបង្កើតឱកាស និងរកគ្រាប់បាល់»។ លោក Oleg បានបញ្ជាក់។
គោលដៅរបស់ភ្នំពេញក្រោនគឺយកជ័យជម្នះឲ្យខាងតែបានដើម្បីឱកាសឡើងទៅវគ្គបន្ត ពីព្រោះក្រុមតំណាងកម្ពុជាមួយនេះមិនធ្លាប់បានឆ្លងផុតវគ្គសន្សំពិន្ទុក្នុងពូលឡើយក្នុងពានរង្វាន់ AFC Cup។
សូមបញ្ជាក់ថា កៅអីសម្រាប់ទស្សនាការប្រកួតវេលាម៉ោង៧យប់នេះមានត្រឹមតែ៥ពាន់ប៉ុណ្ណោះនៅកន្លែងមានដំបូល ពីព្រោះកន្លែងខាងជើង ត្បូង និងខាងកើតដែលមានកៅអីជ័យត្រូវបានដាក់ក្នុងពេលប្រកួតស៊ីហ្គេមមិនត្រូវបានសហព័ន្ធកីឡាបាល់ទាត់អាស៊ី (AFC) អនុញ្ញាតឲ្យលក់សំបុត្រចូលអង្គុយទស្សនាឡើយ។
ភ្នំពេញក្រោន និង Shan United ធ្លាប់ជួបគ្នាម្តងក្នុងពានរង្វាន់ AFC President’s Cup កាលពីថ្ងៃទី១០ ខែមិថុនា ឆ្នាំ២០០៩ ដោយកាលនោះក្រុមមីយ៉ាន់ម៉ាបានយកឈ្នះដោយលទ្ធផល៤-៣៕
អត្ថបទ៖ វីរបុត្រ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?