កីឡា
កម្ពុជាឈ្នះមេដាយមាស៩ ប្រាក់៤ សំរិទ្ធ២៨ពីការប្រកួតឃីកបុកស៊ីងអាស៊ី២០២៤
ព្រឹត្តិការណ៍ប្រកួតកីឡាឃីកបុកស៊ីង ជ្រើសរើសជើងឯកអាស៊ី ឆ្នាំ២០២៤ ដែលកម្ពុជាធ្វើជាម្ចាស់ផ្ទះបានបញ្ចប់ហើយ បន្ទាប់ពីដំណើរការប្រកួតអស់រយៈពេល៦ថ្ងៃពីថ្ងៃទី៨ ដល់ទី១៣ ខែតុលា ឆ្នាំ២០២៤។
ក្នុងនាមជាម្ចាស់ផ្ទះ កម្ពុជាទទួលបានមេដាយសរុប៤១គ្រឿង គឺមាស៩ ប្រាក់៤ និងសំរិទ្ធ២៨។ ការប្រកួតទទួលបានមេដាយច្រើននេះក៏អាស្រ័យលើកម្ពុជាបានចុះឈ្មោះចូលរួមប្រកួតច្រើននាក់ដែរគឺ៦១នាក់ ប៉ុន្តែក៏មានកីឡាករ៤នាក់បានបោះបង់ចោលការប្រកួតដូចជា បឺត សង្ឃឹម, ឈឿង ល្វៃ, រិន ដេវីត និង Thiago។
អ្វីដែលគួរឲ្យកត់សំគាល់ កម្ពុជាបានចុះឈ្មោះកីឡាការិនីតិចជាងបុរស ប៉ុន្តែទទួលបានសមិទ្ធផលច្រើន។ កីឡាការិនីកម្ពុជាប្រកួតវគ្គផ្តាច់ព្រ័ត្រ៥នាក់គឺទទួលបានមេដាយមាស៤ និងប្រាក់១។
ដៃគូប្រកួតសម្រាប់ជ័យលាភីមេដាយមាស
កីឡាការិនី ឆា ចាន់ដេង បានក្លាយជាម្ចាស់មេដាយមាស បន្ទាប់ពីយកឈ្នះដោយពិន្ទុដាច់លើ កីឡាការិនីឥណ្ឌា Khati Solomi ក្នុងវគ្គផ្តាច់ព្រ័ត្រ វិញ្ញាសា K1 -៤៨គីឡូក្រាម ក្នុងព្រឹត្តិការណ៍ប្រកួតកីឡាឃីកបុកស៊ីង ជើងឯកអាស៊ី ឆ្នាំ២០២៤។
កីឡាការិនី ទូច ចាន់វត្តី បានដណ្តើមមេដាយមាស បន្ទាប់ពីឈ្នះកីឡាការិនៅឥណ្ឌូណេស៊ី Pieters Diandra Ariesta នៅវគ្គផ្តាច់ព្រ័ត្រ វិញ្ញាសា KL ទម្ងន់ -៥៥គីឡូក្រាម។
កីឡាករ ភ័ណ្ឌ ចាន់ធី (ខាំ កូនខ្លា) បានឈ្នះមេដាយមាស ក្នុងព្រឹត្តិការរណ៍ឃីកបុកស៊ីង ជើងឯកអាស៊ី បន្ទាប់ពីយកឈ្នះកីឡាករឥណ្ឌូណេស៊ី នៅវគ្គផ្តាច់ព្រ័ត្រ។
កីឡាការិនី ទួន ស្រីពីន បានឈ្នះមេដាយមាស បន្ទាប់ពីផ្តួលកីឡាការិនីគុយវែត Alkharif Seham ឲ្យបោះបង់ចោលការប្រកួតក្នុងទឹកទី៣ នៅវគ្គផ្តាច់ព្រ័ត្រ វិញ្ញាសា K1-៥៦គីឡូក្រាម។
នៅ ស្រីពៅ រំភើបឡើងស្រក់ទឹកភ្នែក សម្រាប់មេដាយមាសជូនជាតិ បន្ទាប់ពីឈ្នះកីឡាការិនីឥណ្ឌា Neelakandan Neena នៅវគ្គផ្តាច់ព្រ័ត្រ វិញ្ញាសា LC -៥៥គីឡូក្រាម។
កីឡាករ ហ៊ឹម គឹមរៀង បានឈ្នះមេដាយមាស តាមរយៈជ័យជម្នះលើកីឡាករវៀតណាម Nguyen Ngoc Hoang ក្នុងវគ្គផ្តាច់ព្រ័ត្រ លើវិញ្ញាសា LK-៥៤គីឡូក្រាម។
កីឡាករ សុខ រិទ្ធ បានក្លាយជាម្ចាស់មេដាយមាស បន្ទាប់ពីឈ្នះកីឡាករថៃ Phrommakhot Netipong នៅវគ្គផ្តាច់ព្រ័ត្រ លើវិញ្ញាសា LK-៥១គីឡូក្រាម។
កីឡាករ ខាំ ខ្លានាង ក្លាយជាម្ចាស់មេដាយមាស បន្ទាប់ពីឈ្នះកីឡាករកាហ្សាស្ថាន Zhumabayev Nursultan ក្នុងវគ្គផ្តាច់ព្រ័ត្រ វិញ្ញាសា K1-៥១គីឡូក្រាម។
កីឡាករ ឆុង វិសាល ជាកីឡាករកម្ពុជាដំបូងឈ្នះមេដាយមាស ក្នុងព្រឹត្តិការរណ៍ឃីកបុកស៊ីង ជើងឯកអាស៊ី បន្ទាប់ពីយកឈ្នះកីឡាករវៀតណាម Nguyen Si Thang នៅវគ្គផ្តាច់ព្រ័ត្រ វិញ្ញាសា FC -៥១គីឡូក្រាម។
ម្ចាស់មេដាយមាស
- កីឡាករ សុខ រិទ្ធ ឈ្នះមេដាយមាស
- កីឡាករ ហ៊ឹម គឹមរៀង បានឈ្នះមេដាយមាស
- កីឡាករ ខាំ កូនខ្លា ឈ្នះមេដាយមាស
- កីឡាករ ខាំ ខ្លានាង ឈ្នះមេដាយមាស
- កីឡាករ ឆុង វិសាល ឈ្នះមេដាយមាស
- កីឡាការិនី ទូច ចាន់វត្តី ឈ្នះមេដាយមាស
- កីឡាការិនី នៅ ស្រីពៅ ឈ្នះមេដាយមាស
- កីឡាការិនី ឆា ចាន់ដេង ឈ្នះមេដាយមាស
- កីឡាការិនី ទួន ស្រីពីន ឈ្នះមេដាយ
ម្ចាស់មេដាយប្រាក់
- កីឡាករ ព្រុំ សំណាង ឈ្នះមេដាយប្រាក់
- កីឡាករ វ៉ន គឹមឆេង ឈ្នះមេដាយប្រាក់
- កីឡាការិនី Delaunay Emma មេដាយប្រាក់
- កីឡាករកម្ពុជា ទូច ដេវីត ទទួលបានមេដាយប្រាក់
សរុប៤១គ្រឿង គឺ មាស៩ ប្រាក់៤ និងសំរិទ្ធ២៨
អត្ថបទ៖ វីរបុត្រ
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ២១ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន