Connect with us

កីឡា

ក្រុមខេត្តកំពង់ធំ និងកំពង់ចាម ឡើងវគ្គ៤ក្រុមថ្នាក់ខេត្តលើកដំបូងពានសម្តេចតេជោ

បានផុស

នៅ

ក្រុម​បាល់ទាត់​ខេត្ត​កំពង់ធំ និង​ខេត្ត​កំពង់ចាម បាន​បង្កើត​កំណត់​ត្រា​ផ្ទាល់​ខ្លួន​​ថ្មី​មួយ​ក្នុង​ការ​ឡើង​ដល់​វគ្គ​ពាក់​កណ្តាល​ផ្តាច់​ព្រ័ត្រជា​លើក​ដំបូង នៃ​ពាន​រង្វាន់សម្តេចតេជោ ហ៊ុន សែន លើក​ទី​១៧ ឆ្នាំ​២០២៣ ថ្នាក់​ខេត្ត បន្ទាប់​ពី​ធ្វើ​បាន​ល្អ​រៀង​ខ្លួន​នៅ​វគ្គ​៨​ក្រុម​ចុង​ក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ប្រកួត​វគ្គ​៨​ក្រុម​ចុង​ក្រោយ ក្រុម​ខេត្ត​កំពង់ធំ​បាន​ប្រកួត​ស្មើ​ជា​មួយ​ក្រុម​ខេត្ត​ពោធិ៍សាត់ ដោយ​លទ្ធផល ១-១ នៅ​ជើង​ទី​១ ​ក្នុង​ដី​របស់​ខេត្ត​ពោធិ៍​សាត់​កាល​ពី​ថ្ងៃ​ទី​៣១ ខែ​តុលា ឆ្នាំ​២០២៣។

ប៉ុន្តែ​សម្រាប់​ការ​ប្រកួត​ជើង​ទី១​ក្នុង​ដី​របស់​ខ្លួន​​ថ្ងៃ​ទី​១០ ខែ​វិច្ឆិកា កំពង់ធំ​បាន​យក​ឈ្នះ​លើ​ក្រុម​ភ្ញៀវ​ពោធិ៍សាត់​ដោយ​មិន​ឲ្យ​តដៃ​រួច​គឺ ៥-១ ដូច្នេះ​សរុប​ទាំង​ពីរ​ជើង​ឈ្នះ​ដោយ​លទ្ធផល ៦-១ ដើម្បី​បានឡើង​ទៅ​កាន់​វគ្គ​ពាក់​កណ្តាល​ផ្តាច់​ព្រ័ត្រ​ថ្នាក់​ខេត្ត​ជា​លើក​ដំបូង។

ចំណែក​ក្រុម​ខេត្ត​កំពង់ចាម​ក៏​បាន​ឡើង​ដល់​វគ្គ​ពាក់​កណ្តាល​ផ្តាច់​ព្រ័ត្រ​ថ្នាក់​ខេត្ត​ជា​លើក​ដំបូង​ដែរ ចាប់តាំង​ពី​ពាន​រង្វាន់​ថ្នាក់​ខេត្ត​ត្រូវ​បាន​រៀបចំ​ឲ្យ​មាន​តាំង​ពី​ឆ្នាំ​២០១៩។ ជើង​ទី១​ ថ្ងៃ​ទី​២៦ ខែ​តុលា កំពង់ចាម​បាន​ចាញ់​ក្រុម​ភ្ញៀវ ភ្នំពេញហ្គាឡាក់ស៊ី​ ដែល​ជា​ក្រុម​ជើង​ឯក​ថ្នាក់​ខេត្ត​ឆ្នាំ​ចាស់​ដោយ​លទ្ធផល ០-១។

នៅ​ជើង​ទី១ កាល​ពី​ថ្ងៃទី​១ ខែ​វិច្ឆិកា កំពង់ចាម​បាន​ស៊ុត​ចូល​​ភ្នំពេញហ្គាឡាក់ស៊ី១​គ្រាប់​ដើម្បីចប់​ការ​ប្រកួត​ទទួល​បាន​ជ័យជម្នះ​​ ១-០ ដូច្នេះ​សរុប​ទាំង​ពីរ​ជើង​ស្មើ​គ្នា ១-១។ ការ​ទាត់​បាល់​ប៉េណាល់​ទី​កាត់​សេចក្តី កំពង់ចាម​បាន​យក​ឈ្នះ​ដោយ​លទ្ធផល ៤-២ ដើម្បី​បាន​ឡើង​ទៅ​វគ្គ​៤​ក្រុម​ចុង​ក្រោយ។

នៅ​វគ្គ​ពាក់​កណ្តាល​ផ្តាច់​ព្រ័ត្រ ក្រុម​ខេត្ត​កំពង់ចាម ប៉ះ ក្រុម​ខេត្ត​កំពង់ធំ ដូច្នេះ​មាន​ន័យ​ថា នឹង​មាន​ក្រុម​១បាន​បង្កើត​កំណត់​ល្អ​មួយ​កម្រិត​ទៀត​ក្នុង​ការ​ឡើង​ដល់​វគ្គ​ផ្តាច់​ព្រ័ត្រ។

ចំណែក​ពីរ​ក្រុម​ទៀត​គឺ​ខេត្ត​បន្ទាយមានជ័យ​ និង​ក្រុម​ខេត្ត​ត្បូង​ឃ្មុំ ប៉ះ​គ្នា​នៅ​​វគ្គ​ពាក់​កណ្តាល​ផ្តាច់​ព្រ័ត្រ។ ក្រុម​ទាំង​ពីរ​នេះ​ធ្លាប់​ឡើង​វគ្គ​ពាក់​កណ្តាល​ព្រ័ត្រ ជា​ពិសេស​ ខេត្ត​ត្បូងឃ្មុំ​បាន​ឡើង​វគ្គ​ពាក់​កណ្តាល​ផ្តាច់​ព្រ័ត្រ​រហូត​តាំង​ពី​ឆ្នាំ​២០១៩​មក ហើយ​ក៏​ធ្លាប់​ឈ្នះ​ជើង​ឯក​នៅ​ឆ្នាំ​២០១៩​។​

លទ្ធផល​ជើង​ទី១

  • ខេត្ត​កំពង់ចាម ០-១ ភ្នំពេញ​ហ្គាឡាក់​ស៊ី ថ្ងៃ​២៦ ខែតុលា
  • ខេត្ត​រតនគិរី ១-៣ ខេត្ត​បន្ទាយ​មាន​ជ័យ ថ្ងៃ​ទី៣១ ខែតុលា
  • ខេត្ត​ពោធិ៍សាត់ ១-១ ខេត្ត​កំពង់ធំ ថ្ងៃ​ទី​៣១ ខែ​តុលា
  • ខេត្តព្រះសីហនុ ២-២ ខេត្តត្បូងឃ្មុំ ថ្ងៃ​ទី១ ខែ​វិច្ឆិកា

លទ្ធផល​ជើង​ទី​២

  • ភ្នំពេញ​ហ្គាឡាក់ស៊ី ០-១ ខេត្ត​កំពង់ចាម ថ្ងៃ​ទី១ ខែ​វិច្ឆិកា (ពីរជើងស្មើ ១-១, ប៉េណាល់ទី ២-៤)
  • ខេត្ត​ត្បូងឃ្មុំ ៣-១ ខេត្តព្រះសីហនុ ថ្ងៃ​ទី១០ ខែវិច្ឆិកា (សរុបពីរជើង ៥-៣)
  • ខេត្តកំពង់ធំ ៥-០ ខេត្តពោធិ៍សាត់ ថ្ងៃ​ទី១០ ខែវិច្ឆិកា (សរុបពីរជើង ៦-១)
  • ខេត្តបន្ទាយមានជ័យ ៧-២ ខេត្តរតនគិរី ថ្ងៃ​ទី១០ ខែវិច្ឆិកា (សរុបពីរជើង ១០-៣)

វគ្គ​ពាក់​កណ្តាល​ផ្តាច់ព្រ័ត្រ

  • ខេត្តកំពង់ចាម vs ខេត្តកំពង់ចាម
  • ខេត្ត​បន្ទាយមានជ័យ vs ខេត្តត្បូងឃ្មុំ

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម