កីឡា

អបអរសាទរ! ភ្នំពេញក្រោន បានបង្កើតប្រវត្តិសាស្ត្រឡើងវគ្គបន្តពាន AFC Cup

បានផុស

២ years មុន

នៅ

ថ្ងៃព្រហស្បតិ៍ ១៤ ធ្នូ ២០២៣

ដោយ

ក្រុមបាល់ទាត់ភ្នំពេញក្រោនបានក្លាយជាក្លិបបាល់ទាត់កម្ពុជាដំបូងគេបង្អស់ដែលបានឆ្លងផុតវគ្គសន្សំពិន្ទុក្នុងពូល និងបានឡើងទៅកាន់វគ្គពាក់កណ្តាលផ្តាច់ព្រ័ត្រប្រចាំតំបន់អាស៊ីអាគ្នេយ៍ក្នុងពានរង្វាន់ AFC Cup ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គសន្សំពិន្ទុក្នុងពូល F ចុងក្រោយ ភ្នំពេញក្រោនបានចាញ់ម្ចាស់ផ្ទះមីយ៉ាន់ម៉ា Shan United ដោយលទ្ធផល ២-១ ដើម្បីរកបាន១២ពិន្ទុ នៅតែបន្តចំណាត់ថ្នាក់លេខ២ ខណៈក្រុមអូស្ត្រាលី Macarthur FC ឈរលេខ១ មាន១៥ពិន្ទុ។ ដូច្នេះក្រុមរបស់អូស្ត្រាលី Marcarthur FC បានឡើងទៅកាន់វគ្គបន្តក្នុងនាមជាក្រុមលេខ១ក្នុងពូល F ខណៈក្រុមភ្នំពេញក្រោនបានឡើងទៅកាន់វគ្គបន្តក្នុងនាមជាក្រុមចំណាត់ថ្នាក់លេខ២ល្អបំផុត។

ឆ្លងកាត់៦ប្រកួតវគ្គសន្សំពិន្ទុក្នុងពូល ភ្នំពេញក្រោន បានឈ្នះ៤ប្រកួត និងចាញ់២ប្រកួត ប៉ុន្តែបូកទាំង២ប្រកួតនៅវគ្គជម្រុះ ក្លិបតំណាងកម្ពុជាបានឈ្នះ៦ប្រកួតក្នុងពានរង្វាន់ AFC Cup ឆ្នាំ២០២៣។

នៅក្នុងប្រវត្តិសាស្ត្រ ក្លិបបាល់ទាត់កម្ពុជាមិនធ្លាប់បានឆ្លងផុតវគ្គសន្សំពិន្ទុក្នុងពូលនៃពានរង្វាន់ AFC Cup ឡើយ គឺមានតែភ្នំពេញក្រោនដែលបានក្លាយជាក្រុមកម្ពុជាដំបូងគេបានឡើងទៅកាន់វគ្គបន្ត។

ក្រុម៤ដែលបានឡើងទៅកាន់វគ្គពាក់កណ្តាលផ្តាច់ព្រ័ត្រប្រចាំតំបន់អាស៊ានមាន Central Coast Mariners (អូស្ត្រាលី) លេខ១ពូល G ក្រុម Sabah (ម៉ាឡេស៊ី) លេខ១ពូល H ក្រុម Macarthur FC លេខ១ពូល F និងក្រុម ភ្នំពេញក្រោន បានឡើងទៅក្នុងនាមជាក្រុមលេខ២ល្អបំផុតក្នុងពូល៕

អត្ថបទ៖ វីរបុត្រ