កីឡា

ជើងឯកស្វាយរៀងខាប់U18រកឃើញក្រុមឡើងវគ្គពាក់កណ្តាលផ្តាច់ព្រ័ត្រ

បានផុស

៨ ខែ មុន

នៅ

ថ្ងៃចន្ទ ១៣ វិច្ឆិកា ២០២៣

ដោយ

ការប្រកួតបាល់ទាត់ជើងឯកស្វាយរៀងខាប់អាយុក្រោម១៨ឆ្នាំ លើកទី១ រកឃើញក្រុម៤ឡើងវគ្គពាក់កណ្តាលផ្តាច់ព្រ័ត្រហើយ បន្ទាប់ពីចប់ការប្រកួតវគ្គ៨ក្រុមចុងក្រោយកាលពីថ្ងៃអាទិត្យ ទី១២ ខែវិច្ឆិកា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គ៨ក្រុមចុងក្រោយ ក្រុមយុវជនសាមគ្គីបានលត់ក្រុម Never Win ដោយមិនឲ្យតដៃរួចគឺ ៥-០។ ៥គ្រាប់របស់ក្រុមយុវជនសាមគ្គីរកបានដោយកីឡាករ៥រូបផ្សេងគ្នាគឺ ឆែម មុន្នី, ប្រាក់ ចន្ធា, លន់ ធារ៉ា និង ឌឿង គង់ភក្តី។

ចំណែក១គូទៀត ក្រុមសសយក ស្រុកកំពង់រោទិ៍ បានយកឈ្នះលើក្រុមយុវជនគគីសោម ដោយលទ្ធផល ២-០។ ២គ្រាប់របស់ក្រុមស្រុកកំពង់រោទិ៍រកបានដោយកីឡាករ ប្រាក់ សុវណ្ណមីណា និងកីឡាករ ជី សេងហៃ។

ឆ្លងកាត់ការប្រកួតវគ្គ៨ក្រុមចុងក្រោយបានបញ្ចប់ ក្រុមដែលបានឡើងទៅកាន់វគ្គពាក់កណ្តាលផ្តាច់ព្រ័ត្រគឺ៖

ក្រុមសសយក ស្រុកកំពង់រោទិ៍

ក្រុមសសយក ស្រុកស្វាយទាប

ក្រុមព្រះខ័នរាជស្វាយរៀង U18

ក្រុមយុវជនសាមគ្គី

ការប្រកួតពាក់កណ្តាលផ្តាច់ព្រ័ត្រនឹងធ្វើនៅកីឡដ្ឋានខេត្តស្វាយរៀងនាចុងសប្តាហ៍នេះគឺនៅថ្ងៃសៅរ៍មានការប្រកួត១គូ និងថ្ងៃអាទិត្យមានការប្រកួត១គូដើម្បីយកក្រុមឈ្នះឡើងទៅប្រកួតវគ្គផ្តាច់ព្រ័ត្រ៕