កីឡា

សារមន្ទីរថ្មីរបស់ Ronaldo នៅហុងកុងនឹងបើកដំណើរខែកក្កដា

បានផុស

១ year មុន

នៅ

ថ្ងៃព្រហស្បតិ៍ ៣០ មករា ២០២៥

ដោយ

សារមន្ទីរ CR7 តំណាងឲ្យកំពូលតារាបាល់ទាត់ព័រទុយហ្គាល់ Cristiano Ronaldo ស្ថិតនៅមជ្ឈមណ្ឌលផ្សារទំនើប K11 Musea ក្នុងខណ្ឌ Tsim Sha Tsui ទីក្រុងហុងកុង គ្រោងនឹងបើកជាផ្លូវការនាខែកក្កដាខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំបុត្រចូលរួមទស្សនាសារមន្ទីររបស់ Ronaldo នៅហុងកុងនឹងចាប់ផ្ដើមដាក់លក់នៅថ្ងៃទី៥ ខែកុម្ភៈ ដែលជាថ្ងៃកំណើតរបស់កីឡាករឈានចូលវ័យ៤០ឆ្នាំ។ សំបុត្រ Early Bird និង VIP នឹងមានលក់នៅកាលបរិច្ឆេទ ខណៈសំបុត្រទូទៅនឹងដាក់លក់នៅថ្ងៃទី២៤ ខែកុម្ភៈ វេលាម៉ោង១១ព្រឹក តាមរយៈប្រព័ន្ធអនឡាញ Klook និង Ctrip ក៏ដូចជាគេហទំព័រផ្លូវការរបស់ K11។ នេះបើយោងតាមកាសែត South China Morning Post បានរាយការណ៍។

សំបុត្រចូលទស្សនាទូទៅមានតម្លៃ១៨០ដុល្លារហុងកុង (ប្រមាណ២៣ដុល្លារអាមេរិក) សម្រាប់មនុស្សពេញវ័យ និងតម្លៃ១៩ដុល្លារអាមេរិក សម្រាប់កុមារ និងមនុស្សចាស់ ជាមួយនឹងការបញ្ចុះតម្លៃ១០%។

សារមន្ទីរក៏នឹងផ្តល់ជូននូវសំបុត្រ VIP ជាច្រើនកម្រិតផងដែរ ដែលត្រូវបានគេរំពឹងថានឹងរួមបញ្ចូលអត្ថប្រយោជន៍ផ្តាច់មុខដូចជារួមមានទំនិញដែលមានកំណត់ ដំណើរទេសចរណ៍ និងការចូលទៅកាន់តំបន់ពិសេសនៅក្នុងសារមន្ទីរ៕