សេដ្ឋកិច្ច

ហាងឆេងមាសបន្តរក្សាតម្លៃខ្ពស់ ៤ ៨៧៦ ដុល្លារ មួយតម្លឹង

បានផុស

៨ ខែ មុន

នៅ

ថ្ងៃចន្ទ ១៣ តុលា ២០២៥

ដោយ

តម្លៃហាងឆេងមាសបន្តរក្សាតម្លៃខ្ពស់ ពោលគឺ ៤៨៧៦ ដុល្លារ ក្នុងមួយតម្លឹង នៅថ្ងៃច័ន្ទសប្ដាហ៍នេះ ដោយសារអត្រាការប្រាក់ធនាគារកណ្ដាលអាមេរិក និងស្ថានភាពភូមិសាស្ត្រនយោបាយពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំនាញនៅក្នុងវិស័យហិរញ្ញវត្ថុ បានអះអាងថា តម្លៃហាងឆេងមាសនឹងហក់ឡើងដល់ ៥០០០ ដុល្លារ ក្នុងមួយតម្លឹង នៅដំណាច់ឆ្នាំ ២០២៥ ប្រសិនបើស្ថានភាពពិភពលោកបន្តស្ថិតនៅក្នុងភាពមិនប្រាកដប្រជា។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities មានប្រសាសន៍ថា គិតត្រឹមព្រឹកថ្ងៃទី ១៣ ខែតុលា ឆ្នាំ ២០២៥ ហាងឆេងមាសមានតម្លៃ ៤ ៨៧៦ ដុល្លារ ក្នុងមួយតម្លឹងដោយសារអាមេរិកត្រៀមកាត់បន្ថយអត្រាការប្រាក់ម្ដងទៀតនៅចុងឆ្នាំនេះ ប៉ុន្តែត្រូវបានរំខានដោយអតិផរណា ដោយសារតែនៅខណៈនេះ អត្រាអតិផរណានៅសហរដ្ឋអាមេរិកបានកើនឡើងខ្ពស់ ដែលធ្វើឱ្យធនាគារកណ្ដាលពិបាកក្នុងការសម្រេចចិត្តកាត់បន្ថយអត្រាការប្រាក់។

លោក ឡុង សំណាង បន្ថែមថា៖ «កត្តាសំខាន់បំផុតដែលរុញច្រានឱ្យតម្លៃហាងឆេងមាសកើន ឡើងខ្លាំង គឺពាក់ព័ន្ធជាមួយនឹងទំនុកចិត្ត ទាំងវិនិយោគិន និងធនាគារ ដែលគេមើលឃើញថា ប្រាក់ដុល្លារ ទោះបីជារក្សាអត្រាការប្រាក់ក៏ដោយ ឬក៏ដំឡើងអត្រាការប្រាក់ក៏ដោយគ្រាន់តែទប់ក្នុងការ ការពារអត្រាអតិផរណាកើនឡើងតែប៉ុណ្ណោះ»។

ស្ថានភាពគោលនយោបាយដឹកនាំប្រទេសរបស់អាមេរិក កំពុងជួបប្រទះក្នុងការ Lockdown រដ្ឋាភិបាលធ្វើឱ្យស្ថានភាពនៅអាមេរិកកំពុងតែច្របូកច្របល់ហើយប្រាក់ដុល្លារថយចុះ ខណៈស្ថានភាពសង្គ្រាមនៅតែបន្ត៕

អត្ថបទ៖ ឡេង ដេត