Connect with us

កីឡា

កីឡាករប្រណាំងរថយន្តកម្ពុជា២រូបឈ្នះជើង​ឯកនៅថៃ កើតចេញពីកម្លាំងសាមគ្គី

បានផុស

នៅ

កីឡាករប្រណាំង​រថយន្ត​កម្ពុជា​២​រូប​គឺ​ វង្ស គឹមហួត និង ហេង បញ្ញា ​បាន​ឈ្នះពានរង្វាន់​ក្នុង​​ព្រឹត្តិការណ៍​ប្រណាំងរថយន្ត Off-Road នៅខេត្តត្រាត ប្រទេសថៃ ​ដែល​មាន​រថយន្ត​ខ្លាំង​សរុប​២៨​គ្រឿង​ចូល​រួម​បាន​បញ្ចប់​ទៅ​កាល​ពី​ថ្ងៃ​ទី​៣ ខែ​មិថុនា ឆ្នាំ​២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយ​ទទួល​បាន​ជោគជ័យ កីឡាករ វង្ស គឹមហួត ​បាន​លើក​ឡើង​ថា ជ័យជម្នះ​នេះ​​គឺ​កើត​ចេញ​ពី​កម្លាំង​សាមគ្គី​គ្នា​​រវាង​​ក្រុមការងារបច្ចេកទេស និង​ថ្នាក់​ដឹក​នាំ​ដែល​មាន​​លោក ឈិន ឈុំសីហា ប្រធានក្រុមជា​អ្នក​ដឹក​នាំ។ ជា​ពិសេសការគាំទ្រលើកទឹកចិត្តផ្ទាល់ពី​លោក​ ទៀ ស្យាម លោក​ ទៀ សុខា និងក្រុម​គ្រួសាររថយន្ត Off-Road រួមទាំង Top 1 ដែលជាដៃគូសហការឧបត្ថម្ភ និងក្រុមហ៊ុនផ្សេងៗទើបធ្វើ​ឲ្យ​ទទួលបានលទ្ធផលល្អបែបនេះ។

អ្នកបើកបរពោរពេញដោយបទពិសោធ​រូបនេះ​បន្ត​ថា ការប្រណាំងនេះ​មាន​បញ្ហា​ប្រឈម​ខ្លាំង ជា​ពិសេស​អាកាស​ធាតុ​ដោយ​មាន​ភ្លៀង​យ៉ាង​ខ្លាំង​ ស្ថានភាព​ផ្លូវ​លេច​ទឹក ភក់ជ្រៅ ដី​ល្បាប់ និង​គ្រលុក​ជ្រៅ​ៗ​ដែល​បាន​ធ្វើ​ឲ្យ​កីឡាករ​​មួយ​ចំនួន​​បោះ​បង់​ចោល​ការ​ប្រកួត។ ដោយ​មើល​ឃើញ​ពី​ស្ថានភាព​ផ្លូវ និង​អាកាស​ធាតុ​កាន់​តែ​អាក្រក់ គណៈកម្មការ​រៀបចំ​ការ​ប្រកួត​បាន​សម្រេច​កាត់​ចោល​ពីរ​ដំណាក់​កាល​ និង​ប្រណាំង​​តែ​៦​ដំណាក់​កាល​សប៉ុណ្ណោះ ហើយ​ការ​ប្រកួត​បាន​អូសបន្លាយ​ពេល​វេលា​រហូត​ដល់​ម៉ោង​១​រំលងអាធ្រាត។ ពិធី​ចែក​ពាន​រង្វាន់​រៀបចំ​ទាំង​យប់​ជ្រៅ​គឺ​វេលា​ម៉ោង​២​អាធ្រាត​ទើប​ចប់។

កីឡាករ វង្ស គឹមហួត សង្កត់ធ្ងន់ថា ៖«ជោគជ័យនេះ ជាកត្តាមួយដ៏ល្អសម្រាប់ជម្រុញសមត្ថភាពក្រុមការងារទាំងអស់​ឲ្យ​កាន់តែស្ទាត់ជំនាញ ពង្រឹង​ចំណុច​ខ្វះខាត។ ជាពិសេសក៏ជាឱកាសាកល្បងរថយន្តប្រណាំង​ឲ្យ​​កាន់​តែ​ល្អ​ប្រសើរ​ និងរួចរាល់ត្រៀមការ​ប្រកួត​លើកក្រោយទៀត ដូចជា ការប្រណាំងនៅខេត្តកាន់ឆាណាក់បូរី និងខេត្តត្រាងផងដែរ។ ជ័យជម្នះ​របស់​យើង​នេះ​ទទួល​បាន​ការសាទរ​ពី​កីឡាករ​ថៃ»។

សូមបញ្ជាក់ថា ព្រឹត្តិការណ៍ប្រណាំងរថយន្ត Off-Road នៅខេត្តត្រាត ប្រទេសថៃ មានរថយន្តសរុបចំនួន៨២គ្រឿង សម្រាប់ Class កម្ពុជាចូលរួម មានរថយន្ត២៨គ្រឿងសុទ្ធ​ជាជើងខ្លាំង។ កម្ពុជាបានបញ្ជូនរថយន្តសរុប៨គ្រឿង រថយន្តប្រណាំង២គ្រឿង និងរថយន្តក្រុមការងារ៦គ្រឿង ដឹកនាំដោយលោក ឈិន ឈុំសីហា។ ជាលទ្ធផលរថយន្តប្រណាំង VKH Team មានកីឡាករ វង្ស គឹមហួត និងហេង បញ្ញា ទទួលបានចំណាត់ថ្នាក់លេខ១ រីឯកីឡាករ ព្រំ រស្មី និង លាភ ហេង មិនទទួលបានចំណាត់ថ្នាក់ទេដោយសារបញ្ហាគ្រឿងម៉ាស៊ីន៕

អត្ថបទ៖ វីរបុត្រ
រូបភាព៖ សហព័ន្ធយានយន្តកម្ពុជា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៦ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១០ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៨ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១២ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម