កីឡា

ក្រុមបាល់ទាត់វ័យចាស់ ស្នងការនគរបាលខេត្តកណ្តាល ឈ្នះពានរង្វាន់បាល់ទាត់ឆ្នាំ២០២១

បានផុស

៣ years មុន

នៅ

ថ្ងៃពុធ ១០ កុម្ភៈ ២០២១

ដោយ

កីឡាករ មីន សាគីរីន ពាក់លេខ៣ ជួយឲ្យក្រុមបាល់ទាត់វ័យចាស់ ស្នងការនគរបាលខេត្តកណ្តាល គ្រងតំណែងជើងឯកនៃព្រឹត្តិការណ៍ការប្រកួតកីឡាបាល់ទាត់វ័យចាស់ និងយុវជនអាយុក្រោម១៨ឆ្នាំ ខេត្តកណ្តាលប្រចាំឆ្នាំ២០២១ បន្ទាប់ពីយកឈ្នះលើក្រុមបាល់ទាត់វ័យចាស់តាខ្មៅ ដោយទាត់បាល់ប៉េណាល់ទី ៣ ទល់ ១ នៅទីលានបាល់ទាត់ស្រុកកោះធំ កាលពីល្ងាចថ្ងៃទី៩ ខែកុម្ភៈ ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រីឯក្រុមបាល់ទាត់វ័យចាស់រីករាយ ដណ្តើមបានចំណាត់ថ្នាក់លេខ៣ ក្រោយយកឈ្នះលើក្រុមបាល់ទាត់វ័យចាស់មន្ទីរអប់រំកាយ និងកីឡាខេត្តកណ្តាល ក្នុងលទ្ធផលបច្ចេកទេស ៣ទល់០ ។

ចំណែកព្រឹត្តិការណ៍ការប្រកួតកីឡាបាល់ទាត់យុវជនអាយុក្រោម១៨ឆ្នាំ ខេត្តកណ្តាល ប្រចាំឆ្នាំ២០២១វិញ លទ្ធផលបានរកឃើញក្រុមទទួលបានចំណាត់ថ្នាក់លេខ៣ហើយ គឺក្រុមបាល់ទាត់យុវជនចចកកំណាចKFG ក្រោយយកឈ្នះលើក្រុមបាល់ទាត់យុវជនស្ម័គ្រចិត្ត ក្នុងលទ្ធផលបច្ចេកទេស ៣ ទល់ ០។ ប៉ុន្តែសម្រាប់លទ្ធផលជើងឯកនិងជើងឯករង នៃព្រឹត្តិការណ៍ការប្រកួតកីឡាបាល់ទាត់យុវជនអាយុក្រោម១៨ឆ្នាំខេត្តកណ្តាលប្រចាំឆ្នាំ២០២១ នឹងបន្តរកឃើញនៅល្ងាចថ្ងៃទី ១០ខែកុម្ភៈនេះ ដែលជាការប្រកួតផ្តាច់ព្រ័ត្រ រវាងក្រុមបាល់ទាត់យុវជនសាលាតម្រងទិសបាល់ទាត់ខេត្ត ប៉ះជាមួយ ក្រុមបាល់ទាត់យុវជនប៊ុន រ៉ានី ព្រែកតាដួង។

ព្រឹត្តិការណ៍ការប្រកួតកីឡាបាល់ទាត់វ័យចាស់ និងយុវជនអាយុក្រោម១៨ឆ្នាំខេត្តកណ្តាលប្រចាំឆ្នាំ២០២១ រយៈពេល៦ថ្ងៃចាប់ពីថ្ងៃទី៥ ខែកុម្ភៈដល់ថ្ងៃទី១០ ខែកុម្ភៈ ឆ្នាំ ២០២១ នាទីលានបាល់ទាត់ស្រុកកោះធំ និង នៅមន្ទីរអប់រំកាយនិងកីឡាខេត្តកណ្តាល ដែលទាំងពីរព្រឹត្តិការណ៍នេះ មាន១៣ក្រុមចូលរួមប្រកួត៕

អត្ថបទ៖ វិសិទ្ធ

សូមចុចអាន៖ ការប្រកួតហែលទឹកពានរង្វាន់ព្រឹទ្ធាចារ្យ ហែម ថុន លើកទី៤ នឹងចាប់ផ្ដើមនៅថ្ងៃទី១៩កុម្ភៈ