បច្ចេកវិទ្យា
វៀតណាម ត្រៀមដាក់លក់ឡានអគ្គិសនីហោះ វាយលុកទីផ្សារក្នុងឆ្នាំ ២០២៤ (មានវីដេអូ)
ក្រុមហ៊ុនវៀតណាម Airlios បានបង្ហាញគម្រូឡានអគ្គិសនីហោះដែលគ្រោងនឹងផលិតលក់ជាលក្ខណៈពាណិជ្ជកម្មនៅឆ្នាំ ២០២៤ ខាងមុខនេះ ។
ចំពោះលក្ខណៈឡានអគ្គិសនីដែលផលិតដោយក្រុមហ៊ុន Airlios នេះ មានកៅអីអង្គុយតែមួយប៉ុណ្ណោះ ដាក់ថ្មចំនួន ៨ គ្រាប់ សាកពេញក្នុងរយៈពេល ៧ ទៅ ៩ នាទី អាចហោះឡើងដល់រយៈកម្ពស់ខ្ពស់បំផុត ១២ ម៉ែត្រ ជាមួយល្បឿន ១០០ គីឡូម៉ែត្រក្នុងមួយម៉ោង ហើយត្រឹមរយៈពេល ១០ វិនាទី ឡានហោះនេះ អាចឡើងដល់កម្ពស់ ១០ ម៉ែត្រឯណោះ ។
ទន្ទឹមនោះ ឡានហោះនេះ ផលិតចេញពីអាលុយមីញ៉ូម និងសរសៃកាបូន ដែលអាចហោះហើរបានទាំងដោយស្វ័យប្រវត្តិ និងតាមរយៈការបញ្ជាដោយផ្ទាល់ផងដែរ ។
លោក Mai Thien Vu ប្រធានផ្នែកបច្ចេកវិទ្យារបស់ក្រុមហ៊ុនបានប្រាប់សារព័ត៌មាន VnExpress ថា គម្រោងនៃការផលិតឡានហោះដោយថាមពលអគ្គិសនីនេះ ត្រូវបានចាប់ផ្តើមឡើងតាំងពី ៥ ឆ្នាំមុនម្ល៉េះ ហើយមកដល់ពេលនេះ ការផលិត គឺសម្រេចបាន ៧០-៨0 ភាគរយហើយ ហើយក៏នឹងគ្រោងចាប់ផ្តើមការហោះហើរលើកដំបូង បន្ទាប់ពីធ្វើកំណែពាណិជ្ជកម្មនៅចុងឆ្នាំ ២០២៣ ។
ប្រសិនបើវាត្រូវបានគេដាក់ឲ្យដំណើរការតាមការគ្រោងទុក នោះ Airlios អាចនឹងក្លាយជាឡានហោះដំបូងគេនៅអាស៊ីអាគ្នេយ៍ ហើយនឹងមានតម្លៃស្តង់ដាប្រហែល ៨១,០០០ ដុល្លារ ។ បន្ថែមពីនេះ Airlios ក៏នឹងបញ្ចេញម៉ូដែលផ្សេងទៀតដែលមានតម្លៃរហូតដល់ ៩៩,០០០ ដុល្លារផងដែរ ៕
ប្រែសម្រួលដោយ ៖ នាង រតនៈ
ប្រភព ៖ VN Express
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត