កីឡា

ក្រុមពិធីករកីឡានៅកម្ពុជារៀបផែនការសកម្មភាពសប្បុរសធម៌ផ្សេងៗជួយដល់សង្គម

បានផុស

១ year មុន

នៅ

ថ្ងៃអង្គារ ៣ មិថុនា ២០២៥

ដោយ

ក្រុមពិធីករកីឡានៅកម្ពុជា បង្ហាញពីផែនការសកម្មភាពសប្បុរសធម៌អមជាមួយព្រឹត្តិការណ៍កីឡាជាច្រើនជួយដល់សង្គមដូចជាបំផុសស្មារតីបរិច្ចាគឈាម ប្រកួតបាល់រៃអង្គាសថវិកាជួយដល់មន្ទីរពេទ្យ និងការងារសំខាន់ៗចំនួនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទាត់ពិធីករកីឡា

លោក ស៊ីថូ ណាថាន់ សមាជិកក្រុមបាល់ទាត់ពិធីករកីឡាកម្ពុជាបានឲ្យដឹងថា បើតាមផែនការសកម្មភាពពាក់ព័ន្ធនិងការងារមនុស្សធម៌នេះគឺមានច្រើនដូចជា កាលពីថ្ងៃទី១ ខែមិថុនា កន្លងទៅនេះក្រុមបានមកចូលរួមរត់ប្រណាំងជាមួយលោក សាយ ក្រោមប្រធានបទ «រត់ដោយបេះដូង» ដើម្បីរៃអង្គាសថវិកាជួយដល់អង្គការសាលារៀនទន្សាយដែលផ្ដល់ការអប់រំដល់កុមារខ្សោយសតិបញ្ញា។

លោក ស៊ីថូ ណាថាន់

នៅថ្ងៃទី៦ ខែមិថុនា ២០២៥ ក្រុមបាល់ទាត់ពិធីករកីឡានឹងទាត់បាល់មិត្តភាពជាមួយក្រុមគ្រូពេទ្យស្ម័គ្រចិត្តធីតា ក្នុងបេសកកម្ម ១ម៉ឺនរៀល ១ម៉ឺននាក់ ដើម្បីជួយទៅដល់មន្ទីរពេទ្យគន្ធបុប្ផា។ ថ្ងៃទី១៤ ខែមិថុនា ឆ្នាំ២០២៥ ក្រុមបាល់ទាត់ពិធីករកីឡានឹងប្រមូលគ្នាទៅមជ្ឈមណ្ឌលផ្ដល់ឈាមដើម្បីបរិច្ចាគឈាមរួមគ្នាក្នុងថ្ងៃទិវាផ្ដល់ឈាមពិភពលោក។ នៅថ្ងៃទី១៩-២០ ខែមិថុនា ឆ្នាំ២០២៥ ក្រុមបាល់ទាត់ពិធីករកីឡា នឹងចេញដំណើរទៅខេត្តសៀមរាបបន្តទៀតដើម្បីចូលរួមប្រកួតបាល់ទាត់មិត្តភាពជាមួយក្រុមរដ្ឋបាលខេត្តសៀមរាបដើម្បីបំផុសផ្សព្វផ្សាយអត្ថប្រយោជន៍នៃការផ្ដល់ឈាមនៅទីនោះផងដែរ។

លោក ស៊ីថូ ណាថាន់

សូមបញ្ជាក់ឡើងវិញផងដែរថា ក្រុមបាល់ទាត់ពិធីករកីឡានៅកម្ពុជា បង្កើតឡើងក្នុងគោលបំណងធ្វើលើកិច្ចការសប្បុរសធម៌ពិសេសយុទ្ធនាការផ្សព្វផ្សាយបំផុសគំនិត និងផ្សព្វផ្សាយពីសារប្រយោជន៍ដ៏សំខាន់ក្នុងការបរិច្ចាគឈាមដើម្បីសង្គ្រោះជីវិតនៅកម្ពុជា៕

អត្ថបទដោយ៖ នួន ស៊ីណា

Related Topics:ព្រឹត្តិការណ៍កីឡាជាតិ