កីឡា

Alaba អាចអវត្តមានពេញមួយរដូវកាលនិងបន្ដដល់ Euro 2024

បានផុស

៣ years មុន

នៅ

ថ្ងៃអង្គារ ១៩ ធ្នូ ២០២៣

ដោយ

ខ្សែការពារ David Alaba របស់ក្លិប Real Madrid អាចនឹងខកខានបង្ហាញខ្លួននៅលើទីលានរហូតដល់ចប់រដូវកាល ២០២៣-២៤ និងព្រឹត្តិការណ៍ជើងឯកអឺរ៉ុប (Euro) ឆ្នាំ២០២៤ ថែមទៀត បន្ទាប់ពីបានរបួសដាច់សរសៃជង្គង់ខាងឆ្វេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ David Alaba វ័យ៣១ឆ្នាំ បានរងរបួសពេល Real Madrid បានយកឈ្នះ Villarreal ដោយលទ្ធផល៤-១ កាលពីថ្ងៃអាទិត្យ។ កីឡាករត្រូវបានប្តូរចេញនៅនាទី៣៥ ហើយក្រុមគ្រូពេទ្យជួយសម្រួលឲ្យដើរចេញពីទីលាន។ សេចក្តីថ្លែងការណ៍របស់ Real Madrid ថា ៖«បន្ទាប់ពីការធ្វើតេស្តរួច Alaba បានរបួសដាច់សរសៃពួរជង្គង់ដែលត្រូវវះកាត់ប៉ុន្មានថ្ងៃខាងមុខ»។

កីឡាករអន្តរជាតិអូទ្រីស Alaba ត្រូវបានគេរំពឹងថា អាចនឹងអវត្តមានប្រហែល៨ខែ ដែលធ្វើឲ្យការបង្ហាញខ្លួននៅជើងឯក Euro 2024 មិនមានច្រើន ខណៈសល់ពេល៧ខែទៀតប៉ុណ្ណោះ។ ក្លិបនឹងសម្លឹងរកខ្សែការពារថ្មីដើម្បីជំនួសនៅពេលទីផ្សារដោះដូរបើកនាខែមករា។

អ្នកចាត់ការ Real Madrid លោក Carlo Ancelotti បាននិយាយថា ៖«របាយការណ៍វេជ្ជសាស្ត្របង្ហាញថា វាជារបួសដាច់សរសៃពួរ (ACL)។ យើងសោកស្តាយខ្លាំងណាស់។ ខ្ញុំមិនធ្លាប់ជួបបញ្ហាកីឡាកររបួសដាច់សរសៃ ACL ៣នាក់ក្នុងពេល៤ខែបែបនេះទេ។ វាជារឿងមិនគួរឱ្យជឿសោះ។ ខ្ញុំគ្មានជម្រើសទេ តែសូមឲ្យក្រុមទាំងអស់បន្តធ្វើអ្វីតាមលទ្ធភាព។ បច្ចុប្បន្នយើងធ្វើបានល្អលើសពីអ្វីដែលអ្នករាល់គ្នាគិតទៅទៀត»។