បច្ចេកវិទ្យា
មេ Facebook ទទួលស្គាល់ TikTok ពិតជាកំពុងធ្វើព្យុះភ្លៀង និងល្បីជាងខ្លួន
ក្នុងការប្រកាសលទ្ធផលត្រីមាសទីបីរបស់ Facebook ក្នុងឆ្នាំ ២០២១ លោក Mark Zuckerberg បានចេញមុខទទួលស្គាល់ថា TikTok គឺជាដៃគូប្រជែងខ្លាំងក្លា និងមិនធ្លាប់ជួប។ ខណៈនេះ ក្រុមហ៊ុនកំពុងបង្កើតវិធីថ្មីមួយទៀត ដើម្បីទាក់ទាញយុវជនឲ្យចូល Facebook ម្ដងទៀត។
លោក Mark Zuckerberg នាយកប្រតិបត្តិ និងជាសហស្ថាបនិក Facebook បានបង្ហើបថា ក្រុមហ៊ុនកំពុងចាត់វិធានការថ្មីមួយ។ ដើម្បីកំណត់គោលដៅអតិថិជន ដែលជាក្មេងជំទង់អាយុចន្លោះពី ១៨ ទៅ ២៩ ឆ្នាំ ដោយមើលក្រុមអាយុនោះ ជាអតិថិជនគោលដៅសម្រាប់អតិថិជនរបស់ Facebook ។
សហស្ថាបនិក facebook បានបង្ហាញឲ្យឃើញបន្ថែមទៀត ការកំណត់គោលដៅឡើងវិញ ដោយផ្ដោតលើអ្នកប្រើប្រាស់វ័យក្មេង វាមិនមែនគ្រាន់តែជាបញ្ហានៃពាក្យនោះទេ។ ប៉ុន្តែវាជាអ្វីដែល Facebook ពិតជានឹងធ្វើ រួមជាមួយនឹងការជឿថា វាគួរតែជាវិធីសាស្ត្រត្រឹមត្រូវ។
ជាមួយគ្នានេះ លោក Mark Zuckerberg ទទួលស្គាល់ថា ការផ្លាស់ប្ដូរ Facebook នេះនឹងចំណាយពេលច្រើនឆ្នាំ។ ចំពោះការផ្លាស់ប្ដូរភ្លាមៗនោះនឹងមានតែ Instagram ប៉ុណ្ណោះ ដែលជាសេវាកម្មមួយទៀតពី Facebook។ Instagram នឹងផ្ដោតលើមាតិកាវីដេអូទៅលក្ខណៈពិសេសដូចជា Reels។
ខណៈ Facebook ផ្តោតលើសេវាកម្មវីដេអូ និង Reels វាច្បាស់ណាស់ថា ពួកគេមើលឃើញ TikTok ជាដៃគូប្រកួតប្រជែងដ៏សំខាន់។ ដោយសារតែការរីករាលដាលនៃមេរោគ កូវីដ១៩ ក្នុងរយៈពេលពីរឆ្នាំមកនេះ TikTok ពិតជាលេចធ្លោ។ វាបានក្លាយជាវេទិកាមួយ ដែលមានមនុស្សវ័យក្មេងជាច្រើនពេញនិយម។ រហូតដល់ចុងបញ្ចប់នៃក្រុមហ៊ុនប្រព័ន្ធផ្សព្វផ្សាយសង្គមធំ ៗ ពិភពលោកត្រូវតែមានមុខងារវីដេអូខ្លីដូច TikTok ភាគច្រើនបានធ្វើ។
យោងតាមការស្ទង់មតិរបស់ Piper Sandler បញ្ជាក់ថា Instagram គឺជាវេទិកា Facebook ដែលត្រូវបានប្រើប្រាស់ច្រើនជាងគេក្នុងចំណោមយុវវ័យ។ ក្នុងចំណោមមនុស្ស ១០,០០០ នាក់ ដែលបានស្ទង់មតិ ៨១ ភាគរយ ប្រើ Instagram, ៧៧ភាគរយ ក្មេងជំទង់ប្រើ Snapchat, ៧៣ភាគរយ ប្រើ TikTok និង Facebook ដែលជាកម្រិតទាបបំផុត ត្រឹមតែ ២៧ ភាគរយ ប៉ុណ្ណោះ។
យ៉ាងណាមិញ លោក Frances Haugen អតីតអ្នកគ្រប់គ្រងផលិតផលរបស់ Facebook ធ្លាប់លាតត្រដាងក្រុមហ៊ុន Facebook ថា Instagram គឺជាវេទិកាមួយដែលបំផ្លាញសុខភាពផ្លូវចិត្តរបស់ក្មេងជំទង់ ហើយ Facebook មិនបានយកចិត្តទុកដាក់ច្រើន ក្នុងការដោះស្រាយបញ្ហានោះទេ៕
ប្រែសម្រួល៖ សាង ស្រីល័ក្ខ
-
សេដ្ឋកិច្ច៣ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១៧ ម៉ោង agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ សប្តាហ៍ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoព្រះសង្ឃថៃ សុគត កើនដល់ ១០អង្គហើយ ក្នុងហេតុការណ៍បុករះ បង្កឡើងដោយ កុមារមានបញ្ហាស្មារតី