ការប្រកួតពាន​សម្តេចតេជោថ្នាក់ជាតិមាន៤គូចាប់ផ្តើមថ្ងៃនេះ

ការប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣-២០២៤ ថ្នាក់ជាតិ​ វគ្គ១៦ក្រុម​​ជើងទី១ ថ្ងៃ​ទី១០ ខែ​មករា​នេះ មាន​ការ​ប្រកួត​៤​គូនៅ​៤​ទី​លាន​ផ្សេង​គ្នា​ផ្សាយ​ផ្ទាល់​តាម BTV Cambodia។

ម៉ោង ៣ៈ៣០នាទី មាន៣គូ
-ខេត្តត្បូងឃ្មុំ vs ភ្នំពេញក្រោន នៅទីលាន វិទ្យាល័យ ប៊ុនរ៉ានី ហ៊៊ុនសែន មេមត់
-ខេត្តកំពង់ចាម vs វិសាខា នៅទីលាន វិទ្យាល័យព្រះសីហនុ
-អង្គរសុីធី អេហ្វសុី vs អាយអេសអាយ ដង្កោនសែនជ័យ នៅកីឡដ្ឋានហនុមាន
ម៉ោង ៦ល្ងាច មាន១គូ
-ព្រះខ័នរាជស្វាយរៀង vs ខេត្តបន្ទាយមានជ័យ នៅកីឡដ្ឋានខេត្តស្វាយរៀង

ចំពោះក្រុមខេត្តទាំង៣ ដែលបានឈានដល់វគ្គ​ថ្នាក់​ជាតិ​នេះ​សុទ្ធ​តែ​ធ្វើបានល្អការពីប្រកួតថ្នាក់ខេត្ត។ ក្រុមខេត្តកំពង់ចាម ជាម្ចាស់ជើងឯក​ពាន​សម្តេច​តេជោ​ថ្នាក់ខេត្ត ខណៈ​ក្រុម​ខេត្តត្បូងឃ្មុំ ជាជើងឯករង ហើយ​ក្រុមខេត្តបន្ទាយមានជ័យជាក្រុមលេខ៣​បានទម្លាក់ក្រុមខេត្តកំពង់ធំក្នុងវគ្គជម្រុះ​ថ្នាក់​ជាតិ។

សម្រាប់ការប្រកួតពានរង្វាន់សម្តេចតេជោ​ថ្នាក់ជាតិឆ្នាំនេះ​អនុញ្ញាតឲ្យក្រុមនីមួយៗដាក់កីឡាករបរទេសចូលលេងបាន៕

អត្ថបទ៖ ផា រតនា