បច្ចេកវិទ្យា

វៀតណាម ត្រៀមដាក់លក់ឡានអគ្គិសនីហោះ វាយលុកទីផ្សារក្នុងឆ្នាំ ២០២៤ (មានវីដេអូ)

បានផុស

៤ years មុន

នៅ

ថ្ងៃអង្គារ ១ វិច្ឆិកា ២០២២

ដោយ

ratanak neang

ក្រុមហ៊ុនវៀតណាម Airlios បានបង្ហាញគម្រូឡានអគ្គិសនីហោះដែលគ្រោងនឹងផលិតលក់ជាលក្ខណៈពាណិជ្ជកម្មនៅឆ្នាំ ២០២៤ ខាងមុខនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះលក្ខណៈឡានអគ្គិសនីដែលផលិតដោយក្រុមហ៊ុន Airlios នេះ មានកៅអីអង្គុយតែមួយប៉ុណ្ណោះ ដាក់ថ្មចំនួន ៨ គ្រាប់ សាកពេញក្នុងរយៈពេល ៧ ទៅ ៩ នាទី អាចហោះឡើងដល់រយៈកម្ពស់ខ្ពស់បំផុត ១២ ម៉ែត្រ ជាមួយល្បឿន ១០០ គីឡូម៉ែត្រក្នុងមួយម៉ោង ហើយត្រឹមរយៈពេល ១០ វិនាទី ឡានហោះនេះ អាចឡើងដល់កម្ពស់ ១០ ម៉ែត្រឯណោះ ។

ទន្ទឹមនោះ ឡានហោះនេះ ផលិតចេញពីអាលុយមីញ៉ូម និងសរសៃកាបូន ដែលអាចហោះហើរបានទាំងដោយស្វ័យប្រវត្តិ និងតាមរយៈការបញ្ជាដោយផ្ទាល់ផងដែរ ។

លោក Mai Thien Vu ប្រធានផ្នែកបច្ចេកវិទ្យារបស់ក្រុមហ៊ុនបានប្រាប់សារព័ត៌មាន VnExpress ថា គម្រោងនៃការផលិតឡានហោះដោយថាមពលអគ្គិសនីនេះ ត្រូវបានចាប់ផ្តើមឡើងតាំងពី ៥ ឆ្នាំមុនម្ល៉េះ ហើយមកដល់ពេលនេះ ការផលិត គឺសម្រេចបាន ៧០-៨0 ភាគរយហើយ ហើយក៏នឹងគ្រោងចាប់ផ្តើមការហោះហើរលើកដំបូង បន្ទាប់ពីធ្វើកំណែពាណិជ្ជកម្មនៅចុងឆ្នាំ ២០២៣ ។

ប្រសិនបើវាត្រូវបានគេដាក់ឲ្យដំណើរការតាមការគ្រោងទុក នោះ Airlios អាចនឹងក្លាយជាឡានហោះដំបូងគេនៅអាស៊ីអាគ្នេយ៍ ហើយនឹងមានតម្លៃស្តង់ដាប្រហែល ៨១,០០០ ដុល្លារ ។ បន្ថែមពីនេះ Airlios ក៏នឹងបញ្ចេញម៉ូដែលផ្សេងទៀតដែលមានតម្លៃរហូតដល់ ៩៩,០០០ ដុល្លារផងដែរ ៕