បច្ចេកវិទ្យា
អាជីវកម្មយុគសម័យឌីជីថលប្រឈមបាត់បង់ទិន្នន័យដែលបំផ្លាញដោយមេរោគកុំព្យូទ័រ
បច្ចេកវិទ្យារីកចម្រើន តាមបណ្តាអាជីវកម្មភាគច្រើនអភិវឌ្ឍខ្លួនប្រើប្រាស់ប្រព័ន្ធឌីជីថលគ្រប់គ្រងទិន្នន័យ ដោយចំណេញពេលវេលា និងកាត់បន្ថយការប្រើប្រាស់មនុស្ស។ ប៉ុន្តែផ្ទុយពីចំណុចវិជ្ជមាន ក៏មានផលរំខានជាច្រើនផងដែរ ប្រសិនបើម្ចាស់អាជីវកម្មតាមប្រព័ន្ធឌីជីថល ដែលមិនមានប្រព័ន្ធសុវត្ថិភាពគ្រប់គ្រាន់ ងាយនឹងបាត់បង់ទិន្នន័យវាយលុកដោយមេរោគកុំព្យូទ័រ។
លោក ប៊ុន ចាន់ឈីម នាយកប្រតិបត្តិក្រុមហ៊ុន Elitech Distributor បានលើកឡើងថា តាមការស្រាវជ្រាវ មេរោគកុំព្យូទ័រដែលវាយលុកជាសកលមានចំនួនដល់ទៅ ៥.៤ ពាន់លានករណី ដែលក្នុងនោះ ការគំរាមកំហែងរបស់មេរោគ រ៉េនសាំវែ មានរហូតដល់ ៦៨.៥ភាគរយ។ លោកថា ប្រទេសចិនមានមេរោគវាយលុកច្រើនជាងគេរហូតដល់ប្រមាណ ៤៨.៧ភាគរយ នៃកុំព្យូទ័រសរុបទាំងអស់ទូទាំងប្រទេស ដែលបានវាយលុកដោយ Hacker។ តួលេខនេះ មានចំនួនច្រើន ដែលម្ចាស់អាជីវកម្មឌីជីថលមានការព្រួយបារម្ភ។
លោក អ៊ូ ផាន់ណារិទ្ធ ប្រធាននាយកដ្ឋានសន្តិសុខបច្ចេកវិទ្យាគមនាគមន៍ និងព័ត៌មាន បានឱ្យដឹងថា បច្ចុប្បន្ននៅកម្ពុជា មានការប្រើប្រាស់កម្មវិធីដែលពុំមានអាជ្ញាបណ្ណត្រឹមត្រូវ ដែលនេះមានហានិភ័យខ្ពស់ក្នុងការឆ្លងមេរោគតាមកុំព្យូទ័រ។
ដោយសារតែមានការយាយីពីសំណាក់មេរោគថ្មីៗជាច្រើន នៅលើពិភពលោក និងដើម្បីជួយការពារទិន្នន័យដល់អ្នកប្រើប្រាស់ ក្រុមហ៊ុន Elitech Distributor បានសហការជាមួយក្រុមហ៊ុន HTech Holding បានចុះអនុស្សារណៈយោគយល់គ្នា និងដាក់ឱ្យដំណើរការកម្មវិធីកម្ចាត់មេរោគ ESET នៅល្ងាចថ្ងៃទី ១១ ខែ សីហា ឆ្នាំ ២០២២។
លោក Rainy ទីប្រឹក្សាសន្តិសុខ HTech Holding បានលើកឡើងថា ESET គឺជាកម្មវិធីកម្ចាត់មេរោគ មានវត្តមាននៅលើទីផ្សារពិភពលោកជាង ២០០ប្រទេស គិតមកដល់បច្ចុប្បន្នមានអាយុកាសជាង ៣០ឆ្នាំមកហើយ។ លោកថា Eset គឺជាកម្មវិធីកម្ចាត់មេរោគ ជាប់លំដាប់ថ្នាក់លេខ១ ដែលមានការទទួលស្គាល់ខ្លាំង នៅប៉ែកអឺរ៉ុប។ លោកបន្តថា កម្មវិធីកម្ចាត់មេរោគ ESET ជាជម្រើសទី១ សម្រាប់អតិថជនក្នុងការជួយការពារដល់អ្នកប្រើប្រាស់ទៅលើ Server កុំព្យូទ័រ ទូរសព្ទ័ដៃ Android ពីមេរោគ ជាពិសេសការបាត់បង់ទិន្ន័យ និង គណនីធនាគារជាដើម។
លោក ប៊ុន ចាន់ឈីម បានសង្កត់ធ្ងន់ថា ការប្រើប្រាស់កម្មវិធីកម្ចាត់មេរោគ ESET បានជួយការពារឯកសារសំខាន់ៗរបស់យើងពីមេរោគ និងទប់ស្កាត់មិនឱ្យមេរោគចូលកុំព្យូទ័រ ជាដើម៕
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៦ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៤ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ចរាចរណ៍២១ ម៉ោង ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន