កីឡា

AFF ប្រកាសប្តូរឈ្មោះជើងឯកក្លិបអាស៊ានជា Shopee Cup

បានផុស

៤ ខែ មុន

នៅ

ថ្ងៃព្រហស្បតិ៍ ៤ មេសា ២០២៤

ដោយ

នៅថ្ងៃទី៤ ខែមេសា ឆ្នាំ២០២៤ សហព័ន្ធកីឡាបាល់ទាត់អាស៊ីអាគ្នេយ៍ (AFF) បានប្រកាសជាផ្លូវការពីការប្តូរឈ្មោះជើងឯកក្លិបអាស៊ានទៅជាជើងឯក (Asean Club Championship) ជា Shopee Cup ចាប់ពីរដូវកាលឆ្នាំ២០២៤-២៥។ នេះបើតាមលោក ខៀវ សាម៉េត ប្រធាន AFF បានប្រកាសក្នុងសន្និសីទនៅប្រទេសសិង្ហបុរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពានរង្វាន់ ASEAN Club Championship ដែលចូលរួមប្រកួតដោយក្លិបកំពូលនៅក្នុងតំបន់អាស៊ានត្រូវបានបង្កើតឡើងជាផ្លូវការតាំងពីឆ្នាំ២០០៣ ដែលមានរយៈពេល២១ឆ្នាំមកហើយ ប៉ុន្តែបានរៀបចំការប្រកួតតែពីរដងប៉ុណ្ណោះគឺឆ្នាំ២០០៣ និង២០០៥។

បន្ទាប់មក ព្រឹត្តិការណ៍ត្រូវបានផ្អាកដំណើរការដោយសារខ្វះម្ចាស់ឧបត្ថម្ភកម្មវិធី។ នៅឆ្នាំ២០២០ ជើងឯកនេះគ្រោងនឹងដំណើរការប្រកួតវិញ ប៉ុន្តែដោយសារវិបត្តិកូវីដ-១៩ ក៏ត្រូវបានលុបចោលវិញ។

កម្ពុជាធ្លាប់មានក្លិប២ចូលរួមប្រកួតគឺ Samart United (បច្ចុប្បន្ន ភ្នំពេញក្រោន) បានចូលរួមនៅឆ្នាំ២០០៣ ដោយលេងបានតែ១ប្រកួតប៉ុណ្ណោះ ក៏ចាញ់ក្រុមឥណ្ឌូណេស៊ី Petrokimia ០-២ ប៉ុន្តែបានឡើងវគ្គ៨ក្រុមចុងក្រោយដោយសារនៅពូលមានតែ២ក្រុម ខណៈ២ពូលផ្សេងទៀតមាន៣ក្រុមដូចគ្នា។ នៅវគ្គ៨ក្រុមចុងក្រោយ Samart United បានចាញ់ក្រុមម៉ាឡេស៊ី Perak ២-០។

នៅឆ្នាំ២០០៥ ណាហ្គាខបបានចូលរួមប្រកួត ដោយចាញ់ទាំង៣ប្រកួតនៅវគ្គសន្សំពិន្ទុក្នុងពូលគឺចាញ់ក្រុមទីម័រខាងកើត FC Zebra ៣-០, ចាញ់ក្រុមវៀតណាម Hoang Anh Gia Lai ១-៥ និងចាញ់ម៉ាឡេស៊ី Pahang ០-៣។

ព្រឹត្តិការណ៍លើកទី៣ នឹងចាប់ផ្តើមពីថ្ងៃទី១៧ ខែកក្កដា ឆ្នាំ២០២៣ រហូតដល់ថ្ងៃ២១ ខែឧសភា ឆ្នាំ២០២៥ ដែលមានក្រុមជើងឯកលីគ១០ឡើងទៅកាន់វគ្គចែកពូលដោយស្វ័យប្រវត្តិ និងមាន៤ក្រុមផ្សេងទៀតត្រូវប្រកួតជម្រុះដើម្បីដណ្តើមកៅអី២៕