កីឡា

អ្នកគាំទ្រកំពង់ចាមគ្រោងលើកទ័ពមកគាំទ្រក្រុមខ្លួនដល់ភ្នំពេញល្ងាចនេះ

បានផុស

៣ years មុន

នៅ

ថ្ងៃសុក្រ ២៤ វិច្ឆិកា ២០២៣

ដោយ

នៅថ្ងៃទី២៤ ខែវិច្ឆិកា ឆ្នាំ២០២៣ វេលាម៉ោង៦:៣០នាទីយប់ ក្រុមខេត្តកំពង់ចាម ត្រូវជួបជាមួយក្រមខេត្តត្បូងឃ្មុំ នៅពុហកីឡដ្ឋានជាតិអូឡាំពិក វគ្គផ្ដាច់ព្រ័ត្រពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ ថ្នាក់ខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមខេត្តកំពង់ចាម ដែលដឹកនាំដោយលោក ងួន បូរី ពិតជាធ្វើបានល្អមែនទែន ដែលបានជួយក្រុមឡើងដល់វគ្គផ្ដាច់ព្រ័ត្រជាលើកដំបូងក្នុងពានរង្វាន់សម្តេចអគ្គមហាសេនាបតីតេជោថ្នាក់ខេត្ត។ រឿងដែលគួរឲ្យភ្ញាក់មួយទៀតនោះ ក្រុមខេត្តកំពង់ចាមបានយកឈ្នះក្រុមភ្នំពេញហ្គាឡាក់ស៊ីដែលជាម្ចាស់ជើងឯកឆ្នាំមុន ក្នុងវគ្គ៨ក្រុមចុងក្រោយ។ ជាពិសេសអ្នកគាំទ្រយ៉ាងច្រើនគ្រោងនឹងមកគាំទ្រលើកទឹកចិត្តក្រុមរបស់ខ្លួនដល់រាជធានីភ្នំពេញទៀតផង។

តាមការឲ្យដឹងពីគ្រូខេត្តកំពង់ចាម លោក ងួន បូរី ថា អ្នកគាំទ្រជាច្រើនបានតៀមរួចរាល់ហើយដើម្បីឡើងមកគាំទ្រក្រុមកំពង់ចាមដល់ភ្នំពេញ។ ជាពិសេសបងបងប្អូនសាច់ញាតិរបស់កីឡាករម្នាក់ៗនៅតាមភូមិនីមួយៗសុទ្ធតែបានត្រៀមខ្លួនទាំងរថយន្តតូចធំដើម្បីឡើងមករាជធានីភ្នំពេញ។

សម្រាប់ក្រុមខេត្តកំពង់ចាមទាំងកីឡាករ និងគ្រូបង្វឹក សុទ្ធតែបេ្ដជ្ញាខិតខំប្រឹងប្រែងដើម្បីបង្កើតកំណត់ត្រាថ្មីសម្រាប់ខេត្ត។ លោក លោក ងួន បូរី ក៏បានស្គាល់ច្បាស់ពីទម្រង់លេងរបស់ក្រុមខេត្តត្បួងឃ្មុំ ដោយសារក្រុមទាំង២ក៏ធ្លាប់ជួបគ្នាក្នុងវគ្គប្រកួតសំន្សពិន្ទុក្នុងពូល២លើក ដោយខេត្តកំពង់ចាមចាញ់ខេត្តត្បូងឃ្មុំទាំង២លើក៕