កីឡា

ជើងឯកស្វាយរៀងខាប់លើកទី៦រកឃើញ១៣ក្រុមឡើងវគ្គ១៦ក្រុមចុងក្រោយ

បានផុស

២ years មុន

នៅ

ថ្ងៃចន្ទ ១១ មីនា ២០២៤

ដោយ

ការប្រកួតបាល់ទាត់ជើងឯកស្វាយរៀងខាប់ រដូវកាលទី៦ ឆ្នាំ២០២៣-២៤ រកឃើញក្រុម១៣ហើយដែលបានកក់កៅអីវគ្គ១៦ក្រុមចុងក្រោយ បន្ទាប់ពីការប្រកួតសប្តាហ៍ទី១១បានបញ្ចប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតសប្តាហ៍ទី១១នេះខុសប្លែកពីសប្តាហ៍មុនៗដោយមានការប្រកួតដល់ទៅ៩គូគឺថ្ងៃសុក្រ សៅរ៍ និងអាទិត្យ ខណៈសប្តាហ៍មុនៗមានតែ៦គូប៉ុណ្ណោះដែលប្រកួតតែថ្ងៃសៅរ៍ និងអាទិត្យ។

ថ្ងៃសុក្រ ទី៨ ខែមីនា វេលាម៉ោង៨ព្រឹក នៅពូល “ឆ” ក្រុមនគរបាលច្រកទ្វារព្រំដែនបាវិត បានលត់ ក្រុមសសយក ស្រុករំដួល ដោយលទ្ធផល ៧-៣ ដើម្បីទទួលបាន៣ពិន្ទុបន្ថែម។ នៅពូលជាមួយគ្នានេះ វេលាម៉ោង១:៣០នាទីរសៀល ក្រុមយុវជនជីភូ បានត្រឹមចែកគ្នា១ពិន្ទុម្នាក់ជាមួយក្រុមបក្សីស្វាយរៀង បន្ទាប់ពីស្មើគ្នា ១-១។ ចំណែកការប្រកួតនៅពូល “ជ” នៅវេលាម៉ោង៣:៣០នាទីរសៀល ក្រុមរមាសក្រហម រកបាន៣ពិន្ទុពេញ បន្ទាប់ពីឈ្នះក្រុមស៊ាំម៉ូរ៉ៃភូមិតាកឹង ១-៣។

ការប្រកួតនៅថ្ងៃសៅរ៍ទី៩ ខែមីនា ពូល “ជ” វេលាម៉ោង៨ព្រឹកក្រុមយុវជនព្រះខ័នរាជស្វាយរៀងបំបាក់ក្រុមសសយក ស្រុកកំពង់រោទិ៍ មិនឲ្យតដៃរួច ក្នុងលទ្ធផល ០-៧។ នៅពូល “ក” វេលាម៉ោង១:៣០នាទីរសៀល សសយកក្រុងបាវិត លត់ក្រុម SPIDERS FT យ៉ាងចាស់ដៃក្នុងលទ្ធផល ១៤-២ ហើយនៅពូលជាមួយគ្នានេះ វេលាម៉ោង៣:៣០នាទី រសៀល ក្រុមភូមិយើង អេហ្វស៊ីបានបរាជ័យក្រោមថ្វីជើងក្រុម WE ARE CHONG PREK ដោយលទ្ធផល ១-៥។

និយាយពីលទ្ធផលនៅថ្ងៃអាទិត្យ ទី១១ ខែមីនា ពូល “ខ” វេលាម៉ោង៨ព្រឹក ក្រុមពពែត អេហ្វស៊ី យកបាន៣ពិន្ទុពីក្រុមយុវជនច្រកលាវតាមរយៈជ័យជម្នះ ២-១។ នៅពូលជាមួយគ្នានេះ វេលាម៉ោង១:៣០នាទីរសៀល ក្រុមយុវជនឃុំសម្បត្តិមានជ័យ បានចាញ់ UNITED SEZ ដោយលទ្ធផល ១-៣។ គូចុងក្រោយវេលាម៉ោង៣:៣០នាទីរសៀល សម្រាប់ពូល “គ” ក្រុមសៀងហៃរីហ្សតរកបាន៣ពិន្ទុពីក្រុមភូមិហ៊ីងតាមរយៈជ័យជម្នះ ២-៤។

ជើងឯកស្វាយរៀងខាប់រដូវកាលទី៦នេះមាន៨ពូល ដោយលេខ១ និងលេខ២នៃពូលនីមួយៗឡើងទៅកាន់វគ្គ១៦ក្រុមចុងក្រោយ បន្ទាប់ពីចប់វគ្គសន្សំពិន្ទុក្នុងពូល។ រហូតដល់ពេលនេះ ពូល ក ខ គ ច និង ជ រកឃើញក្រុមលេខ១ និងលេខ២ឡើងវគ្គ១៦ក្រុមចុងក្រោយហើយ ខណៈពូល ឃ ង និង ជ រកឃើញ១ក្រុមដូចគ្នា។

ក្រុមដែលបានឡើងទៅកាន់វគ្គ១៦ក្រុមចុងក្រោយមាន