កីឡា

Pep Muñoz ប្រាប់ថា ស្គាល់ច្បាស់ពីទម្រង់ងលេងរបស់បឹងកេត

បានផុស

៣ years មុន

នៅ

ថ្ងៃសៅរ៍ ២៨ តុលា ២០២៣

ដោយ

ជំនួបរវាងក្លិបព្រះខ័នរាជស្វាយរៀង និងម្ចាស់ផ្ទះ បឹងកេត វេលាម៉ោង៦ល្ងាច ថ្ងៃសៅរ៍ ទី២៨ ខែតុលា ឆ្នាំ២០២៣ នឹងក្លាយជាការប្រកួតគួរឲ្យចាប់អារម្មណ៍សម្រាប់អ្នកគាំទ្ររបស់ក្រុមទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសនី្នសីទសារព័ត៌មានមុនការប្រកួតលោក Pep Muñoz គ្រូបង្វឹកព្រះខ័នរាជស្វាយរៀងបាននិយាយថា ៖«ខ្ញុំបានមើលការប្រកួតរបស់បឹងកេតជាច្រើនលើក។ ខ្ញុំគិតថា ពួកគេជាក្រុមមួយដ៏ល្អក្នុងលីគ។ ខ្ញុំចូលចិត្តមើលរបៀបលេងរបស់បឹងកេត។ ខ្ញុំបានចាប់អារម្មណ៍ពួកគេតាំងពីដំបូងមកម្ល៉េះ។ ខ្ញុំគិតថា កាប្រកួតល្ងាចនេះជាជំនួបដ៏ជក់ចិត្តសម្រាប់អ្នកគាំទ្រ ដោយសារប្រកួតនេះក្រុមទាំង២គឺជាក្រុមចូលចិត្តគ្រប់គ្រងបាល់ដូចគ្នា ជាពិសេសការសម្រុកដើម្បីរកគ្រាប់បាល់»។

ព្រះខ័នរាជាស្វាយរៀងធ្វើបានយ៉ាងល្អក្នុង៨ប្រកួតនៃកំពូលកម្ពុជារដូវកាលនេះ។ ជំនួបសប្ដាហ៍ទី៩គឺជាការប្រកួតដែលមិនងាយស្រួលសម្រាប់ក្លិបព្រះខ័នរាជស្វាយរៀង។

លោក Pep Muñoz បន្ថែមថា៖«នេះជាការប្រកួតដែលគួរឲ្យចាប់អារម្មណ៍ខ្លាំងហើយនេះជាការប្រកួតមួយដែលខ្ញុំទន្ទឹងរងចាំពីព្រោះក្រុមបឹងកេតជាក្រុមមួយដែលចូលចិត្តគ្រប់គ្រងបាល់ហើតរក្សាបាល់ច្រើននិងជាក្រុមមួយដែលរៀបចំបានល្អ។ សម្រាប់ខ្ញុំក៏បានត្រៀមខ្លួនរួចរាល់ហើយដែរចំពោះការប្រកួតល្ងាចនេះ»៕