កីឡា
អ្នកឧកញ៉ាម្នាក់ប្រកាសជូនមាសសុទ្ធ២គីឡូ បើក្រុមបាល់ទះកម្ពុជាឈ្នះមេដាយមាសស៊ីហ្គេម
អ្នកឧកញ៉ា លាង ម៉េង សេដ្ឋីស្រុកខ្មែរមួយរូបបានប្រកាសផ្តល់មាសសុទ្ធទម្ងន់២គីឡូក្រាម ប្រសិនបើក្រុមបាល់ទះជម្រើសជាតិកម្ពុជាទទួលបានមេដាយមាសពីព្រឹត្តិការណ៍កីឡាស៊ីហ្គេមនាពេលខាងមុខ។
![](https://www.kampucheathmey.com/wp-content/uploads/2023/12/Leng-Meng-1-1024x682.jpg)
ការប្រកាសរបស់អ្នកឧកញ៉ា លាង ម៉េង បានធ្វើឡើងនៅពេលចូលរួមប្រកួតបាល់ទាត់មិត្តភាពសប្បុរសធម៌រវាងក្រុមបាល់ទាត់សសយកខេត្តព្រៃវែងជាមួយក្រុមបាល់ទាត់ផ្ការីកគ្រប់រដូវដើម្បីអបអរសាទរខួបលើកទី៤៥ ថ្ងៃកំណើតរបស់សហភាពសហព័ន្ធយុវជនកម្ពុជា កាលពីថ្ងៃទី១ ខែធ្នូ ឆ្នាំ២០២៣ នៅកីឡដ្ឋានខេត្តព្រៃវែង។
![](https://www.kampucheathmey.com/wp-content/uploads/2023/12/KPT-Sports-Sea-Games-2023-24-1024x714.jpg)
អ្នកឧកញ៉ា លាង ម៉េង ដែលបានចូលរួមលេងបាល់ទាត់ក្នុងពេលនោះដែរមានប្រសាសន៍ថា ៖«ខ្ញុំពិតជាសប្បាយចិត្តមែនទែនឯកឧត្តមឧប (ឧបនាយករដ្ឋមន្ត្រី ស សុខា) ជាពិសេសឯកឧត្តម អាំង សិរីពិសិដ្ឋ អគ្គលេខាធិការបានអង្គុយគិតគូរជាមួយគ្នា ធ្វើយ៉ាងម៉េចរកវិធីឲ្យក្រុមបាល់ទះប្រកួតស៊ីហ្គេមទទួលបានមេដាយមាស។ ខ្ញុំចង់សុំឯកឧត្តមឧបទុកឲ្យហើយថា ប្រសិនបើប្រកួតស៊ីហ្គេម បានមេដាយមាស ខ្ញុំធ្វើមាស២គីឡូជូនតែម្តងឯកឧត្តមឧប។ សន្យាអត់? ធ្វើម៉េចឲ្យបានមេដាយមាស ពីព្រោះបានមេដាយមាសគឺមិនមែនដើម្បីតែសហព័ន្ធទេគឺផ្តល់កិត្តិយសដល់ប្រជាជន១៦លាននាក់»។
![](https://www.kampucheathmey.com/wp-content/uploads/2023/12/Leng-Meng-2-1024x682.jpg)
កាលពីចុងខែវិច្ឆិកាកន្លងទៅ អ្នកឧកញ៉ារូបនេះទើបតែបានផ្តល់ប្រាក់ឧបត្ថម្ភចំនួន៥០ម៉ឺនដុល្លារអាមេរិក ពោលគឺ១០ម៉ឺនដុល្លារអាមេរិកក្នុង១ឆ្នាំរយៈពេល៥ឆ្នាំដើម្បីអភិវឌ្ឍកីឡាបាល់ទះកម្ពុជាឆ្ពោះទៅរកការដណ្តើមមេដាយស៊ីហ្គេម និងការប្រកួតអន្តរជាតិនានា ជាពិសេសស៊ីហ្គេមបន្ទាប់នៅឆ្នាំ២០២៥ដែលប្រទេសថៃធ្វើម្ចាស់ផ្ទះ។
ក្រុមបាល់ទះជម្រើសជាតិកម្ពុជាបានបង្កើតកំណត់ត្រាប្រវត្តិសាស្ត្រជាលើកដំបូងក្នុងការឈ្នះមេដាយសំរិទ្ធកីឡាស៊ីហ្គេម ឆ្នាំ២០២១ នៅប្រទេសវៀតណាម និងបានបង្កើតកំណត់ត្រាមួយកម្រិតទៀតគឺឈ្នះមេដាយប្រាក់កីឡាស៊ីហ្គេម ឆ្នាំ២០២៣ ដែលកម្ពុជាធ្វើម្ចាស់ផ្ទះ។
![](https://www.kampucheathmey.com/wp-content/uploads/2023/12/Leng-Meng-3-1024x682.jpg)
កាលពីខែវិច្ឆិកា សហព័ន្ធកីឡាបាល់ទះកម្ពុជាទើបតែបានរៀបចំព្រឹត្តិការណ៍ពានរង្វាន់សម្តេចក្រឡាហោម ស ខេង ឆ្នាំ២០២៣ ហើយតាមការគ្រោងទុកនឹងរៀបចំការប្រកួតលីគបាល់ទះកំពូលកម្ពុជាហៅថា «តេជោលីគ»ជាលើកដំបូងនាពេលដ៏ខ្លីខាងមុខ៕
![](https://www.kampucheathmey.com/wp-content/uploads/2023/12/Leng-Meng-4-1024x576.jpg)
អត្ថបទ៖ វីរបុត្រ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
សេដ្ឋកិច្ច២ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត