កីឡា

ថៃបញ្ជូនអត្តពលិក១៩នាក់ប្រកួតឃីកបុកស៊ីងអាស៊ី ខណៈកម្ពុជាមានច្រើនជាងគេ

បានផុស

២ years មុន

នៅ

ថ្ងៃអង្គារ ៨ តុលា ២០២៤

ដោយ

យោងតាមទិន្នន័យរបស់សហព័ន្ធកីឡាឃីកបុកស៊ីងអាស៊ីបានបង្ហាញពីប្រទេសចំនួន២៣បានចុះឈ្មោះចូលរួមប្រកួតជ្រើសរើសជើងឯកប្រចាំឆ្នាំ២០២៤ ដែលប្រទេសកម្ពុជាធ្វើជាម្ចាស់ផ្ទចាប់ពីថ្ងៃទី៨ ដល់ទី១៣ ខែតុលា នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមប្រទេសទាំង២៣មានតែម្ចាស់ផ្ទះកម្ពុជាបានចុះឈ្មោះកីឡាករ កីឡាការិនីច្រើនជាងគេរហូតដល់៦១នាក់។ បន្ទាប់មក អ៉ីរ៉ាក់ មាន៤៨នាក់ ឥណ្ឌាមាន៤៥នាក់ កាហ្សាស្ថានមាន៤១នាក់ និងអ៉ីរ៉ង់មាន២៧នាក់។

ថៃចុះឈ្មោះកីឡាករ កីឡាការិនី១៩នាក់ ឥណ្ឌូណេស៊ី២០នាក់ វៀតណាម៣៣នាក់ ហ្វីលីពីន២៧នាក់ និងម៉ាឡេស៊ី១នាក់ ប៉ុន្តែមិនមានវត្តមានឡាវ សិង្ហបុរី មីយ៉ាន់ម៉ា ទីម័រខាងកើត និងព្រុយណេឡើយ។

អ្វីដែលគួរឲ្យចាប់អារម្មណ៍នោះ ជប៉ុន ដែលសំបូរកីឡាករ កីឡាការិនីផ្នែកឃីកបុកស៊ីងមិនបានចុះឈ្មោះចូលរួមប្រកួតឡើយ។

ខាងក្រោមជាបញ្ជីឈ្មោះអត្តពលិកទាំង២៣ប្រទេស

កម្ពុជា មានអត្តពលិក៦១នាក់
បារ៉ែន មានអត្តពលិក២នាក់
ឆាយនីស តៃប៊ិ មានអត្តពលិក១០នាក់
ហុងកុង មានអត្តពលិក៩នាក់
ឥណ្ឌា មានអត្តពលិក៤៥នាក់
ឥណ្ឌូណេស៊ី មានអត្តពលិក២០នាក់
អ៉ីរ៉ាក់ មានអត្តពលិក៤៨នាក់
អ៉ីរ៉ង់ មានអត្តពលិក២៧នាក់
ហ្សកដានី មានអត្តពលិក៩នាក់
កាហ្សាស្ថាន មានអត្តពលិក៤១នាក់
គុយវែត មានអត្តពលិក១២នាក់
គីជីស្ថាន មានអត្តពលិក៣នាក់
ម៉ាឡេស៊ី មានអត្តពលិក១នាក់
បាគីស្ថាន មានអត្តពលិក៦នាក់
ចិន មានអត្តពលិក១២នាក់
ហ្វីលីពីន មានអត្តពលិក២៧នាក់
កូរ៉េខាងត្បូង មានអត្តពលិក៤នាក់
អារ៉ាប៊ីសាអ៊ូឌីត មានអត្តពលិក៧នាក់
ស៊ីរី មានអត្តពលិក៥នាក់
ថៃ មានអត្តពលិក១៩នាក់
អារ៉ាប់រួម អត្តពលិក៦នាក់
អ៊ូបេគីស្ថាន មានអត្តពលិក២៥នាក់
វៀតណាម មានអត្តពលិក៣៣នាក់

ព្រឹត្តិការណ៍ប្រកួតកីឡាឃីកបុកស៊ីងជើងឯកអាស៊ី ឆ្នាំ២០២៤ មានប្រភេទលើសង្វៀន (Ring Styles)គឺ Full Contact, Low Kick និង K1-Styles ខណៈសង្វៀនលើកក្តារ (Tatami Stayles) មាន Points Fighting, Light Contact, Kick Light និងប្រភេទសម្តែង Musical Forms។ សរុបទាំងអស់មាន១១០វិញ្ញាសា (១១០មេដាយមាស ១១០មេដាយប្រាក់ និង២២០មេដាយសំរិទ្ធ)៕

អត្ថបទ៖ វីរបុត្រ

Related Topics:កីឡាប្រដាល់ឃីកបុកស៊ីង