ពលរដ្ឋស្នើសហគមន៍អន្តរជាតិ ជាម្ចាស់ហត្ថលេខីកិច្ចព្រមព្រៀងសន្តិភាព ជួយអន្តរាគមន៍ករណីយោធាថៃបើកការបាញ់ប្រហារ

ប្រជាជនកម្ពុជា ស្នើសុំឲ្យម្ចាស់ហត្ថលេខីកិច្ចព្រមព្រៀងសន្តិភាពគឺសហរដ្ឋអាមេរិក និងម៉ាឡេស៉ីដែលជាប្រធានអាស៊ានប្ដូរវេន សូមជួយអន្តរាគមន៍លើករណីយោធាថៃបើកការបាញ់ប្រហារឈ្លានពានចូលមកដែនអធិបតេយ្យភាពកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ព្រុំ ស៉ីថា ជាប្រជាពលរដ្ឋកម្ពុជា ពិតជាមិនអាចទទួលយកបានដាច់ខាត ចំពោះអំពើដ៏សាហាវព្រៃផ្សៃរបស់យោធាថៃ ដែលបានបើកការឈ្លានពានដ៏ខ្លាំងក្លាចូលមកក្នុងទឹកដីរបស់កម្ពុជា ដោយបានបំផ្លិចបំផ្លាញហេដ្ឋារចនាសម្ព័ន្ធ ផ្លូវថ្នល់ស្ពាន ខូចខាតផ្ទះសម្បែង  និងបានឆក់យកអាយុជីវិតពលរដ្ឋស្លូតត្រង់របស់កម្ពុជាជាច្រើនផងដែរ។ លោកបានបញ្ជាក់បន្ថែមថា កម្ពុជាត្រូវការសន្តិភាព មិនត្រូវការសង្គ្រាមដូចប្រទេសថៃឡើយ ដែលប្រទេសថៃស្រេចឃ្លានសង្គ្រាម។ សង្គ្រាមយើងដឹងស្រាប់ហើយ មានតែពាក្យថា បំផ្លាញ។

តាមរយៈការឈ្លានពានដ៏ព្រៃផ្សៃនេះហើយ ទើបប្រជាជនកម្ពុជា ស្នើដល់សហគមន៍អន្តរជាតិ ពិសេសឯកឧត្តមដូណាល់ត្រាំ ប្រធានាធិបតីសហរដ្ឋអាមេរិក សូមជួយអន្តរាគមន៍រកយុត្តិធម៌ជូនកម្ពុជាផង។

គួរបញ្ជាក់ គិតត្រឹមថ្ងៃទី១៥ ខែធ្នូ ឆ្នាំ២០២៥នេះ មានរយៈពេល០៩ថ្ងៃហើយ ដែលកងកម្លាំងយោធាប្រទេសថៃ បានបើកការបាញ់ប្រហារឈ្លានពានចូលមកក្នុងដែនអធិបតេយ្យភាពរបស់កម្ពុជា។ ដោយបច្ចុប្បន្ននេះ មានប្រជាជនកម្ពុជា ប្រមាណ៤០ម៉ឺននាក់ហើយ កំពុងត្រូវបានភៀសសឹក ចាកឆ្ងាយពីលំនៅឋាន ដើម្បីសុវត្ថិភាពផ្ទាល់ខ្លួន៕ អត្ថបទ ៖ សុភា