កីឡា

ពាន ASEAN Club បង្កើតរូបមន្តថ្មី ធ្វើឲ្យការប្រកួតកាន់តែច្រើនគួរឲ្យចាប់អារម្មណ៍

បានផុស

១ year មុន

នៅ

ថ្ងៃពុធ ២៥ មិថុនា ២០២៥

ដោយ

ការប្រកួតបាល់ទាត់ពានក្លិបជើងឯកអាស៊ាន (ASEAN Clubs Championship-Shopee Cup) បានរៀបចំរូបមន្តនៃការប្រកួតថ្មីដែលធ្វើឲ្យការប្រកួតរដូវកាលថ្មី ២០២៥-២៦ កាន់តែច្រើន និងជក់ចិត្តសម្រាប់ក្រុមនីមួយៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដូវកាល ២០២៥-២៦ ត្រូវបានបង្កើនឡើងដល់ចំនួន ១៤ ក្រុម ដែលសុទ្ធជាក្រុមលំដាប់កំពូលប្រចាំតំបន់អាស៊ាន។ លក្ខខណ្ឌនៃការប្រកួតគឺ ក្រុមទាំង ១៤ ត្រូវបែងចែកជា ២ ពូល ហើយក្នុង ១ ពូលមាន ៧ក្រុម។ ការប្រកួតវគ្គសន្សំពិន្ទុក្នុងពូល ក្រុមនីមួយៗមានការប្រកួតចំនួន ៦ លើក ក្នុងនោះ មានការប្រកួតក្នុងដី ៣ លើក និងក្រៅដី ៣ លើក។

បន្ទាប់ពីចប់វគ្គសន្សំពិន្ទុក្នុងពូល ក្រុមដែលឈរចំណាត់ថ្នាក់លេខ ១ ដល់ លេខ ៤ នៃពូលទាំង ២ គឺសរុប ៨ ក្រុមបានឡើងទៅកាន់វគ្គ៨ក្រុមចុងក្រោយ។ ការប្រកួតវគ្គ ៨ ក្រុមចុងក្រោយ ២ ជើងទៀត គឺ ក្នុងដី និងក្រៅដី ទើបរកឃើញក្រុមឡើងទៅកាន់វគ្គពាក់កណ្តាលផ្តាច់ព្រ័ត្រ។

នៅវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ មានការប្រកួតពីរជើងដូចគ្នាគឺ ក្នុងដី និងក្រៅដី ដូច្នេះក្រុម២ដែលបានឡើងដល់វគ្គផ្តាច់ព្រ័ត្រ គឺ មានការប្រកួតសរុប ១២ លើកទើបចប់។