កីឡា

អបអរសាទរ! ភ្នំពេញក្រោនឈ្នះ Cebu ៤-០ បង្កើនក្តីសង្ឃឹមខ្ពស់ឡើងវគ្គបន្ត

បានផុស

៣ years មុន

នៅ

ថ្ងៃព្រហស្បតិ៍ ៣០ វិច្ឆិកា ២០២៣

ដោយ

ក្លិបបាល់ទាត់ភ្នំពេញក្រោនបានយកឈ្នះក្រុមហ្វីលីពីន Cebu FC ដោយលទ្ធផល ៤-០ វគ្គសន្សំពិន្ទុក្នុងពូល F ពានរង្វាន់ AFC Cup យប់ថ្ងៃព្រហស្បតិ៍ ទី៣០ ខែវិច្ឆិកា ឆ្នាំ២០២៣ នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាប់បាល់៤គ្រាប់របស់ម្ចាស់ផ្ទះភ្នំពេញក្រោនរកបានដោយខ្សែប្រយុទ្ធជប៉ុន Shimizu នៅនាទីទី១២ និងគ្រាប់ទី២រកបានដោយខ្សែបម្រើកណ្តាលជប៉ុន Yudai Ogawa តាមរយៈការស៊ុតហ្វ្រីឃីតយ៉ាងស្អាតនៅនាទីទី២៩ ហើយ២គ្រាប់ទៀតរកបានដោយខ្សែប្រយុទ្ធវ័យក្មេងទើបដូរចូល លឹម ពិសុទ្ធ នៅនាទីទី៦៧ និង៧៩។ ចំពោះក្រុមភ្ញៀវ Ceub ក៏មានឱកាសស៊ុតជាច្រើនលើកដែរ ប៉ុន្តែអ្នកចាំទី អ៊ុំ វិចិត្រ សង្គ្រោះបាល់បានយ៉ាងល្អ។

ពេលនេះ ភ្នំពេញក្រោន នៅតែឈរចំណាត់ថ្នាក់លេខ២ក្នុងពូល F មាន១២ពិន្ទុ ស្មើនឹងក្រុមលេខ១ក្នុងពូលរបស់អូស្ត្រាលី Macarthur FC។ ការទទួលបាន៣ពិន្ទុបន្ថែមទៀតនេះ ភ្នំពេញក្រោនកាន់តែមានភាគរយខ្ពស់ក្នុងការបង្កើតឱកាសឡើងទៅវគ្គបន្ត ខណៈកំពុងឈរចំណាត់ថ្នាក់លេខ១ក្នុងនាមជាក្រុមលេខ២ល្អបំផុត ដោយនាំមុខគូប្រជែងគឺក្រុមរបស់ម៉ាឡេស៊ី Terengganu ដែលមាន៩ពិន្ទុ ហើយក្រុមរបស់វៀតណាម Haiphong មាន៧ពិន្ទុអស់ឱកាសប្រជែងក្រុមលេខ២ល្អបំផុត។

ការប្រកួតបញ្ចប់វគ្គសន្សំពិន្ទុចុងក្រោយ ភ្នំពេញក្រោនត្រូវធ្វើដំណើរទៅទឹកដីរបស់មីយ៉ាន់ម៉ាដើម្បីតទល់ជាមួយក្រុម Shan United ហើយក្រុម Cebu FC ត្រូវទទួលក្រុមអូស្ត្រាលី Macarthur FC នៅថ្ងៃទី១៤ ខែធ្នូដូចគ្នា៕