ព័ត៌មានជាតិ

ប្រធានសភាផ្ញើលិខិតរំលែកទុក្ខវៀតណាម និងម៉ាឡេស៊ី ដែលរងគ្រោះពីទឹកជំនន់ធ្ងន់ធ្ងរ

បានផុស

៨ ខែ មុន

នៅ

ថ្ងៃសុក្រ ២៨ វិច្ឆិកា ២០២៥

ដោយ

ប្រធានសភាកម្ពុជា សម្ដេចសភាធិបតី ឃួន សុដារី បានផ្ញើសាររំលែកទុក្ខជូនដល់ប្រធានសភាវៀតណាម និងម៉ាឡេស៊ី ចំពោះគ្រោះទឹកជំនន់ក្នុងប្រទេសទាំងពីរនេះដែលបានធ្វើឱ្យប៉ះពាល់ដល់អាយុជីវិត ខួចខាតទ្រព្យសម្បត្តិ និងហេដ្ឋារចនាសម្ព័ន្ធធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងលិខិតដាច់ដោយឡែកចំនួន២ ដែលផ្ញើទៅកាន់ប្រធានសភាវៀតណាមលោក ជិន ថាញ់មិន និងប្រធានសភាម៉ាឡេស៊ីលោក តាន់ស្រ៊ី ដាតូ ហ្សូនារី ប៊ីន អាប់ឌុល ចុះថ្ងៃទី២៦ ខែវិច្ឆិកា ឆ្នាំ២០២៥ សម្ដេចសភាធិបតី ឃួន សុដារី បានបង្ហាញក្ដីអាណិតអាសូរចំពោះជនជាតិវៀតណាម និងម៉ាឡេស៊ី ដែលរងគ្រោះដោយសារគ្រោះមហន្តរាយធម្មជាតិនេះ។

សម្ដេចបានលើកឡើងថា៖ «ក្នុងនាមរដ្ឋសភានៃព្រះរាជាណាចក្រកម្ពុជា និងក្នុងនាមខ្ញុំផ្ទាល់ ខ្ញុំសូមចូលរួមរំលែកទុក្ខដ៏ក្រៀមក្រំ និងក្ដីអាណិតអាសូរដោយស្មោះអស់ពីដួងចិត្តជូនចំពោះក្រុមគ្រួសារដែលរងគ្រោះយ៉ាងធ្ងន់ធ្ងរដោយសារគ្រោះមហន្តរាយធម្មជាតិនេះ»។

ប្រទេស៤នៅតំបន់អាស៊ីអាគ្នេយ៍ដែលរួមមានវៀតណាម ម៉ាឡេស៊ី ឥណ្ឌូណេស៊ី និងថៃកំពុងរងគ្រោះពីទឹកជំនន់ធ្ងន់ធ្ងរ។ យោងតាមរបាយការណ៍ដែលចេញផ្សាយមានពលរដ្ឋវៀតណាម៩០នាក់បានស្លាប់ ឥណ្ឌូណេស៊ីស្លាប់៦១នាក់ ម៉ាឡេស៊ីស្លាប់១នាក់ និងថៃស្លាប់៣៣នាក់៕

អត្ថបទដោយ ហ៊ុន សិរីវឌ្ឍន៍