កីឡា

ម្ចាស់មេដាយចំបាប់ ២គ្រឿង អេង ផានិត ពេញចិត្តចំពោះសមិទ្ធផលការប្រកួត World Police

បានផុស

១ year មុន

នៅ

ថ្ងៃសុក្រ ៤ កក្កដា ២០២៥

ដោយ

ជើងខ្លាំងផ្នែកចំបាប់របស់កីឡាក្រសួងមហាផ្ទៃ អេង ផានិត ថាខ្លួនពិតជាពេញចិត្តចំពោះសមិទ្ធិផលមេដាយ ២គ្រឿង មាស១ ប្រាក់១ នៃព្រឹត្តិការណ៍ World Police and Fire Games ដែលកំពុងធ្វើនៅសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ អេង ផានិត

កីឡាករ អេង ផានិត បានឲ្យដឹងថា ព្រឹត្តិការណ៍ World Police and Fire Games នៅសហរដ្ឋអាមេរិកលើកនេះមានការប្រកួតប្រជែងខ្លាំងទម្រាំអាចឈ្នះមេដាយ។ ផ្នែកកីឡាចំបាប់ឆ្នាំនេះគឺខាងប្រទេសឥណ្ឌាបានបញ្ជូនកីឡាករមកច្រើន និងជាដៃគូប្រកួតប្រជែងស្វិតស្វាញក្នុងការដណ្ដើមមេដាយ។

រូបភាពផេកប្រឹក្សាកីឡាក្រសួងមហាផ្ទៃ

ជើងខ្លាំងរបស់ក្រសួងមហាផ្ទៃខាងលើនេះបន្ថែមទៀតថា មានការពេញចិត្តជាខ្លាំងដែលបានដណ្ដើមបានមេដាយមាស១ ប្រាក់១ បែបនេះ។ ការពេញចំពោះសមិទ្ធផលខ្លួនឯងនេះគឺដោយសារតែជាមេដាយដែលប្រកួតប្រជែងខ្លាំងទម្រាំអាចទទួលបាន។

បញ្ជាក់ដែរថា ក្រុមកីឡាចំបាប់ និងចំបាប់កាចដៃរបស់កីឡាក្រសួងមហាផ្ទៃ ឈ្នះមេដាយសរុប ១០គ្រឿង មាស១ ប្រាក់៥ សំរឹទ្ធ៤។ គិតមកដល់ពេលនេះក្រុមកីឡាក្រសួងមហាផ្ទៃឈ្នះមេដាយសរុប ៤៨គ្រឿង មាស២០ ប្រាក់១៥ សំរឹទ្ធ១៣ លើ ៩ប្រភេទកីឡាដែលបានបញ្ជូនទៅចូលរួមការប្រកួតកីឡានគរបាល និងកងពន្លត់អគ្គិភ័យពិភពលោក លើកទី២១ (the 21st World Police and Fire Games) នៅទីក្រុង Birmingham រដ្ឋ Alabama សហរដ្ឋអាមេរិក៕

អត្ថបទដោយ៖ នួន ស៊ីណា