បច្ចេកវិទ្យា
ប្រយ័ត្នជាមួយកម្មវិធីមេរោគថ្មីរបស់ Android ដែលអាចលួចយកទិន្នន័យធនាគារ និងលេខសម្ងាត់ផ្សេងៗ
កាលពីពេលថ្មីៗនេះក្រុមអ្នកស្រាវជ្រាវសន្តិសុខបច្ចេកវិទ្យាបានផ្សព្វផ្សាយឱ្យអ្នកប្រើប្រាស់មានការប្រុងប្រយ័ត្នជាមួយនឹងកម្មវិធីមេរោគប្រភេទថ្មីសម្រាប់ទូរសព្ទដែលមានប្រព័ន្ធប្រតិបត្តិការ Android ព្រោះអាចមានគេលួចយកទិន្នន័យសំខាន់ៗ ហើយកំពុងត្រូវបានចែកចាយនៅក្នុងប្រទេសមួយចំនួនក្នុងសហភាពអឺរ៉ុប។
កម្មវិធីមេរោគថ្មីនេះមានឈ្មោះថា TeaBot ត្រូវបានអ្នកស្រាវជ្រាវសន្តិសុខបច្ចេកវិទ្យារកឃើញកាលពីខែមករាកន្លងទៅ។ កាលពីដើមខែឧសភា កម្មវិធីមេរោគនេះក៏ត្រូវបានចែកចាយសម្រាប់លួចយកទិន្នន័យដើម្បីជ្រៀតចូលទៅក្នុងគណនីធនាគារមួយចំនួននៅក្នុងប្រទេសបែលហ្សុិក និង ហូឡង់។
បើតាមក្រុមអ្នកស្រាវជ្រាវបានបង្ហាញថា មេរោគនេះគឺបង្កើតឡើងដើម្បីលួចយកព័ត៌មានសំខាន់ៗមានដូចជា លេខគណនី លេខសម្ងាត់ និងសារ SMS ដើម្បីអាចឱ្យពួកជនខិលខូចចូលទៅក្នុងគណនីធនាគាររបស់អ្នកប្រើប្រាស់បាន។
ក្រៅពីទាញយកព័ត៌មានរបស់អ្នកប្រើប្រាស់ កម្មវិធីនេះក៏អាចទាញយកទិន្នន័យពី keyboard និងថតរូបភាពស្គ្រីនបានទៀតផង។ កម្មវិធីមេរោគនេះអាចចូលទៅក្នុងទូរសព្ទរបស់អ្នកប្រើប្រាស់បានដោយបន្លំធ្វើជាកម្មវិធីដែលមានមុខងារចាំបាច់មានដូចជា TeaTV, VLC Media Player, DHL និង UPS។
ដោយមើលឃើញពីគ្រោះថ្នាក់ក្នុងការទាញយកកម្មវិធីដែលមិនមានប្រភពច្បាស់លាស់នេះហើយ បានជានាយកដ្ឋានប្រឆាំងបទល្មើសបច្ចេកវិទ្យា បានណែនាំអ្នកប្រើប្រាស់ទាំងអស់ ចៀសវាងធ្វើការទាញយកកម្មវិធីមកប្រើប្រាស់ដែលមិនមាននៅក្នុង Play Store ឬ App Store ព្រោះយើងមិនអាចបញ្ជាក់បានថា តើកម្មវិធីទាំងនោះជាកម្មវិធីពិតប្រាកដ និងមិនមានបង្កប់មកជាមួយមេរោគ malware បានទេ៕
ប្រភព៖ នាយកដ្ឋានប្រឆាំងបទល្មើសបច្ចេកវិទ្យា
ចុចអាន៖ ៧ ចំណុចបង្កើតលេខសម្ងាត់ពិបាកនឹងស្មាន ដើម្បីជួយការពារគណនីក្នុងប្រព័ន្ធឌីជីថល
ចុចអាន៖ ព្រមាន! មុខងារ Night Shift នៅលើស្រ្គីនគ្មានប្រយោជន៍សម្រាប់ដំណេកឡើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង