កីឡា

ស្វាយរៀងខាប់ លើកទី៧ រកឃើញ៤ក្រុមឡើងវគ្គ៨ក្រុមចុងក្រោយហើយ

បានផុស

១ year មុន

នៅ

ថ្ងៃចន្ទ ៩ មិថុនា ២០២៥

ដោយ

ការប្រកួត ស្វាយរៀងខាប់ លើកទី៧ បានរកឃើញក្រុមចំនួន៤ឡើងវគ្គ៨ក្រុមចុងក្រោយហើយ បន្ទាប់ពីប្រកួតវគ្គ១៦ក្រុមចុងក្រោយកាលពីចុងសប្តាហ៍កន្លងទៅនេះ។

ក្រុមកាំភ្លើងធំ បានឡើងទៅកាន់វគ្គ៨ក្រុមចុងក្រោយ តាមរយៈជ័យជម្នះដ៏ធំធេង ១៣-១ លើក្រុម ហនុមានពោធិ៍ថ្មី កាលពីព្រឹកថ្ងៃសៅរ៍ ទី៧ ខែមិថុនា ខណៈនៅពេលរសៀលថ្ងៃដដែល ក្រុម គោព្រៃភូមិស្វាយធំ ក៏បានកក់កៅអីឡើងទៅជុំបន្ទាប់ដែរ បន្ទាប់ពីឈ្នះលើក្រុម ស្វាយទាប អេហ្វស៊ី ដោយលទ្ធផល ៤-០។

នៅព្រឹកថ្ងៃអាទិត្យ ទី៨ ខែមិថុនា ក្រុមលីងគួយ អេហ្វស៊ី បានយកឈ្នះ ក្រុមភូមិកណ្តាលខាងលិច ដោយលទ្ធផល ១១-០ ដើម្បីបន្តដំណើរទៅកាន់វគ្គ៨ក្រុមចុងក្រោយ ហើយនៅពេលរសៀល ក្រុមសសយក ស្រុកចន្ទ្រា ទទួលបានជ័យជម្នះយ៉ាងតឹងតែងក្នុងលទ្ធផ ១-០ លើក្រុម Team យើង ដើម្បីកក់កៅអីឡើងទៅវគ្គបន្ត។

នៅចុងសប្តាហ៍នេះ មានការប្រកួត៤គូទៀតក្នុងវគ្គ១៦ក្រុមចុងក្រោយដើម្បីស្វែងរក៤ក្រុមបន្ថែមទៀតឡើងទៅវគ្គ៨ក្រុមចុងក្រោយ៕